الأخت / البرق الاسود , انتي سبق وحددتي ان عندك حوالي 15000 ريال وهذا مبدئياً مبلغ جيد وحلو لبداية عمل تجاري , ولكن سؤالي : هل فيه شغله معينة انتي مركزه عليها أو في بالك وتحسين انك تقدرين عليها وممكن تنجحين فيها . ياليت تحددين شي عشان يكون كلامنا في صلب الموضوع مباشرةً , وبالأنتظار .

الاخت / عاطل مستجد , بالنسبه للمفارش هي موجوده في الامارات وتحديدا في مدينة الشارقة في ( السوق المركزي ) هناك يبيعون جملة وقطاعي , واسعارهم وموديلاتهم كانت ممتازة مقارنةً باللي عندنا , وبالنسبه للصور للأسف ماعندي اختي الكريمة .

سمو الهمة , كلامك صحيح 100% والله يكتب للجميع التوفيق والسداد والبركة في المال والبنون .

الأخ / saudization , شاكر لك مرورك وطرحك لتجربتك عسى ان ينفع الله بها , ومشكورين وما قصررررررت .

الأخت / أأأه , المعذرة محل شيار ما اعرفه , واسم الفندق بإذن الله بكرا برسله لك على الخاص .

غادة الرياض , شاكرين مرورك , وفكرتك قيد الدراسة ان شاء الله .
(صـــــــــدقة .. ههههههههههه )

الأخت / غيوض نجد , مشروع فوق الممتاز ونجاحه بإذن الله مضمون , وعلى فكرة نسبة ارباحه عاليه ومو بسيطه اذا كان رأس المال عندكم جيد وقوي , وهذي بعض النقاط :
1/ اهم شي في البداية عينوا واحد محصل بشرط يكون ( قلق ) بمعنى الكلمة ولسانه اطول منه (ملوسن) ويعرف الأنظمه ومداخلها ومخارجها ويعرف من اين تؤكل الكتف , لأن المجال هذا يبي بجاحه وقوة عين عشان يقدر الواحد يحافظ على حلاله .
2/ حقين التقسيط تراهم يحسبون سعر المنتج كاش اعلى من سعر السوق وبعدين يضيفون عليه نسبة الفائدة للتقسيط .
3/ فيه وكلاء للأجهزة الكهربائية ممكن بعد الأتفاق معهم يعطونكم اجهزة بالأجل وهذ بيفيدكم بالبدء بأكثر من راس المال الموجود لديكم .
4/ احرصو على تركيب برنامج محاسبي خاص بشركات التقسيط , ليساعد على زيادة الدقه وسرعة المتابعة .
5/ بالنسبة للتسويق لمثل هذا المشروع بسييييييييييييييط جدا جدا جدا وغير مكلف .

تمنياتي لكم بالتوفيق بإذن الله ,,,

sooos2004 , راجـــع الخــــاص ...

الأخ / سعودي وسط اجانب , راجـــع الخــــــاص ...

al3azef اللهم أمين , أجمعين يارب العالمين ...