اشكر الاخ فتى نجد على الاهتمام المتواصل بالاخوة في المنتدى واسال الله له التوفيق
ولو سمحت اسعفنا بالمزيد من المشروعات وخصوصا الرمضانية

مشكور اخوي فتى نجد علي ردك والله يعطيك الف عافية

أخي فتى نجد إذا كان المشروع ناجح برأيك أبيع الأسهم وكمل الباقي دين وربي يفرجها تدخل معايا شريك ؟

السلام عليكم ورحمة الله وبركاتة

اول موضوع لي في منتدى البطاله ..

انا شخص لا أملك سوى مبلغ زهيد جداا تقريباا 3200 ريال فقط ..
ولدي مكتب عقار واتمنى منكم مساعدتي بأفكاركم النيره لتميز مكتبي

علماا بأن المكتب مجهز وجيد ولا ينقصة اي شيء

اتمنى منكم مساعدتي بأفكار تجلب الزبائن


وشكراا لكم

كل عام وانتم بخير

معقول !!

السلام عليكم ورحمة الله وبركاته
كل عام وانتم بخير

أول مشاركه لي وشدني الموضوع بطريقة طرحه الجميله
والأفكار الرائعه والشكر للأخ فتى نجد

أريد الاستفسار منك عن فكرة مفارش الطاوله
كم تُكلف ؟؟
ومن أين يتم الحصول عليها

وشكراً جزيلاً

فتى نجد ,,,,,مبارك عليك الشهر اولا000
ثانيا ياليت تساعدني بفكرة مشروع بسيط معاي 15000 ريال وجعلك بالجنه ودربك تساهيل

مبارك عليك الشهر أخوي فتى نجد وعلى جميع الأعضاء

السلام عليكم ورحمة الله وبركاته
انا عندي افكار حلوووه وممكن تكسبني ذهب لكن ما أعرف اسوقها ولا أعرف احد يسوقها لي
مع العلم اني عملت صناديق حدود 12 صندوق والله روعه وتفيد الي راح يتزوجون جديد أو المتزوجات .... ماراح أقول وش الي داخل الصناديق لكن الصندوق مليان .... ماانباع من الصناديق إلا صندوقين كنت ابي ابيعها ب 500 ريال لأني تعبت فيها وكنت أشتغل عليها ليل ونهار وأحاول اضبطها إذا نامت بنتي ولأني كنت حامل في الشهر الثامن كنت احس بتعب كثير وقلت راح ابيعها بهذا المبلغ لكن بعد ماولدت قللت المبلغ ل 350 ريال للصندووووق ابي اسوووقها بس شلون مع العلم أني استحي اتصل على المدارس أو اقوووول عنها ممكن تعطوني حل لتسويقها.

اخواني واخواتي , شاكر مروروكم والله يتقبل منا ومنكم صالح الأعمال ..
عاطل مستجد جزاك الله خير .
الأخ / الفيصل , بالنسبة للمفارش ممكن تبدأ بمبلغ 2000 ريال وممكن اكثر , وطبعاً كل مازاد المبلغ زاد عدد الموديلات اللي ممكن تجيبها , وهي موجودة في دولة الامارات في مدينة الشارقة..

الأخت / ام لنا , اللي سويته شي رائع وممتاز جدا جدا جدا جدا جدا ووالله وبحيل الله وقوته أنك بتنجحين نجاح خيااااااااااااالي وخاصةً انك تخصصتي في شغلات مطلوبه بكثرة ومرغوبه .
اقتراحات للتسويق :
1/ تصممين لك موقع انترنت وتعرضين فيه بعض صور الصناديق , وطبعاً تكون صور محترفه ومتعوب عليها . (انتبهي لاتعرضين كل موديلاتك عشان ما تنسرق الأفكار ).
2/ تنزلين اعلان في جريدة الرياض ( الاعلانات المبوبة ) قيمته ( 200 ريال ) بصيغة حلوه وتحطين عنوان موقعك بالانترنت .
3/ تتفقين مع محل حلويات مثلاُ على انك تعرضين عنده الصناديق مقابل انه ياخذ 50 او 80 ريال على كل صندوق ينباع , وطبعاً تكتبيت في موقعط بالنت ان اللي يبي يشتري يتوجه للمحل الفلاني وتحطين تلفوناتهم , وتقولين اللي يبي طلبية خاصة يتصل على جوالك .
( طبعاً لاحظي اني قلت لك تعرضين عند محل حلويات وانتبهي لا تعرضين عند محل هدايا لأنه على طول بيسرق الفكره ويسويها ويبيعها وصناديقك بتغبر , واحرصي يكون محل الحلويات في موقع سهل الوصول له من أي حي في المدينة ) .
على فكرة فيه زميل لي اماراتي , اخته تسوي صناديق بنفس فكرتك وشغاله لها اكثر من سنتين يقولي بنفسه ان دخلها شهرياً بين ( 18000 الى 25000 درهم ) وقبل سنه جيتهم في بيتهم بالشارقه لقيت معها سيارة ( رنج sport , لون برتقالي ) والشبااااااااب يعرفونه ويعرفون كم قيمته , وزميلي يحلف بالله انها اشترته من ورا شغلها بتجهيز الصناديق ...

شدي حيلك وتوكلي على الله واهم شي وقفت زوجك ومساندته لك اهم شي , وانتبهي خلي شغلك كتيمي ( اقضوا حوائجكم بالكتمان ) وركزي على اهم نقطه ( التسوووووووويق التسوووووويق التسوووووويق ) . طبقي اللي قلت لك واي استفسار مستعدين والله يكتب لك التوفيق ان شاء الله وعقبال ما تشترين لابو لنا باااااانوراما 500s .ههههههههه مزحه ..