كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #**1121** (**permalink**) 06-05-2010, 07:44 PM

اقتباس:

المشاركة الأصلية كتبت بواسطة قلبي حنون

يعطيك العافيه اخوي وضحت اشياء جدا مهمه الله يجزاك الف خير

الله يعافيك وشاكر مرورك وجزاك الله خير على دعواتك

فتى نجد · #**1122** (**permalink**) 06-05-2010, 08:19 PM

اقتباس:

المشاركة الأصلية كتبت بواسطة محتاجة دعائكم

الله يجزاك خير ووسع رزقك وبارك الله لك في مالك واهلك

بس تتوقع قد ايش كلفني اقامة ومصروفات سفر ومن هذا القبيل وايش الافضل في السكن هناك وبالعربي اللغة ميح وبالنسبة للشحن اخوي والجمارك كيف اذا كانت الكمية كثيرة يعني ايش يخلصها من الجمارك ممكن افادة بذا الخصوص
والله ولي التوفيق

امين الله يجزاك خير ...
بالنسبه للتكاليف فهي :

ــ تذكره 3000 ريال تقريباً
ــ فندق 150 الى 250 ريال / الليله - طبعاً فندق محترم ونظيف ومرتب
ــ مصاريف تنقلات و اكل وشرب 150 ريال تقريباً / لليوم الواحد

طبعاً نتكلم عن مدينة ( ايـــــو ) , وتحتاجون من 7 ايام الى 12 يوم وممكن تخلصون كل شغلكم .
بالنسبه للغه ما تحتاجونها , لأنكم المفروض تتفقون مع مكتب هناك بحيث يطلع معكم مترجم ويتكفل هو بــ ( الترجمه + استلام البضاعه + تجهيز كامل اوراق الشحنه + الشحن الى السعودية ) وكل هذا مقابل 3 الى 7 % من اجمالي مبلغ مشترياتكم ياخذها المكتب كأتعاب وطبعاًالمكاتب هذي مليـااااااااااااااااااااااانــه وزي الرز وممكن تبحثون عنهم في النت بتلقون كثير خصوصاً في منتدى العرب المسافرون في قسم الصين .
بالنسبه للبضاعة لما توصل هنا في السعودية , تخليصها بسيط جداً جداً جداً وممكن توكلون فيها مكتب تخليص جمركي مقابل 300 ريال ويريحكم , ولاكن تحتاجون سجل تجاري وهذا ممكن تخلصونه في يوم واحد واجراءاته سهله .

وموفقين إن شاء الله ,,,

فتى نجد · #**1123** (**permalink**) 06-05-2010, 08:26 PM

اقتباس:

المشاركة الأصلية كتبت بواسطة محتاجة دعائكم

في احد ردودك تكلمت عن الزيت العطري في دبي من فين واذا عندك ار قمهم او احد من معين اعطنيهم

او في اللمملكة احد يبيع زيت عطري ركز مو مغشوش دلني علية واسعارة حلوة بس الى الان مصدومة بدبي باسعارها

الزيوت العطرية اللي في الامارات هذا مصنع كبير , ولا يتعامل إلا بالكميات الكبيرة يعني يتكلم من 50 الف دولار وفوق للطلبيه الواحدة .
في السعودية موجود وفي الرياض في سوق المعيقلية ولكن والله ما ادري عن مستوى الجودة ولا اعرف احد ثقه .

وبالنسبه لدبي ... ما فهمت وش قصدك ( مصدومه بدبي واسعارها ) ؟؟؟

تفاهم · #**1124** (**permalink**) 06-05-2010, 09:35 PM

أخي الكريم فتى نجد
أشكرك كثيرا على أقتراحاتك ومعلوماتك البليغة جدا ... بدأت بالعمل على الطلبيات الصغيرة والله وفقني بعد التوكل عليه وبما أن الوضع تحسن في تايلند فأنا ذاهبة بعد عشرة أيام لاختار بضاعات أتخصص بها ولا كن لاأخفى عليك سرا رأيت أسواق الجملة في دبي اسعارهم حلوة كثير للتجار الصغار مثلنا .
فيا أعزائي أعضاء المنتدى تعالو نتوكل على الله ونبدأ بالعمل حتى ولو بمبلغ صغير جدا فأنا على استعداد لتقديم كل الخدمات الممكنة والمتاحة في دبي وتوصيلها اليكم.

جزاك الله خيرا

محتاجة دعائكم · #**1125** (**permalink**) 06-05-2010, 10:24 PM

اقتباس:

المشاركة الأصلية كتبت بواسطة فتى نجد

الزيوت العطرية اللي في الامارات هذا مصنع كبير , ولا بايتعامل إلا بالكميات الكبيرة يعني يتكلم من 50 الف دولار وفوق للطلبيه الواحدة .
في السعودية موجود وفي الرياض في سوق المعيقلية ولكن والله ما ادري عن مستوى الجودة ولا اعرف احد ثقه .

وبالنسبه لدبي ... ما فهمت وش قصدك ( مصدومه بدبي واسعارها ) ؟؟؟

انا اقلك ليش مصدومة دائما افتكر ان دول الخليج بالذات الامارت والكويت غالية بالنسبة للسعودية وبعد ماقريت ردودك وبالاسعار الي هناك اسواق الديرة الي تقول بالنسبة لوحدة ماعمرها خرجت من ارض السعودية وشافت الاسعار طبعا لازم اكون مصدومة

عقبال ماتسمعون اني بالصين واحمل بضاعة وافتح محل ويهدي زوجي ويقتنع بالفكرة بس تحمست ولازم يقنع لو يطول بس ان شاء الله راح انفذ المحل

جلاد الصبر · #**1126** (**permalink**) 07-05-2010, 06:29 AM

فتى نجد بيض الله وجهك وجزاك الله كل خير عن كل حرف كتبته لخدمه الشباب والشابات

انا عندي استفسار واريد النصح والتوجيه
اول شيئ انا في قريه صغيره في نجد
وسط الرياض والطايف
افكر اني اجيب ملابس نسائيه واطفال
من سوق الجمله في جده واعطيها زوجتي وهي تقوم ببيعها على اهل القريه
طبعا سيارتي هايلكس غمارتين
وكم تتوقع تكلفني البضاعه
لاني بااشحن الصندوق كامل وباانوع البضاعه
رايك بالموضوع وهل المشروع مربح وخصوصا اني بااخذها من هنا لانني لااسطيع السفر خارج المملكه لقله الماده
واش افضل اسواق الجمله الي في جده ولا الرياض
وياليت تعطيني معلومات عن اسواق الجمله
او شراء دينا واتاجر بالاعلاف ؟؟

أم هدى · #**1127** (**permalink**) 07-05-2010, 10:33 PM

السلاام عليكم... الله يعطيكـ العاافيهـ اخوي فتى نجد صراحه معلوماات افاادة الجميع اتووقع..
انا ربة بيت وحابه يكوون لي دخل وودي ابدأ مشرووع بـ 2000 إلى 5000 ريال..إذا تقدر تفيدني بخصووص بودرة الزعفراان وإذا عندكـ فكررهـ عن المعموول(الدخون) يعني عن الأغرااض اللي بستخدمهاا لعمله مثل فتات العود........ والأشياء هذي.. وإذا عندكـ فكرة مشرووع تقدر تفيدني فيهاا .. الله يجزااكـ خيير ويجعله في ميزان حسنااتكـ.. وشكراًاً

هاتريك · #**1128** (**permalink**) 08-05-2010, 06:29 AM

مشكووووووووووووووووووووووووووووووووووووووووووووووو ووووووور

تفاهم · #**1129** (**permalink**) 08-05-2010, 01:48 PM

اقتباس:

المشاركة الأصلية كتبت بواسطة أم هدى

السلاام عليكم... الله يعطيكـ العاافيهـ اخوي فتى نجد صراحه معلوماات افاادة الجميع اتووقع..
انا ربة بيت وحابه يكوون لي دخل وودي ابدأ مشرووع بـ 2000 إلى 5000 ريال..إذا تقدر تفيدني بخصووص بودرة الزعفراان وإذا عندكـ فكررهـ عن المعموول(الدخون) يعني عن الأغرااض اللي بستخدمهاا لعمله مثل فتات العود........ والأشياء هذي.. وإذا عندكـ فكرة مشرووع تقدر تفيدني فيهاا .. الله يجزااكـ خيير ويجعله في ميزان حسنااتكـ.. وشكراًاً

من بعد أذن "فتى نجد"

ممكن أفيدك ببودرة الزعفران والدخون من دبي وبأسعار مناسبة تربحك وحسب النوعية راسليني على الخاص. أما بالنسبة لفكرة المشروع فهذا يبقى مع أخونا الفاضل ليفيدنا مما أفاده الله .

فتى نجد · #**1130** (**permalink**) 08-05-2010, 03:20 PM

اقتباس:

المشاركة الأصلية كتبت بواسطة تفاهم

أخي الكريم فتى نجد
أشكرك كثيرا على أقتراحاتك ومعلوماتك البليغة جدا ... بدأت بالعمل على الطلبيات الصغيرة والله وفقني بعد التوكل عليه وبما أن الوضع تحسن في تايلند فأنا ذاهبة بعد عشرة أيام لاختار بضاعات أتخصص بها ولا كن لاأخفى عليك سرا رأيت أسواق الجملة في دبي اسعارهم حلوة كثير للتجار الصغار مثلنا .
فيا أعزائي أعضاء المنتدى تعالو نتوكل على الله ونبدأ بالعمل حتى ولو بمبلغ صغير جدا فأنا على استعداد لتقديم كل الخدمات الممكنة والمتاحة في دبي وتوصيلها اليكم.

جزاك الله خيرا

حياك اختي الكريمة ...
ماشاء الله تبارك الله , اخبار تسر ولله الحمد وتروحون وترجعون بالسلامة إن شاء الله والله يكتب لنا ولكم وللجميع التوفيق والنجاح .
اسواق الجملة في دبــــــــــــي فرصة حقيقيه وكنز مدفون لمن يقيم في الامارات ويصدر للسعودية وياليت تهتمون في هذا الموضوع ويكون جدي , بس يحتاج صبر وطولت بال ومع الوقت بتكسبين خبرة وتتسهل عليك امور كثيرة .

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟

تسجيل الدخول

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟