كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #**561** (**permalink**) 06-07-2008, 10:26 PM

اقتباس:

المشاركة الأصلية كتبت بواسطة معليش

ماشاء الله تبارك الله......افكار حلوه ومفيده وتفتح عقلك على اشياء اخرى في نفس المجالات
انا واعوذ بالله من كلمة انا مهندس واعمل في شركة ....وحبيت ازيد دخلي واتحرك زيكم ....وماعندي راس مال كافي افتح مشروع مناسب في جده ولكن لقيت البديل
الا وهو البصل....صديق لي تاجر كبير في هذا المجال وعرضت عليه ان اكون موزع للبصل بس على حسابي يعني اشتري منه كاش وبعدي انا ونصيبي بعته ولا اقعدبها
والله كنت متردد وخجول ان يصيدني احد وانا ابيع هالبصل....بس والله دست على هالتردد وهالعاطفه وابتديت شفتلي ونيت وبديت احمل من هالبصل وادور عالمطاعم والمحلات وابيع ....ماشاء الله ومن اول يوووم بعت كل الكميه وفوقها بوسه وبربح ولا احلى الحمد لله.....قالولي بعد صلاة الجمعه راح تلاقي اقبال....السر كان السعر مرررررررررررررررررره منافس وبقوة
بس والحمدلله شغال كل خميس وجمعه....دايم تحصلوني عند حلقه بن لادن للي مو مصدقني طبعا في جده....وانا جاهز لمساعدة اي شخص والله يوفق الجميع

حياك الله اخوي ...

وماشاء الله تبارك الله عليك , وخطوات جداً رائعة , وصدقني هالشغله ما تبي منك إلا الاصرار والاستمرار وبظرف شهور فقط بتشوف نتائج ما تتوقعها , وأغلب التجار الأن بداياتهم كانت أقل من كذا ..

والله من كل قلبي اتمنى لك التوفيق , وياليت توضح لنا هالشغله أكثر عشان يستفيد منها اكبر عدد من الأعضاء .

وموفق يارب ,,,

فتى نجد · #**562** (**permalink**) 06-07-2008, 10:27 PM

اقتباس:

المشاركة الأصلية كتبت بواسطة أميره بكلمتي

طرح رائع وقيم

يسلموووووو فتى

هذا حق وواجب اختي الكريمة , وشاكر مرورك .

فتى نجد · #**563** (**permalink**) 06-07-2008, 10:29 PM

اقتباس:

المشاركة الأصلية كتبت بواسطة مدور رزق الله

اخواني فتى نجد وكل الاخوان

اريد استشارتكم في مشروع نويت الاقدام عليه

لدي فان شفروليه موديل 95 واريد ان اعملها سيارة لبيع الايسكريم
حيث تكاليف هذا المشروع

قيمة السيارة 21000 ريال
عمل الديكور والماكينة والثلاجة 21000 ريال
رسوم البلدية 7500 ريال

المجموع 49500 ريال

هل هذا المشروع مجدي ، ارجو مناقشة هذا الامر ولكم تحياتي ،، اخوكم ابراهيم

هلا اخوي ..

والله للأسف خلفيتي في هالموضوع جداً ضعيفه وما اقدر افيدك بشيء , لكن إن شاء الله يمر احد هنا ويفيدنا أكثر .
وانا بحاول ابحث لك عن الموضوع بأقرب وقت .

وموفق إن شاء الله ,,,

المليار ديره · #**564** (**permalink**) 06-07-2008, 10:40 PM

ياريت اللي سوا مشرررررررروووووووع تجاري واستاجر موقع:
يقولي تجربته بانسبه لاختيار الموقع خاصة المدارس والمراكز النسائيه.والنادي الترفيهي للبنات مثل عالم وناسه)
كيف اخترت الموقع ؟؟؟

تروح تبحث بنفسك بالسياره او تفوض مكتب عقااااااااار ولا ايش بالضبط ؟؟
واللي يعرف اشخااااص يسالهم ارجوكم.
هل لازم استاجر فيلا دورين ولا دور علوي؟؟؟؟
مشروعي من وين اطلع الترخيص؟؟؟ لانه ليس تعليمي بل ترفيهي ؟؟ ولا لقيت احد يساعدني؟
كل وزاره تقول ليس تابع لي؟؟
من وين اشتري الاثاث كنبات خاصه بناتيه واثاث الاطفال والوانها جذابه
العاب رياضه للبنات
القصص
والمسرح والملابس التنكريه للشخصيات الكرتونيه.
ابي محلات رخيصه وحلو موالتعليم المبكر والفناتير غالي ثانيا ماعندهم الاثاث والاجهزخ الرياضيه.
واي افكااااااااااار ارجوكم لاتبخلووووووووون علي خاااااصة اخوي المبدع فتى نجد
ارجوووووووووك دلني او ارشدني وين ارووووووح والله تعبت .
واسفه اتطفلت على موضووووووووووعك بس وش اسوي مالقااااااااااك الاهنا ماتمر على مواضيعي

فتى نجد · #**565** (**permalink**) 07-07-2008, 08:59 AM

اقتباس:

المشاركة الأصلية كتبت بواسطة المليار ديره

ياريت اللي سوا مشرررررررروووووووع تجاري واستاجر موقع:
يقولي تجربته بانسبه لاختيار الموقع خاصة المدارس والمراكز النسائيه.والنادي الترفيهي للبنات مثل عالم وناسه)
كيف اخترت الموقع ؟؟؟

تروح تبحث بنفسك بالسياره او تفوض مكتب عقااااااااار ولا ايش بالضبط ؟؟
واللي يعرف اشخااااص يسالهم ارجوكم.
هل لازم استاجر فيلا دورين ولا دور علوي؟؟؟؟
مشروعي من وين اطلع الترخيص؟؟؟ لانه ليس تعليمي بل ترفيهي ؟؟ ولا لقيت احد يساعدني؟
كل وزاره تقول ليس تابع لي؟؟
من وين اشتري الاثاث كنبات خاصه بناتيه واثاث الاطفال والوانها جذابه
العاب رياضه للبنات
القصص
والمسرح والملابس التنكريه للشخصيات الكرتونيه.
ابي محلات رخيصه وحلو موالتعليم المبكر والفناتير غالي ثانيا ماعندهم الاثاث والاجهزخ الرياضيه.
واي افكااااااااااار ارجوكم لاتبخلووووووووون علي خاااااصة اخوي المبدع فتى نجد
ارجوووووووووك دلني او ارشدني وين ارووووووح والله تعبت .
واسفه اتطفلت على موضووووووووووعك بس وش اسوي مالقااااااااااك الاهنا ماتمر على مواضيعي

حياك الله اختي ..

الإجابه حسب ترتيب النقاط :
ــ بالنسبه لأختيار الموقع المفروض تبحثين بنفسك وبتلقين مباني مكتوب عليها لوحات للإيجار وتلفوناتهم مكتوبة بالإضافة للأستفسار من مكاتب العقار الموجودة بنفس الحي الي تبين موقع فيه .
ــ هل لازم تكون فيلا دور أو دورين ؟؟؟ هذا يعتمد على نوع النشاط , مع ملاحظة أن مو أي فيلا ممكن يطلع عليها ترخيص ... يعني في أحياء معينة ممكن وأغلب الأحياء ممنوع .
ــ المشروع الترفيهي تراخيصه تصدر من البلدية ( بلدية الحي الي فيه الموقع ) , وعلى فكرة البلدية الأن حطت مكاتب نسائية وممكن تمرينهم وخلال نص ساعة بتاخذين كل المعلومات .
ــ بالنسبه للأثاث هذا يحتاج منك جوله على محلات الأثاث في ( اسواق العويس - مستودعات الفيصليه ( الغاله ) - شارع احمد بن حنبل في الريان والنسيم ) واذا تبين الغالي عندك شارع التحلية والعليا العام وعندك في طريق الملك فهد معرض متخصص بأثاث الأطفال على ما اعتقد اسمه تاريم يجي على اليمين بعد ما تتعدين فندق الشيرتون وفيه معارض تناتل يفصلون أثاث أطفال , والألعاب الرياضية عندك الفالح وغرناطة وشركة سيزر في شارع الأحساء .
ــ بالنسبه للقصص ...... والله ما ادري ولكن شوفي خريجات رياض اطفال وهم أدرى .
ــ بالنسبه للملابس التنكرية برضو ما ادري ولكن ممكن تطلبينها عن طريق النت من خارج المملكة وتكون أشياء مميزة .
ــ بشكل عام اذا تبين اثاث واجهزه وملابس مميزه ومن هالشغلات مالك الا السفر الى الصين , لأني سبق وقابلت شخص وبنته في الصين وكانت البنت عندها مشروع روضه وتمهيدي واخذت أثاث المدرسه من هناك , لكن ما ادري عن التفاصيل , ولكن الي فهمته منهم أنهم لقو أشياء رخيصه ومميزة جدا جدا جدا والشغله مو صعبه اذا كان رأس المال جاهز .

وبالتوفيق إن شاء الله ,,,

المليار ديره · #**566** (**permalink**) 08-07-2008, 01:50 AM

الله يعطيك العافيه على الاجابات والله استفدت كثييييييييييييير منها الله لايحرمك الاجر ويسعد قلبك بخالد وامه ويسخرلك جميع عبااااااااااده امين.
المشكله اخوي انا مااقدر اروووح الصين
هل فيه شركات اواشخاص ترشح لي افوضهم او فيه كتالوجات واختاااااااار منها ولا وانت رايح اوصيك ماراج ننسااااااك بالحلاووه على قولت اخوانا المصريين او ترشحلي مواقع اوشركاااااااات او..........
طيب اي موقع ترشح للمركز؟؟
وياريت تشرف موضوعي فيه بعض الاستفساااارات ياريت تساعدني فيها.
ومشكوووووووووووور اخوي .
واي نصيحه اوتوجيهه لايردك الا كيبوردك.ِ
وبالنسبه لموضوعك:
بشرني وش صاااااااار على موضوعك عن المنتديات التجاريه؟؟؟؟

أميره بكلمتي · #**567** (**permalink**) 08-07-2008, 03:28 PM

فتى نجد ياريت ترد علي بسرعه بالرسايل !

بدون مقدمات · #**568** (**permalink**) 09-07-2008, 11:15 AM

الله يجزاك خير

ويجعل الجنة دارك ومن يعز عليك

نادر مانلاقي من يخدم الناس بتفاني وبون مقابل

الله يكثر من أمثالك يارجال

..

الحمدلله عندي أفكار وبديت اطبقها بس فيه مشكلة كبيرة تواجهني وتواجه أغلب البنات وهي المواصلات ..

مثلا بعطيك مثال : اشتغل حاليا على أساور يد طبعا التصميم ممكن يلاقونه الناس بأماكن عامة بس أنا أضفت عليه لمساتي واختلف تمـــاما وبرضو صممت شكل جديد
وببالي أســوي خلاخل عسى ربي يوفقني

ابيعها جملة والحمدلله ممشيه وضعي بس المشكلة الوحيدة اللي اواجهها هي

من يجيب لي الأغراض ومن يودي الطلبات ومين ومين ومين ....!

حتى لوبتعامل مع سواق بالمشوار ربحي بيروح عليه

الله يسر كل أمر عسر

أدري ياخوك مابيدك شي بس نفضفض اذا ماعندك مانع

آآآمممم بس فيه فكرة طرت على بالي ممكن تحل الإشكال هذا بس يبيلي اشاور نفسي قبل وامخمخ عليها وعقب بسدحها لك هنا لعلك تفيدنا بخبرتك ماشاءالله

وجزاك الله خير على سعة صدرك

..

فتى نجد · #**569** (**permalink**) 10-07-2008, 02:34 AM

اقتباس:

المشاركة الأصلية كتبت بواسطة المليار ديره

الله يعطيك العافيه على الاجابات والله استفدت كثييييييييييييير منها الله لايحرمك الاجر ويسعد قلبك بخالد وامه ويسخرلك جميع عبااااااااااده امين.
المشكله اخوي انا مااقدر اروووح الصين
هل فيه شركات اواشخاص ترشح لي افوضهم او فيه كتالوجات واختاااااااار منها ولا وانت رايح اوصيك ماراج ننسااااااك بالحلاووه على قولت اخوانا المصريين او ترشحلي مواقع اوشركاااااااات او..........
طيب اي موقع ترشح للمركز؟؟
وياريت تشرف موضوعي فيه بعض الاستفساااارات ياريت تساعدني فيها.
ومشكوووووووووووور اخوي .
واي نصيحه اوتوجيهه لايردك الا كيبوردك.ِ

وبالنسبه لموضوعك:
بشرني وش صاااااااار على موضوعك عن المنتديات التجاريه؟؟؟؟

أمين الله يجزاك خير ومن يقول ومن يقرأ بإذن الله ..

ــ بالنسبه لموضوع انك تبين اشخاص يخدمونك في الصين عشان الكاتالوجات مممممممم ممكن ولكن بيتعبونك كثير علشان يفهمون وش تبين بالظبط ولكن اذا تبين ارقامهم ممكن اعطيك اياها , وبالنسبه لي والله مالي روحه قريبه للصين وحلاوتي هي دعواتكم والله يتقبلها إن شاء الله , وانا بحاول اجيب لك بعض عناوين شركات الاثاث بالصين وانتي راسليهم بس الله يعينك يبيلك لغة .
ــ بالنسبة للموقع , صعب اني انا او اي شخص غيري يقدر يحدد لك موقع .... ليش ؟؟؟ لأن تحديد الموقع يعتمد على امور كثيرة منها مثلاً ( كم المبلغ المرصود للموقع وديكوراته - من هم الفئة المستهدفة يعني تبين حقين العليا ولا حقين النسيم ولا حقين منفوحه وكل فئة بيكون لهم سعر مختلف ) .
ــ إن شاء الله بمر موضوعك باقرب وقت .
ــ ما قصرتي يا خيتي المواقع ممتازة , واذا عندك مواقع زيادة انتي كريمة وحنا إن شاء الله نستاهل .

وبالتوفيق بإذن الله ,,,