(( فكرة للبنات ))

ليش مايكون فيه ( مخلصة معاملات ) يعني معقبه سعودية , تقوم بتخليص المعاملات نيابةً عن الغير فيما يخص البلديات ... خصوصاً ان البلديات الأن وضعوا اقسام نسائية للمراجعة ... يعني تعاملها نسائي 100 % ... حسب علمي .

لأن فيه نساء كثير يبون تراخيص لمشاغل او محلات او ........... الخ , فتكون هي الوسيط الي تخلص لهم هالمعاملات وتسترزق الله ... وعلى فكره ترا فيها خيرممتاز خاصةً في البداية .... وعل قولة المصاريا ( من سبقء أكل النبء ) .

وموفقين بإذن الله ,,,

8
8
8
حلووووه فكرتك اخووووي بس كيف اعرف اذا فيه احد يبيني اخلص شغله <<صدقت نفسها

شرايك اخووي بفكرتي(لاهي فكرتك صراحه وانا سرقتها منك)

بأتشارك انا وعمتي وبشتري سياره صغيره ب 20الف هي بتدفع 10الاف

وانا 10الاف وبنجيب سواق يودي ويجيب طالبات وموظفات

من خبرتك هل تتوقع انه ناجح ولا لا؟؟؟يعني تنصحني لانه معزمه باذن الله

وكم تتوقع الربح الشهري تقريبا..

جزاك الله خير والله يعطيك الف عافيه

اخي فتى نجد بارك الله فيك على المجهودات والأفكار التي تدلي بها لاخوانك في مجال التجارة
ولقد ناسبتني فكرة طاولات المفارش وهي فعلا من الأشياء التي عليها اقبال
فضلا لا امرا تزودني بأرقام وعناوين المصدرين والمنتجين لها
وجزاك الله الف خير وبارك فيك وجعل ذلك في موازين حسناتك

اخي فتى نجد
بارك الله فيك على جهودك
واشكرك على افكارك الذهبية
لو تكرمت فضلا لا امرا ترسل لي على الخاص ايميلك ورقم جوالك
لأن مشاركاتي لا تمكنني من التواصل معك او ارسال رسالة خاصة لك

اخوي فتى جزااااااااااااااااااااك لله خير مجهود تشكر عليه الله يجعله في ميزاااان حسناتك.والله لايحرمك الاجر.
اخوي للاسف ماعندي خلفيه ابد عن اسواااق جده الشعبيه.
ياريت تدلني للاسواااااااااق واسماء المحلات وارقااااامهم لاني لو سافرت مااعرف المحلات المميزه.
وانت بسمه الله عليك شكلك خبييييييييييير من كلامك عنها.
ابي اشياء غير موجووووووووده بالرياض ومرغووووووبه كثيييييير. والله يعطيك العافيه.

موفق يااخوي ماشاء الله تبارك الرحمن تابعت موضوعك شيق ويعطي دفعة حماس بزياده

بس هل معقول فيه مشروع بيبداَ بـ 2000 ريال في ظل الغلاء اللي مجتاحنا

بالنسبه لي فكرت على قولتك في مشروع استثمر فيه 10 الاف هي حصيلتي من وظيفة التعاقد اللي خلصت منه هالاسبوع

بس مدري وين ادبرها فيه خايفتن تروح علي

ولاهنت عطني ارقام محلات الزعفران والجلابيات اللي بدبي ياكود اشوف فرصة يدزون لي مبدئياً واشغل نصف المبلغ الي عندي واجرب حظي

وجزاك الله خير