اخوي فتى نجد
كثر الله خيرك وبارك الله في جهودك وجعله في ميزان حسناتك
من الواضح أنك أنسان عملي وتحب العمل ونفع الناس بالخير ولك بهذا أجر كبير اغبطك فيه

هناك من يقراء الموضوع ويأخذه بستهزاء او بالاصح عدم الجدية او استبعاده ويستصعب الموضوع

الأمر ومافيه يحتاج إلى عزيمة وصبر وإراده وخطه عملية واضحه لأن أي مشروع مهما كان حجم رأسم المال ولو كان 1000 ريال سعودي فأن البداية صعبة وراح تواجهك عقبات إذا لم تصمد فيها فإنك ستخسر مشروعك ونرى اليوم أناس كثيرون يدخلون مشاريع صغيرة و لا تجده يستمر ويفشل ويعلل فشل المشروع بالظروف المحيطه فيه ويأخذ درس طول حياته ويبقى متخوف من فتح مشروع حتى لا يفشل مثل مافشل في المره الأولى .

السؤال الذي يطرح نفسه على الجميع ....؟

عندما نفشل في تجربة ما ( أي تجربة في حياتنا ) لماذا نضل مقيدين ومأسورين خلف فشلنا ...؟ لماذا لا نحول هذا الفشل إلى التجربة مفيده ونأخذ إيجابياتها ونترك سلبياتها...؟

أخي فتى نجد

احي فيك هذه الروح الحماسية والمخ التجاري


وأريد الافاده ورأيك في المشاريع الخدميه بشكل عام إيجابياتها وسلبياتها...؟


لك مني كل تحيه

اخوي فتى نجد
عسى الله يوفقك لما تحبه وترضاه في مساعدة الاعضاء
وعندي سؤال واحد عاطل مثل حالتي ويفكر بمشروع في مدينة جدة
وش نصيحتك له

السلام عليكم ...
اخوي مستشار توظيف . المشاريع الخدميه بالنسبة لي انا شخصياً ومن واقع تجربة في مجال ( مكتب استقدام كنت املكه , ومؤسسة مقاولات ) بصراحه كرهته كره عظيم وسلبياته كثيره جداً جداً , وخصوصاً اذا كان من المجالات الخدميه اللي فيها احتكاك شبه دائم مع الجهات الحكوميه حيث ان اغلب القوانين والقرارات تكون ارتجاليه يعني بالعامي ( ماتمسك جاااااااااااااده .....) كل يوم فيه قرار وكل يوم فيه نظام جديد وعلى هالحاله , وايضاً اغلب المجالات الخدميه تعتمد على الأيدي العامله المستقدمه من الخارج بسبب انخفاض تكاليفهم (الرواتب) وطبعاً اللحين انت عارف وضع التأشيرات وبهذلتها وصعوبتها .
طبعاً ما اقدر انكر ان المجال الخدمي له مردود مالي جيد وهذه من اهم ايجابياته وبرضو عادةً يكون طريق ممتاز جداً لبناء علاقات جيده مع اشخاص لم تكن تتوقعهم .

عمموماً هذه وجهة نظر شخصية ومختصره جداً جداً , ولو حبيت اننا نتناقش اكثر عطني رؤس اقلام عن اللي في بالك وانشاء الله اقدر اقدم لو شي بسيط قد تستفيد منه , ولو حبيت على الخاص ....

بلا قيود (والله مادري أخ أو أخت ) لكن شكلك اخت ...
عموماً انتي طلبتي فكره شامله عن موضوعي ( المغاسل الذاتية و المفارش ) وتامرين امر , ولكن انا كتبت سابقاً شرح مفصل تقريباً وبناءً عليه ممكن الشخص يبدأ يدرس الموضوع , ولكن اذا فيه شي معين او استفسار ياليت توضحين لي المطلوب بالظبط ولا عليك امر ...
وبالتوفيق انشاء الله ,,,,

الأخ / b-jrooh حياك الله ...
انت في جده ( ام الرخا والشدة ) والمركز التجاري الأول والأساسي وبوابة التجارة في المملكة ومجالها واسع وكبير جداً جداً جداً .

الأن اغلب البضائع وأغلب التجار الكبار ومراكزهم في جده , حاول تشوف منتجات معينه ومطلوبه في باقي مدن المملكة مثل الوسطى والشرقية والشمالية والجنوب وابدأ بمخاطبة التجار وخذ منهم اسعار جيده وابدأ اعرض على التجار الصغار في باقي المدن وصدقني والله والله لو بتاخذ الموضوع جد بإذن الله بتنجح وبدون راس مال بس المطلوب الصبر والجديه والتحمل فقط لاغير ..

فيه واحد من جده بدأ قبل تقريباً اقل من سنه , كان يشتري من تاجر اعرفه انا اجهزة الكمبيوتر التعليمي للأطفال ( اللي دايم تشوفون اعلاناتهم في الوسيلة والمبوبة ) كان ياخذها من جده جملة بسعر ( 37 ريال ) للحبة ويبيعها هنا في الرياض بسعر (160 ريال) للحبة وماشاء الله تبارك الله حصل خييييييييييييييييييير ومشة اموره ..

فكر مررررررررررره قوه (على قولة اهل جده ) وقلبها وانزل لسوق الجملة وحاول تطلع على اغلب البضائع وبعدها قرر بتبدأ بإيش ..

أي استفسار مستعدين وبالتوفيق انشاء الله ,,,

(( فتح عينك بقووووووووه على سوق الصواريخ ترى فيه حاجات تنفع انها تنباع في مدن المملكه وتراه سوق كنز عظيم للي يفهمه ))

اخوي فتى نجد جزاك الله الف خير

اخوي في مشروع في راسي بس ابي مشورتك هو محل بيع الاكسسورات والخردوات

علما بان لدي سجل تجاري استيراد وتصدير واتمنى اني استورد الاشياء هذي من

الصين وش اهم المدن الي اقدر استورد منها وكيف اتعامل معهم

المشروع الثاني : شراء وبيع الاثاث المستعمل ونقل العفش

ياريت اخوي تفيدني في الموضوع هذا وجزاك الله خيرا