شاكره لك فتى نجد على الحل الاكثر من رائع بس تتوقع ان فيه محل حلويات بيقبل ياخذ الصناديق ويحطها عنده مقابل 80 ريال أخاف انهم طماعين ويطلبون اكثر وما استفيد شي..
والله يسمع منك واشتري لابو لنا السياره الي يحلم فيها ...

الأخت / ام لنا , بالنسبة للمحلات أنا متأكد 100% يقبلون ( من واقع خبرة ) وطبعاً انتي تقولين لهم يبيعون الصندوق للزبون بمبلغ ( 450 ريال ) وانتي تاخذين منها مثلاً ( 370 او 380 ريال ) وصدقيني بتلقين كثيرررررررررررر يوافقون ويتمنون بعد .

نقاط مهمه جدا جدا جدا :
ــ يجب التركيز وبقوة على التميز بالذوق في تجهيز الصناديق واستخدام المواد الخام المتميزة وذات المنظر المتناسق .
ــ صوري عدد (3) صناديق من اللي مزينتهم واطبعيها بطابعة ملون بعدد ( 30 ورقة ) تقريباً , واطبعي خطاب موجه لمن يهمه الامر , ومضمونه (( عرض لمحل الحلويات برغبتك بالتعاون معهم ...................................... الخ..... الخ...... الخ .
ــ زيني ذاك الفطور السنع لابو لنـــــا وخليه يسفهل ذيك اليوم ولا جا بعد صلاة التراويح اطلعو انتي وياه وحطي لنا عند اهلك ( عشان ما تسوي قلق ) وتمشو على محلات حلويات معينة , وعطيو كل محل ظرف ابيض في وسطه ورقتين ( ورقه فيها الصور + ورقه فيها خطاب عرض تعاون وفيه ارقام التلفون ) ولاتقولين والله نستحيييييييييي !!!!! هذا شغل وكبار التجار بدو كذا لأن المثل يقول ( مايحك جلدك الا ظفرك ) .
ــ اهم شي موقع انترنت ( www.?????????.com ) عشان يكون لك مرجع اذا بغوك الناس .

(( ياليت تحددين انتي في اي مدينة )) عشان اللي بيضيف يقدر يفيدك ببعض المواقع .

وبالتوفيق ان شاء الله واي اضافه مستعدين ,,,,

اخوي فتى نجد رحت لحجاب زي ماقلت لكن ماادري كل مااسالهم وش اللي ماشي وشغلات كذا يعتبرون الموضوع سري ويقولو هاتي اللي عندك ونشوف ماادري يعني كيف من وين اشتري الاشياء اللي بالجمله وتكون رخيصة
والزعفران طلبوني ويبون فلو سمحت ابغى تدلني على مكان بيع الزعفران ابو شيبة
ولك جزيل الشكر

مشكور

الاخ فتى نجد:السلام عليكم ورحمة الله وبركاته
انا عارفة إني مزعجة ولكن المعذره بس أنا سئلت اذا كنت ابي اعمل لي موقع على النت
قال لي زوجي انه راح يكلفني وفيه ناس قالت لي ان فيه مواقع حقت تسويق اقصد منتديات بس لو
تكرمت انت أو اي احد من الاخوات يدلني عليها ... واذا قلت اروح مع ابو لنا للمحلات دا بعدي هو
مو بحاجت فلوسي بس انا نفسي أكون شي اذا الواحد مافلح بدراسته يفلح بشي ثاني وأنا طموحه وعندي افكار كثيره براسي ولكن ..... الفلوس بالنهاية تحكمني!! ممكن تسئلني دام ان ابو لنا مو في حاجت فلوسي ليش اوجع راسي بالشغلات هذي تبون الصراحة أنا من الحريم الي استحي اطلب ابو لنا فلووووس تخيلو كان عنده مناسبة مثل ترقيه بالوظيفة أو اي مناسبة (يازيني وانا طالبته فلووووس عشان اجيب له الهدية) ... عموما انا متواجده بالرياض اتمنى تساعدوني

فتى نجد الله يكثر من أمثالك ويوسع لك في رزقك ويشفيلك امك ويطول في عمرها
الحقيقة تعجز الالسن عن شكرك ومجهودك السخي لاخوانك ومساعدتهم لك الف شكر

ابغى فكره مشروع بحدود 10- 20 الف



يكون في جده وممكن متابعته بسهوله




ام لنا ممكن ترسلي صوره للصناديق
اذا عليها طلب هنا اسوقها لك في جده

متعطل متعمد/ السلام عليكم ورحمة الله وبركاته
أنا ماعندي اي مانع اعرض وش الي بالصناديق بس مو كل شي لانها كثيرة حدود 23 شي

فتى نجد الله يجزاك خير وويوفقك دنيا وآخره ويشفس أمك

ابيك تساعدني بتوجيهاتك إذا عندك وقت ...
ناويه أشتري جلابيات من الأمارات يقولون فيه جلابيات أسعارها بالجمله معقوله بس ما أني عارفه كيف ابدا معهم خصوصا أني في البدايه ووأبي كميه بسيطة علشان أشوف أقدر أصرفها ولا لا ( يعني أختبر نفسي)
وبعد مأعرف وين اماكنهم ؟
ولو عندك اسماء محلات وشركات وتلفوناتهم وترسلها لي أكون شاكره لك
وهل لازم أروح كل مره للأمارات علشان أشوف البضاعه مايتعاملون بالكتالوجات
أو مواقع انترنت

والله يعطيك العافية

ام لنا

وش رايك تفتحين موقع فيه صور للصناديق

والواحد يشتري منه اتوماتيك

وتجيك الطلبيات وتوصلينها

بعد دفع الحساب عن طريق حساب بنكي

وانا مستعد اساعدك بالموقع
او ادخل معك شريك