26-01-2008, 11:41 AM
|
موجّه تجاري
|
|
تاريخ التسجيل: Feb 2007
المشاركات: 986
معدل تقييم المستوى: 218609
|
|
اقتباس:
المشاركة الأصلية كتبت بواسطة عاطله من الشرقيه
السلام عليكم ورحمة الله وبركاته
فتى نجد الله يجزاك خير يارب
بصراحه كلمة شكرآ قليلة في مقامك ومساعدتك وتوجيهاتك
بجد صار لي فترة وانا اقرأ اقتراحاتك للأعضاء وبناء على طلبك بان نوضح لك المشروع والظروف اللي نمر بها علشان يسهل عليك انك تساعدنا
بسم الله ابدأ ,,
اخوي انا آنسه ومتخرجه من الكلية دراسات اسلاميه + دبلوم حاسب آلي وقاعده بالبيت وصعب علي المواصلات اني اطلع .. لأن ماعندي سواق يوديني ويجيبني// طبعآ في الأول كان عندي مكآفآت الكليه ولكن الحين ماعندي راتب معين >>ولكن عندي مبلغ بسيط 3000 ريال برصيدي عارفه انه قليل لكن الحمدلله ..
قدمت مدارس اهليه بمافيه الكفاية ولكن ماحالفني الحظ >>مع اني مااحب التدريس بس امي الله يخليها لي تقول ياليتك تصيرين مدرسه
الحين اشتركت مندوبة مبيعات بالبيت طبعآ مااقدر ابيع لأني مااطلع فأحط اعلان بالمبوبة ويشتركون البنات يعني شغلي قائدة ادخل مجموعات من البنات >>>وعلى الله اني اربح منها شئ لكن املي بالله كبير
ماادري هل انت تشوف انه فيه مشروع مناسب لظروف مثل ظروفي ؟؟؟
مع اني افكر بالتجارة واشياء تجاريه بس احس انه صعب بالمرررررررررررره واحس انه معقد الموضوع
وهو سواق مع باص صغير >>>اقصد الصغيرة البيضاء
واخليه يجيب ويودي ببنات الكليه بالصباح والظهر
ويوصل مشاوير خاصه بقريتنا
واكييد انه فيه موظفات محتاجين للسواق يوديهم ويجيبهم
وحنا ساكنين بقرية مافيها تكسي اللهم مجموعة هنود يشتغلون على حسابهم
عندهم سياراتهم ويوصلون المشاوير ويتفضلون علينا لما نطلبهم يودونا اي مشوار ..
وبعض المرات يقول مااقدر من كثر الزحمة والطلب اللي عليه
وبصراحه هذا المشروع ببالي وضامنته بإذن الله 80% وتسديد الفلوس ان شاء الله اقدر اغطيها من المواصلات وحتى راتب السواق ..
تخيل انا جربت هذا الشئ لما كنت ادرس واوقات الإمتحانات مافيه باصات للحكومه تطلع بدري فنضطر للسواق ...كان هندي عنده سيارة لما يجيبنا للبيت يآخذ عشرين ريال او 15 ريال على كل وحده وحنا نركب معه مجموعه كاامله الباص الأبيض يكون مليااان وتخيل بالي تروح وتجي معه يآخذ .. وانت احسبها
وبعضهم يودي للكليه بالشهر للطالبة الواحده بـ 450 ريال !! وتخيل المجموعة كم بيدخل ..
فكرة بهذه الفكرة لأن الغالبيه يحتاجون سوااق يوديهم ويجيبهم
بجد هذا مشرووع ببالي لأني ضامنه نجاحه لكن عارفه ان الوضع معقد !!!
ماادري وش تقدر تفيدني ؟؟؟؟
كيف اقترض مبلغ للباص والسواق كيف اقدر اقدمه ؟؟
عارفه ان الشغله والمشروع صعب لكن نفسي انه يتحقق...
وانا سبق وطرحت الفكرة على ابوي واخوي ولكن مااحد منهم مبالي بهذا الموضوع !!!
الله يسعدك بإنتظار اقتراحك .....
جزاك الله خير ... ويسر دربك واشكرك لأنك خصصت وقت وقرأت موضوعي
|
اختي الكريمه ... بالنسبه لك يعتبر مشروعك شبه جاهز , وهو ( باص للتوصيل ) وبالنسبه لإمكانية الحصول على تمويل تقدرين عن طريق الشركات المتخصصه ببيع السيارات بنظام التأجير المنتهي بالتمليك , وشروطهم ميسره جداً , وأهم شي عندهم أن المتقدم يكون موظف وانتي ممكن تشترينها باسم ابوك او اخوك او احد اقاربك الموظفين .
وبالنسبه للدفعه الأولى عادةً لاتتجاوز ( 5000 الى 8000 ريال ) والقسط الشهري بحدود ( 1000 الى 1500 ريال ) .
طبعاً يفضل شراء باص مستخدم ويكون نظيف ويكون سعره بحدود ( 30000 الى 40000 ريال ) .
بالنسبه للسواق بسيطه , ممكن تقدمين طلب تأشيرة ( سائق خاص ) بأسم ابوك أو تبحثين عن سواق بنظام ( نقل الكفالة ) , وعموماً هالموضوع بسيط ولا تشيلين همه وأخر شي تفكرين فيه .
وموفقه إن شاء الله , وعقبال ما نشوفك ضاااااربه النقل الجماعي , وشركتك مطروحه للأكتتاب بإذن الله ..
التعديل الأخير تم بواسطة فتى نجد ; 26-01-2008 الساعة 11:44 AM
|
1Likes
العرض العادي
