14-04-2008, 05:43 AM
|
موجّه تجاري
|
|
تاريخ التسجيل: Feb 2007
المشاركات: 986
معدل تقييم المستوى: 218609
|
|
اقتباس:
المشاركة الأصلية كتبت بواسطة طموحي أكبر مني
الله يجزاك ألف خير على مرورك وكلامك الي يرفع من معنويات الواحد
خاصه بهالوقت الي الواحد مهما درس وتميز يحس بعدم تقدير لمواهبه وشهاداته
<<تحطيييييييييم بقوه ):
وتستاهل والله ياخوي من يدعيلك ..بالنسبه للموقع حق الدليل الاعلاني النسائي
أبشر أن شالله برسله لك وارسلك التفاصيل كامله بعد عشان نعين ونعاون الحريم كلهم
بس اصبر علي شوي عشان سالفة الرسايل الخاصه مو مشتغله عندي الحين
<<جديده عالمنتدى
اما بخصوص أسألتك عن مشروعي:
والله لاجيت على تكاليف المشروع احسه مكلفه صراحه ويبغالي وظيفه عشان اقدر
اسدد ماااأنزنق ...التصميم الطرح اختي تسويها بمهارتها هي ماشالله عليها
بس الفساتين عندنا رداءه في بضايع السوق من ناحية موديلات الفساتين وغلاء غير طبيعي بأسعارها وهي ماتسوى صراحه وعندي مقدره اصمم واشتري واتعب
بس بأتخسر احس لان الفستان الواحد بيكلفني بالقليل 700او800 قيمته مع قيمة خياطته ولاعرضته للبيع
مارح احط اسعار غاليه بماأني مبتدأه طبعا" يعني قل بيصر مكسبي 200 وحولها
الشنط قلت لك عندي ذوق جدا" راقي فيها بس والله مدري محتاره من وين اجيبها؟؟
والاقمشه احتمال اخذها من هنا واذا فيه مدن ثانيه واسعارهم حلوه تكفى لاتبخل
علي بذكرها يااااااااخوي ..لاني والله خايفه اتكلف واتخسر بكلش وبالأخير ماااينجح
وهلا لازم أن يكون لي درايه بالسوق والا بإدارة المحل عشان انجح والا هو يعتمد
بس على أسلوبي التسويقي ؟؟
ادري طولت عليك بس والله بتقدم لي خدمه ماااحد قدر يشرح لي اياها او يساعدني
بهاااا غيرك .. وأبشر بالدعوات الحلوه الي تسر الخااااااااطر لك ولاهل بيتك
((ولاتنسى تكفى تقولي اذا فيه مدن حلوه الخامات الي عندهم او رخيصه شوي ))
وجـــزاك الله خير يارررررب العالمين
|
حياك الله اختي .... وبجاوبك على شكل نقاط :
ــ بخصوص ان اختك ماهره بتصميم الطرح , فممكن تبدأ فيها حبه حبه , يعني ممكن تتفق مع مشغل نسائي ويكون عليه اقبال من الزبائن وتحط عندهم بترينة عرض صغيره تكلفها حدود ( 400 الى 700 ريال ) وتعرض فيها الطرح وتتفق مع المشغل على نسبه من المبيعات , وكذا تكون بدأت أول خطوة .
ــ قلتي ان الفستان بيكلفك تقريباً ( 800 ريال ) وبتحطين مكسبك ( 200 ريال ) يعني حطيتي نسبة ربح لنفسك ( 25 % ) !!!!!! عارفه وش معنا هالنسبه .... يعني انتي حطيتي رجلك على اول سلم في طريق النجاح بإذن الله ... ليــــــــــش ؟؟؟ لأنك قنوعه في المكاسب القليله في البداية , وممكن تبدأين من البيت وتصممين لقريباتك وصديقاتك وشوي شوي لين تكونين قاعده .
ــ بالنسبه للشنط حقيقتاً ما ادري من وين , لكن مالك الا اسواق الجملة في الرياض او جدة .
ــ الأقمشه ( هل تقصدين اقمشة الفساتين ) برضو والله ماعندي فيها خبرة , لكن فيه بالرياض سوق جمله مخصص للأقمشة وباسعار وموديلات مختلفه .
ــ موضوع الخبره والدرايه بالسوق .... والله كلام كبيرررررررررررررر كبيررررررررررررر , وياليت ما تعطينه اهميه زايده لسبب واحد .... هل انتي بتدخلين الشغل براس مال مائة الف ريال يعني ؟؟؟ كل السالفه مشيريع بسيط وتسوين لك فستانين او ثلاثه ولو ما بعتيهم ..... حطيهم بدولابك لين عرســــــــــــــــــــــك , ولكن اهم شي اسلوبك في التسويق وسعة الصدر وركزي على نقطه مهمه ( الزبون على حق ... مهما قال او تفلسف ) .
ملا حظه مهمه جدا جدا جدا :
انتي من اليوم تقولين عندنا وماعندنا .... لكن ما قلتي انتي في اي مدينة أصـــلاً ؟؟؟
وموفقة بإذن الله ,,,,
|
1Likes
العرض العادي
