السلام عليكم جميعاً , والمعذرة عن انقطاعي هذه المده ولكن كنت مجبر على ذلك حيث انتقل خالي الى رحمة الله ( وهو الأب الروحي لي ) وهو مدرستي اللتي تعلمت منها عالم التجارة واسرارها منذ كنت طفلاً وكان دائماً رحمه الله يصطحبني معه لمحلاته واعماله .
رحمك الله يا ابا عبدالله ياخالي وابي ومعلمي وسندي وأسكنك فسيح جناته أمين يارب العالمين.. ولاتنسوه من دعائكم جزاكم الله خير .

الأخت / ويبقى حلم اذا كنتي انتي تملكين موهبة التغليف والتزيين وكتابة اللوحات المدرسيه , فكرتك ممتازه جداً جداً وماشاء الله عليك اخترتي مجال يعتبر جديد ونسبة نجاحه كبيرة بإذن الله , وبالنسبه لأفتتاح محل فعلى ما اعتقد انه لايمكن استخراج تراخيص لمثل هذا النشاط خصوصاً للنساء ولكن ممكن تبدئين العمل من المنزل وصدقيني افضلك خاصةً في البداية عشان ما يرهقك مادياً وتوفرين مصاريف التأسيس المبدئية .
اذا بديتي العمل من المنزل اتوقع مبلغ ( 3000 ريال ) مبدئياً كويسة لشراء بعض الادوات الخام وبعض العدد والاستعانة بالتسويق لأعمالك وطرقها كثيره , وممكن اقترح عليك بعض الافكار اذا رغبتي .. وبالتوفيق انشاء الله .
على فكرة فيه بنت كتبو قصتها في الجريدة قبل فترة وهي تسوي لوحات وتزيين للمدارس وحاجات زي كذا, وحسب كلامها دخلها الشهري يتجاوز 8000 ريال .

الاخ/الاخت/ الله يصبرنا والله ماني متأكد , لكن ياليت تذكرني بعد اسبوع لاني بحاول ابحث لك واسئل (( واطئسسسس )) في الموضوع واعطيك خبر ...

الأخت / بـــوح , ياليت تحددين انتي في أي مدينة , ولي عودة لإجابة على اسئلتك بإذن الله , وكم تقريباً رأس المال المتوفر اذا امكن ..

فتى نجد ,,, عظم الله أجركم وأحسن الله عزاكم والبقى برأسكـ وأنا أخوكـ

الله يرحمه ويسكنه جنات النعيم

(( فكرة للشباب )) وبإختصاااااااار ...
رمضان اللي فات كنت في مكة ودخلت اسواق بن داود اللي في شركة مكه جمب الحرم واشتريت من عندهم كرسي يتصفط وررررروعه جداً وجبته معي للرياض وعطيته امي عشان اذا وديتها تصلي التراويح تجلس عليه لأن ميزته ( صغير وفخم ومريح ) المهم كلللللل العجز في المسجد بهذلو امي كل يوم من وين وبكم ووشلون ومتى وليش ومنهو ووين ووووووووووووووووووووو , عموماً سعره ( 120 ريال ) لكن عندي احساس قوي انه في جده عند تجار الجملة بحدود ( 50 الى 80 ريال ) .
المطلوب :
شاب شقردي وهب ريح ينقز لجده ويجيبله كميه ومع بداية شهر رمضان يبدأ يبسط فيها بالرياض عند المساجد المشهوره , مثل ( جامع الدخيل بحي غرناطة أو جامع الحديثي مخرج 10 او جامع الراجحي مخرج 15 ....................... الخ والمساجد ولله الحمد كثيرررررره بالرياض ) واذا ما طلع اكثر من 15000 ريال بالميت فأنا ما افهم وما عندي سالفه ....
ويالله وين حقين الشغل والمكده ,,,,

وبالتوفيق ان شاء الله ,,,

الأخ / yasserz , نعم انا موظف .
وبخصوص الجمع بين الوظيفه والعمل الخاص نعم تقدر تجمع ولكن تحتاج منك بعض التضحيات البسيطه وجهد اضافي بسيط , وفي النهاية انت بين خيارين :
اما الراحه الأن والتعب عند الكبر والمشيب أو التعب الأن والراحه اذا شيبت , وانت خصيم نفسك . واي خدمه او استفسار مستعدين .

وقفة رجال اخي ru-media
بارك الله فيك وفي مالك

الأخوه / الفجر الجديد , abade12 , جزاكم الله كل خير وما قصرتو والله يحفظكم .
الأخ / السعيداني , صراحةً ما ادري وش السالفه ؟؟؟؟؟؟؟؟؟؟؟؟؟؟؟؟؟؟؟؟؟ .