مجهود كبير و جبار ..... فتى نجد

الله يعطيك العافية و جزاك الله كل الخير عليه يا رب

جزاكم الله خير على اهتمامكم وتواصلكم الرائع


حقيقة أنا عن نفسي إذا جيت أقدم على خطوة أشعر بشي من الخوف والخجل


من التعامل مع الناس بالذات في أمر البيع والشراء


يعني كم مرة فكرت اني اجيب فيها منتجات أو مستحضرات تجميل


أرجع أقول لا فشلة مع الناس .. وهذي قالت كلمة وهذي قالت كلمة ..


لكن ربنا يسهلها وأنطلق وتنفك عقدة الخوف والخجل مني .

السلام عليكم ...
الأخوة والأخوات ( كلام مجرب و رهف و رسيليان و heavnmoon ) شكراً لمروركم والله يعطيكم العافية .
الأخت / أحلام وطموح , هذا شيء عاااااادي جداً جداً في البدايات فقط وبعد كذا خلاص تروح الرهبة والخجل من نفسها , وانا سمعة عن دورات تعالج هذي المشكلة وممكن تستفيدين منها وبالتوفيق انشاء الله .
اخوي / المحمد , كلامك صحيح وحبيت اوضح لك حاجه فيه مصانع يابانية كثيره جداً في الصين يعني ( تقنية يابانية وتصنيع صيني ) وذلك لرخص الأيدي العاملة وبالمقابل تقليل تكلفة الإنتاج وحصول المستهلك على سعر معقول ومنافس , وبالتوفيق انشاء الله .

(( فكرة للبنات ))
المطلوب تجمع عدد من الفتيات المبدعات ( يعني اللي عندهم ذوق حلو ) ويبدؤن بتصميم وتنفيذ صواني التقديم ( تقديم الشوكولاتة في المناسبات ) بديكورات ولمسات رائعة وبإستخدام مواد خام تكون مميزة ورررررروعه , بإختصار يا بنات ( روحو لشارع الثلاثين بالعليا وشوفو محل " ما اذكر اسمه " عموماً هو جمب محل شوكولا جـــوي بالظبط وتفرجو على الصواني اللي عندهم روعه بالأفكار والموديلات والأسعار ناااااااااااااااااااااار ) شوكولا جوي بعد قزاز بشوي على اليمين , مثلاً عندهم صينية قزاز عادي وفيه لمسات الصراحة ررررايقه ويبيعونها بسعر " 700 ريال " طبعاً فاضيه , والله والله والله ان تكلفتها عليهم لايمكن ابدأ ابداً تتجاوز " 50 ريال " .
التـسـويــق :
بسيط جداً يعني ممكن تتفقون مع كذا محل حلويات وتسوون لهم التصميميات وتعطونهم اسعار حلوه وبإذن الله ما تلحقون شغل .
اهــــــــــــــــــم شـي الذوق الذوق الذوق , يعني شغل المطرررررررررسه واخوانا السواريا ما يصلح , وعلى ما أظن كلالالالالالالالالامي واضح (واحد متحمس وعصب).

ويالله يابنات ورونا شطارتكم , واي استفسار ما احد مقصر معكم من المنتدى ...

الله يكتب لكم التوفيق ولاتنسونا من دعائكم ,,,,

حبيبنا فتى نجد

ما أقول إلا الله يوفقك ويفتح لك باب رزقه وين ما تروح

بالنسبة لي عجبتني قصة الزعفران البارح كنت أنا وأم العيال

في أحد المجمعات في الرياض قلت خلني أسئل محلات القهوة

وألاقي ذاك اليماني سئلته عن الزعفران وراني شي مو ذاك الزود

يقول بـ 28 قلت طيب كم تاخذه جملة قال يطلع علي الحبه بـ 26

قلت وافضل انواعه قال ابو شيبه الإيراني هذا ينباع من الـ 80 إلى الــ 100

وأنت تضحك عاد قلتله عن فكرة اني بجيب زعفران من إيران وكذا

قال والله أن ياخذونه منك وانت مغمض بس لازم يكون عندك مؤسسة

------------------------

فعاد دخلت في راسي قصة الزعفران يا أبو خالد وحدودي حول الــ 3000ريال

مشكلتي ما عندي مؤسسة

وانا ارسلتلك رسالة على الخاص وانتظرك يا غالي

وكان الله في عونك والله يجزاك الخير وتشوفها في خالد وأخوانه

تقبل تحيتي

أخوك كاتم

وعلى طاري المؤسسة يا ابو خالد

وش شروط فتح مؤسسة اذا كنت بجيب بضاعة من برا وابيعها جملة في السعودية هنا<<<<انتفخ راسي مؤسسة مره وحده الله يجيب الخير

والله يوفقك ويخليك لعين ترجيك

ودمت يا غالي

اخوي / كاتم العبرات , حياك الله والمعذرة اني مارديت على الرسالة لكن مانقول الا ( مافات الا الشر ) وابشرررررررر بسعدك وانا اخوك .
شروط فتح المؤسسة :
1ــ ان تكون مهنتك ( متسبب ) أو ( موظف أهلي ) واذا كنت موظف حكومي ممكن تقتح المؤسسة بإسم زوجتك .
2ــ تكلفة السجل التجاري كاملاً من الألف الى الياء وانت جالس بالبيت ( 1800ريال) تقريباً .
المشكلللللللللللللللللللللللللله كذا خلص راس المال ,ههههههههههههه مزززززحه ,,,

بالنسبة للزعفران خل اكون صادق معك انا ماني خبير فيه ولكن انا رحت وشفت بنفسي اسعار المشترى والبيع وعارف ان فيه ارباح جيدة ومجزية .
طبعاً اقرب مكان ممكن تجيب منه الزعفران الطيب من ( دبـــي ) وفيه سوق كبير خاص بالايرانيين وممكن اعطيك عنوانهم , وعندهم انواع كثيره يعني طب وتنق ومبلغ ( 2000 الى 3000 ريال ) مبدئياً جيد ويجيب لك بضاعه ممكن تترزق منها ومع الوقت صدقني بتكبر معك بإذن الله .
ملاحظة هاااااامة : طبعاً في الفترة الأخيرة فيه تشديد على الفحص من قبل المختبرات في الجمارك وفيه انواع زعفران لايمكن تدخل السعودية لأحتوائها على مواد مضره وحاجات زي كذا , لذلك انصحك قبل ما تجيب تمر المختبر بالرياض وتسئل وتشوف وش اللي مقبول ووش اللي مرفوض عشان ما تجيب بضاعة وبعد كذا تتورط فيها انتبه انتبه , المطلوب منك شوي مجهود بالسؤال والبحث وبمجرد ماتعرف سر المختبر صدقني بتشتغل زي الحلاوه ...(ولاتنسانا من كم علبة زعفران هدية , امزززززح).
وبالتوفيق انشاء الله ,,,,

الله يجزاك خير يا فتى نجد

ننتظر منك الكثير ..وبصراحة شدّيتني لمتابعة الموقع وبقوووة ..ياليت تزيدنا من معلوماتك ..
كثير من الناس -وأنا أولهم- ودّهم يبدون بس ما هم عارفين وين الطريق ..!

نبي أكثر من أفكارك يالغالي ..إن شاء الله تضبط معي وحده منها

الله يوفقّك للخير

انا عندي فكرة
ليش مانعمل زي المندوبات
يعني كل وحدة تزبط بقشتها وتروح لجاراتها تبداء بالقريب بعدين إذا الموضوع مشي معاها
تبداء توزع رقم تلفونها على الحريم الي تحتاج شيء توفرلها هو بدون مشورة ولا مشي ولا تعب بعد كذا لمن تجين تروحين على الديرة أو قرية تاخذين معك النواقص النواقص لا تكثرين
علشان هم من غير شيء حيطلبون منك طلبات خاصة بعد كذا مع الوقت بتعرفين المستلزمات و الطلبات لكل مكان وتوفرينها بحسب الحاجة وكل ماطورتي في بضاعتك زادت الطلبات يعني خلونا نأخذ علب المكياج دايما تتطور من وقت لأخر ونفس الشي السلع الأخرى
وهكذا
شكرا لمن وضع الفكرة شكرا