الأخ / محمد العتيبي , حياك الله وشكراً على الإطراء وهذا قليل مما عندكم .
مشروع الشقق المفروشه فكره حلوه ومردودها طيب وطبعاً اكيد انتم مسوين دراسة وعارفين وش لكم ووش عليكم , وهذي بعض الاقتراحات :
ــ طبعاً احرص على الموقع المعقول بحيث تكون قيمة شراء الأرض جيده لا هي في موقع ممتاز جداً وتكون الأرض غاليه عليكم وينعكس سلباً في المستقبل على سعر التأجير عندكم ولاتكون رخيصه وفي موقع تعبان وتأثر عليكم في نسبة الأشغال (السكان) بسبب سوء موقعها .
ــ اهتم بدقه في اعمال التشطيبات لأن الديكور النهائي عامل جذب مهم جدا جدا للمستأجر وياليت لو تمر فروع (بودل للشقق المفروشة) في الرياض وتشوف ديكوراتهم رائعة جداً مع العلم انها ذات تكاليف معقوله وغير مرتفعة .
ــ بالنسبة للتشطيبات النهائيه مثل ( الأجهزة الكهربائية , الأثاث , الإنارة , التحف والمناظر , والمغاسل والأدوات الصحيه) انصح بشرائها من الصين مباشرةً وبتوفر عليكم من 35% الى 45% خصوصاً ان عدد الشقق عندكم اتوقع ماراح يقل عن 10 أو 15 شقه , يعني تسوى العنوه للصين .
ــ احرصوا على التشطيبات الحلوه والبسيطه بنفس الوقت لأن الشي لازاد عن حده قلب ضده .
ــ يفضل لو تم وضع صالة العاب مصغره للأطفال .
ــ يفضل توفير غرفة سكن للسائقين مجاناً .

واي خدمه حاظرين , وبالتوفيق انشاء الله ...
ولاتنسانا بالخصم الطيب اذا جيناك انشاء الله ,,,,,,,

أخي فتى نجد

تراي أنتظر ياليت تعجل

و جزاك الله خير

السلام عليكم ورحمة الله وبركاته
مساء الخير
فتى نجد بأستشيرك بشي
بالنسبة لماركات الماكياج والعطور والشنط العالمية تنزل البضايع عند قزاز والاماكن المعروفة بسعر غالي جدا وينزلو عروض احيانا انه لو اشتريت بمبلغ مثلا 500 تحصل على هدية مجانا مثلا (شنطة من الماركة الفلانية + مناكير مثلا او عطر من ماركة ثانية او نفس الماركة)
الزبدة
احد الاشخاص كان يجيب هذه الهداياالمجانية من دبي شنط ماكياجات عطور والشغلات هذه وغيرها من المنتجات سواء هدايا كانت اومنتجات عادية ماعليها عروض
ويبيعها بسعر معقووووول جدا
مثلا شنطة جيفنشي سهرات ب30 ريال
اي شدو(ظل) تيستر مثلا (تيستر يكون بدون العلبة الاصلية مثلا بحدود من 20 الى 30 بالكثير طبعا )
والعلبة الاصلية(الي مكتوب عليهااسم الماركة والي هنا مربط الفرس ) ماتتجاوز ال50
وعليها اقبال رهيب لانها بسعر يعتبر رخيص ورخيص جدا مقارنة بالماركات عندنا هنا
السؤال هو
كيف اوصل للشركات هذه وكيف اتعامل معاهم واخذ منهم البضاعة
علما انه البلغ راح اخذه قرض او اشوف كم تكلفته اذا اقدر ادبره مثلا
وبالنسبة للتسويق راح يكون عن طريق النت المواقع النسائية المعروفة وعن طريق المعارف والمدرسات والشغلات هذه وخارج المنطقة تكون بشركات التوصيل
فياليت تعطينا رأيك(اذا سمعت عن الشي هذا قبل )بحكم انك صاحب خبرة وتدلنا كيف نوصل لغرضنا
شكرا لك
دمت بود

مشكور يالغالي على هذا الطرح الجميل ولاعدمناك

شكرا على الطرح وفكرة حلوة

السلام عليكم ورحمة الله وبركاته

جزاك الله خير فتى نجد على افكارك ومشاريعك الخطيييييره
والمميزه ..
احنا مجموعة بنات وحابين نفتح كشك باسمنا
الله لايهينك بغيت استشيرك بمشروع الـ [كشك]
التكلفه ؟ [ يعني اقل تكلفه كم بشكل عام للمشروع ] ..!
والمنتجات الاكثر طلبية في محلات الكشكات ؟
الموقع؟
مدري اي شي يتعلق بهالمشروع
المهم تعطيني خلفيه كامله ومبسسطه عنه ..

:

حاجه ثانيه بغيت اسئلك عن مشروع استديو تصوير مصغر
تكون بدايته من البيت ياليت تعطيني افكار
من هالناحيه .. عندي خبره في التصميم ع الفوتوو من زمااان بخاطري هالمجال
بس راس المال يوقف بطريقي دايما .. الله يعين بس

:

آخر سؤال < ماتنعطى فيس:o
وش كنت تقصد بجهاز العروس الي راح يكسر الدونيا < لزوم اللقافه

عموما الله يعطيك العافية
ونحتريك على احر من الجممر ..
الله يحفظك ويرعاك

أخوي ودي أعرف طبيعت عملك وهل انت موظف حكومي وهل يقدر الموظف الحكومي الموافقه بين العمل الخاص والوظيفه ولك كل الشكر

أخوي فتى نجد الله يعطيكـ العافية على مشاريعكـ الأكثر من رائعة

وإذا ماعليكـ أمر كيف أقدر أشتغل في شغلة المفارش هي اللي صراحة أعجبتني

أنا طبعاً ما أقدر أرسلكـ رسالة خاصة بس ياريت أنت إذا تقدر تدلني على الطريقة

اللي أقدر أتواصل معاكـ فيها عشان أقدر أبتدئ في هالشغلة صراحة أعجبتني مرة

والله يجزاكـ ألف خير ويرحم والديكـ

اخوي فتى نجد نتحراااك يالغالي
وعسى المانع خير اخووي ..!

دٌمت بحفظ الله