كيف تبدأ/ تبدئين مشروع ناجح بـ ( 2000 ) ريال؟؟؟

TAM · #**461** (**permalink**) 07-04-2008, 02:50 AM

تسجيل حضور

<<< تقرأ في التجارب والاستشارات ...

الله يعطيكـ العافية فتى نجد

حقيقة

كلمة شكراً قليلة في حقكـ

الله يوفقكـ ويرزقك من أوسع أبوابه

بالتوفيق للجميع

بقايا طموح · #**462** (**permalink**) 08-04-2008, 04:17 AM

بالتوفيق جميعا

ويعطيك العافيه اخوي فتى نجد

فتى نجد · #**463** (**permalink**) 10-04-2008, 03:44 AM

اقتباس:

المشاركة الأصلية كتبت بواسطة عاطله من الشرقيه

الله يجزاك خير يارب

تسلم على اجابتك..

حلوو ان فكرة التسويق على النت ايدتها ومتدحها شخصك الكريم

اما بخصوص المنتجات مافيه شئ معين

يعني اللي يجي ببالك كل شئ للحريم

مثل الشنط والالإكسسوارات .. الخ

يعني هي تجارة اي شئ يتم تسويقه..

اما بخصوص الإتفاق مع التاجرات انا معك بهذه الخطوة

انا صاحبة شركة تجميل قالت سوقي لي منتجاتي وإذا جبتي مبيعاات راح اعطيك مبلغ 1000 ريال .. لكن مانضمنهم.. توني مجربة شركة تجميل تعاملت معه باني اجيب لهم مندوبات ولكن بالنهاية جحدوني وماعطوني نسبتي حسبي الله ونعم الوكيل

فقررت اترك التسويق لهم واشتغل انا بحالي واسوق لنفسي بدال مااسوق لهم النصابين

بإنتظارك اخوي

جزيت خيرآ

حياك الله اختي ... والمعذرة على التأخر في الرد .
الأن وضحة الصورة , أنك بتسوقين منتجات نسائية وهذا شي حلو وممتاز ولكن فيه نقطه مهمة وهي ( إنك تبدأين بمنتج مميز ) يعني تحاولين تبتعدين عن التقليد في المنتجات المعروضه في المنتديات وخصوصاً المنتديات النسائية , يعني شوفي الناس وش قادعه تبيع واعرضي اشياء ما سبق عرضوها .

لأن التسويق في النت كأنك في سوق ضخم ولكن ممكن تلفه بدقايق

.. اي نعم بدقايق والله يخلي العم ( google ) .. لأن البنت اللي تعرفت على بضاعتك عن طريق النت ممكن تتعرف على منافسينك بنفس الطريقه ... ؟؟ وصلت المعلومة ؟؟ .

تميزك بمنتجك = بداية نجاح قووووووووويه في التسويق الإلكتروني ..

وموفقة بإذن الله ,,,

فتى نجد · #**464** (**permalink**) 10-04-2008, 03:47 AM

اقتباس:

المشاركة الأصلية كتبت بواسطة TAM

تسجيل حضور

<<< تقرأ في التجارب والاستشارات ...

الله يعطيكـ العافية فتى نجد

حقيقة

كلمة شكراً قليلة في حقكـ

الله يوفقكـ ويرزقك من أوسع أبوابه

بالتوفيق للجميع

اللهم امين وجميعاً إن شاء الله .... وشاكر مرورك وشرفتينا ..

فتى نجد · #**465** (**permalink**) 10-04-2008, 03:48 AM

اقتباس:

المشاركة الأصلية كتبت بواسطة موظفه في الخيال

بالتوفيق جميعا

ويعطيك العافيه اخوي فتى نجد

أمين يـــارب .... وشاكر مرورك وإن شاء الله يصير توظيفك حقيقة وواقع .

عاطله من الشرقيه · #**466** (**permalink**) 10-04-2008, 06:43 AM

تسلم فتى نجد...

وماقصرت ... وفعلآ كلامك صحيح

لكن العم قوقل تعبت معه مالقيت التجار والبضايع الرخيصة

وانا سالتك ولكن انت ماافدتني هل تعرف الله يسعدك ...

اعرف اني كثرت الهرج عليك بس الله يعينك
لأني بجد انتظر اجابتك على سؤالي.. اللي قد سالتك اياه؟؟؟

ظافر99 · #**467** (**permalink**) 10-04-2008, 10:30 AM

الله يعطيك العافيه فتى نجد بس حبيت استفسر اذا تعرف في دبي مكان بيع الخردوات والاكسسورات الرخيصه انا سمعت في بشارع حمد بدبي محلات تبيع بلكوم حبيت استفسر اذا تعرف احد هونيك وكيف طريقه شراءها وايصالها لي بلسعوديه ارقام الشحن وشاكرلك تعاونك معنا وااله يحفضك ويرزقك

طموحي أكبر مني · #**468** (**permalink**) 10-04-2008, 11:21 AM

السلام عليكم

ألف شكر لكم جميعاااااااا من اعضا ءاو اداررررره وبالاخص اخوي فتى نجد ماقصرت
وكفيت ووفيت وانااااختك

بصراحه ومن الاخررررر الموضوع سحبني على وجهي وقعدت 3ساعات اقرا فيه
وابشرررركم لفت رقبتي من كثر القرايه خخخخخخخ

بس شالحل ..أبي اشوف الافكار ورد اخوي فتى نجد الي ماااقصر مع اخوانه واول بأول يرد

اسأل الله العلي العظيم ان يجعله في ميزان حسناتك وان يكتب لك بالحسنه عشر اضعافها
وان يحفظك انت واهل بيتك من كل سووووء ويمدكم بالصحه والعااااااااافيه

انا من الشرقيه ..وخريجة بكالوريوس رياضيات عاطله طبعااااا بس احب افكر بالاشيا التجاريه
والمشاريع ..مااااااواطن العمل الروتيني احب التجديد والتنويع ..عندي ذوق حلو في الملابس
والمكيااااااج وكل شي من حولي..يعني ألاحظ دايما اي شي يجي في بالي بعد شهر توه ينزل
بسوقناااااا وحتى لما ينزل مايجي بالطريقه الي انا فكرت فيها يعني احسه مهب ذاك الزود

طيب انا ابي ابدا بمبلغ بسيط 2000والا3000 لاني ابي اعرف السوق كيف وغير كذا

يصير لي معارف من الوسط التجاري او من الي يشترون من عندي او اشووووفهم؟

ماودي اخاااااطر

طيب نجي لأفكاري..<<ياكثرها بس في مخي (:

انا حاليا" مسؤوله لمشروع جديد يعلنون فيه عن التاجرات المبتدئااااااات بمساحات اعلانيه

حلوه ورخيصه وعلى جميع مناااطق المملكـــــه ويكون عالتلفزيون وعالنت وكتيب يوزع

فهذا يخدم البنات كدعاااااايه لهم ..وهذا مجال حلو نبرز من خلاله..

مشروعي قلت لك اني ابدا بكشك واعرض فيه الي عندي ..انا من النوع الي احب اسوي اي شي واتقنه مثلا تصميم بدل او فساتين او جلابيات او ابيع شنط مستورده حلوه مميزه شوي
او تصميم طرح بشكل مميز وابيعها وكلها طبعا ارااااااعي طلبية البنات فيها ورأيهم

فماااادري وش رايك انا افكر انا واختي اني استاجر كشك في مشغل واعرض فيه الي عندي

بس ماااادري صراحه وش اعرض ..مكيااااج بحيث اكون مندوبه لمكيااج وماركة مكياج حلوه

او من هالاشياء الي قلتها لك

اعذرني اذا فريت روسكم بكلامي بس ترى ملي لالالالالايم من عقب 32 صفحه ):

وموفقين ياااااارب وانتظر ردك ياخووووووي

وودي والله اتواصل اكثر لاني جاااااده جدا وابي ابدا ماااحب ابقى عاطله تتعب نفسيتي

فتى نجد · #**469** (**permalink**) 10-04-2008, 07:12 PM

اقتباس:

المشاركة الأصلية كتبت بواسطة عاطله من الشرقيه

تسلم فتى نجد...

وماقصرت ... وفعلآ كلامك صحيح

لكن العم قوقل تعبت معه

مالقيت التجار والبضايع الرخيصة

وانا سالتك ولكن انت ماافدتني هل تعرف الله يسعدك ...

اعرف اني كثرت الهرج عليك بس الله يعينك
لأني بجد انتظر اجابتك على سؤالي.. اللي قد سالتك اياه؟؟؟

حياك الله اختي ... وبجاوبك بطريقة نقاط , وهـــــــــي :
ــ صعب انك تلقين التجار وبضائعهم بالنت ونادر جدا جدا جدا , وانا يوم ذكرت العم google كنت اقصد التاجرات البنات اللي يبيعون في المنتديات وليس التجار .
ــ تقولين انك سألتيني وانا ما افدتك , أعذريني ياخيتي والله مفتر راسي والى الأن ما قدرت اعرف سؤالك , ياليت تكتبين لي وش سؤالك بالظبط مره ثانيه ؟؟ والمعذره .

ولا كثرة هرج ولا يحزنون بالعكس والله يفرحني هالشي والله يقدرني واقدر افيدكم بإذن الله ,,, بالإنتظار .

فتى نجد · #**470** (**permalink**) 10-04-2008, 07:17 PM

اقتباس:

المشاركة الأصلية كتبت بواسطة ظافر99

الله يعطيك العافيه فتى نجد بس حبيت استفسر اذا تعرف في دبي مكان بيع الخردوات والاكسسورات الرخيصه انا سمعت في بشارع حمد بدبي محلات تبيع بلكوم حبيت استفسر اذا تعرف احد هونيك وكيف طريقه شراءها وايصالها لي بلسعوديه ارقام الشحن وشاكرلك تعاونك معنا وااله يحفضك ويرزقك

حياك الله اخوي ...

اول شي واهم شي .... اسمك ( ظـــافـــر ) وتقول ( هــونــيــــك )

صعبة وقووووويه وعيت تمبلع ههههههههه مزززززززززحه ..

اخوي ياليت توضح لي اكثر وش الخردوات والاكسسوارات اللي تقصد بالظبط , يعني انت قلة خردوات هل تقصد مثل شغلات ابو ريالين ولا خردوات عدد للورش , والاكسسوارت هل تقصد اسسوارات بنات ولا اكسسوارات سيارات ولا اكسسوار ديكور ... ارجو التوضيح والدقه لو تكرمت ..

بالنسبه للشحن , لاتشيل هم امرها بسيط جدا جدا جدا , وبدلك عليهم ..

بالإنتظار ... وموفق إن شاء الله ..

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟

تسجيل الدخول

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟