كيف تبدأ/ تبدئين مشروع ناجح بـ ( 2000 ) ريال؟؟؟

نوف نجد · #**641** (**permalink**) 18-09-2008, 02:25 PM

اقتباس:

المشاركة الأصلية كتبت بواسطة فتى نجد

حياك الله اختي ...

حسب كلامك إن راس مالك وموهبتك ( قــــلــــمك ) ولكن هل تقصدين ككتابة أو رسم وتصميم ؟؟؟
إذا كانت موهبتك ككاتبة ... للأسف فحسب ما أرا في مجتمعنا أن هالشغله ما توكل عيش ومالها مهتمين ومجالها محدود جداً جداً جداً ... هذي الحقيقة !!!!!

المعذرة ... ما فهمت وش المقصود من ( إذا فيه أفكار ) ياليت توضحين أكثر .

وموفقة بإذن الله ,,,

هلابك أخوووي
الي اقصده كتابه
ولكن كما ذكرت انت فساتركها جانبا وتبقى مجرد هوايه امارسها عند الفراااااغ

(( إذا فيه أفكار))

اقصد افكار تجاريه تتناسب معي
ومع شخصيتي مثل ماذكرتلك من قبل

واذا فيه اسئلة اخرى انا بانتظارها
وانتظار ردك

تقبل شكري ولاهنت

مهند عبدالله · #**642** (**permalink**) 19-09-2008, 05:10 AM

.

السلام عليكم ..

سبق وذكرت لك اني انوي الذهاب الى الصين ولأول مرة وكنت قد حددت موعد سفري بحيث يكون على موعد بداية معرض كانتون .. لكن لما شفت اسعار الفنادق تدبلت الى 5 أضعاف فكرت اني أأجل الموعد حتى انتهاء المعرض وأوفر على نفسي تكاليف كثيرة واستغني عن المعرض بالمولات والاسواق التجارية مثل فوتيان وغيره..

ابي شورك .. رايي صحيح ؟ او المعرض يستاهل زيادة التكاليف ؟

.

مجموعه إنسان · #**643** (**permalink**) 19-09-2008, 05:40 AM

السلام عليـــــكم ... اول شي مشكور اخوي فتى نجد على هالمعلومات والله يجزاك خييير ويوفقك بمشاريعك الخاصه.

وودي اسألك عن المشاريع الناجحه هنا اللي ما تحتاج سفر برى .. لأنك زي ما انت عارف السفر يبغى له مصاريف وخبره وواحد عنده ميزانيه ... واكثرنا زي ما انت شايف لا وظيفه ولا شي.

ابغى اسألك اول شي عن محلات الصيانه الألكترونيه مثل المسجلات والبلاي ستيشن والأجهزه المنزليه فيه مكسب او لا

وعن مغاسل السيارات ومجمع ورشات مثل سمكره .. كهرباء

وسؤال أخير ... هل الوظيفه شي اساسي قبل لأبدأ بأي مشروع حتى تكون لك ممول وتجمع منها راس مال

حتى لو وظيفه راتبها 2500

وسؤال لك شخصي ... هل انت موظف ... وكيف كانت اول بدايه لك بأول مشروع بالتفصيل الممل

<<<<< يا شين الحماس الزايد

وجزاك الله الف خيــــــــــر وفقك دنيا وآخره

وشكرا

فتى نجد · #**644** (**permalink**) 19-09-2008, 07:34 AM

اقتباس:

المشاركة الأصلية كتبت بواسطة هاوي تجارة

موضوع في قمة الروعة أو أكثر
هذا الموضوع هو سبب تسجيلي في هذا المنتدى ,,,,,,
و إن شاء الله مستمر في المنتدى..
أخوي فتى نجد عسى الله أن يوفقك في دينك ودنياك ويرزقك خير ماعنده
أشكرك على حب الخير لأخوانك فهذا ليس غريب عليك والجاي منك أحلى....

حياك اخوي ... وشاكر مرورك الكريم , وجزاك الله خير على هالدعوات الطيبة والله يجمعنا وياك فيها ..
وما عليك زود .

وموفق بإذن الله ,,,

فتى نجد · #**645** (**permalink**) 19-09-2008, 07:43 AM

اقتباس:

المشاركة الأصلية كتبت بواسطة نوف نجد

هلابك أخوووي
الي اقصده كتابه
ولكن كما ذكرت انت فساتركها جانبا وتبقى مجرد هوايه امارسها عند الفراااااغ

(( إذا فيه أفكار))

اقصد افكار تجاريه تتناسب معي
ومع شخصيتي مثل ماذكرتلك من قبل

واذا فيه اسئلة اخرى انا بانتظارها
وانتظار ردك

تقبل شكري ولاهنت

حياك اختي ...

بخصوص الأفكار التجارية فهي لا تنتهي ... ولكن اتمنى منك طرح الأفكار الي في بالك أو نوعية المجال اللي تفضلين انك تتاجرين فيه , عشان نسهل الطريق ويكون نقاشنا مباشر .

وبالنسبة لوالدك ... هل مجاله في العقار , يبني فلل ويبيعها مثلاً ؟؟ ولا ايش بالظبط .

وبالتوفيق بإذن الله ,,,

فتى نجد · #**646** (**permalink**) 19-09-2008, 07:51 AM

اقتباس:

المشاركة الأصلية كتبت بواسطة مهند عبدالله

.

السلام عليكم ..

سبق وذكرت لك اني انوي الذهاب الى الصين ولأول مرة وكنت قد حددت موعد سفري بحيث يكون على موعد بداية معرض كانتون .. لكن لما شفت اسعار الفنادق تدبلت الى 5 أضعاف فكرت اني أأجل الموعد حتى انتهاء المعرض وأوفر على نفسي تكاليف كثيرة واستغني عن المعرض بالمولات والاسواق التجارية مثل فوتيان وغيره..

ابي شورك .. رايي صحيح ؟ او المعرض يستاهل زيادة التكاليف ؟

.

حياك اخوي مهند , وعلى فكرة تراني رديت على استفسارك بخصوص السفر للصين .. انت شفته ولا لأ ؟؟؟

بخصوص سفرك للصين عشان معرض ( كانتون فير ) ... نصيحتي لك لا تروح بهالوقت , لأن ما راح يطولك من المعرض الا التفرج فقط ... لأن المعرض تقريباً تقدر تقول مخصص لكبار التجار وللطلبات الكبيرة , وحسب ما فهمت من كلامك انك تبي تجرب في البداية بمبلغ بسيط , عشان كذا انصحك لا تروح للمعرض نهائياً لأنك ما راح تستفيد .
ولكن لو رحت بنفس التوقيت لمدينة ( ايــــــو ) ماعندك مشكلة , لأن الوضع هناك يكون عادي جداً والاسعار زي ماهي بدون اي زيادات , لأن المعرض يكون في مدينة اخرى وهي ( قـوانـزو ) .

وموفق يارب ,,,

فتى نجد · #**647** (**permalink**) 19-09-2008, 08:06 AM

اقتباس:

المشاركة الأصلية كتبت بواسطة مجموعه إنسان

السلام عليـــــكم ... اول شي مشكور اخوي فتى نجد على هالمعلومات والله يجزاك خييير ويوفقك بمشاريعك الخاصه.

وودي اسألك عن المشاريع الناجحه هنا اللي ما تحتاج سفر برى .. لأنك زي ما انت عارف السفر يبغى له مصاريف وخبره وواحد عنده ميزانيه ... واكثرنا زي ما انت شايف لا وظيفه ولا شي.

ابغى اسألك اول شي عن محلات الصيانه الألكترونيه مثل المسجلات والبلاي ستيشن والأجهزه المنزليه فيه مكسب او لا

وعن مغاسل السيارات ومجمع ورشات مثل سمكره .. كهرباء

وسؤال أخير ... هل الوظيفه شي اساسي قبل لأبدأ بأي مشروع حتى تكون لك ممول وتجمع منها راس مال

حتى لو وظيفه راتبها 2500

وسؤال لك شخصي ... هل انت موظف ... وكيف كانت اول بدايه لك بأول مشروع بالتفصيل الممل

<<<<< يا شين الحماس الزايد

وجزاك الله الف خيــــــــــر وفقك دنيا وآخره

وشكرا

حياك ... وامين يارب واجمعين إن شاء الله .

1/ بالنسبة للمشاريع هنا , لو شيكت على الموضوع بتلقا بإذن الله الي يسرك وينفع وأي استفسار كلنا موجودين .

2/ محلات صيانة الالكترونيات ممتااااازة ومكاسبها حلوه وغير مكلفه في إنشائها , ولكن تعتمد على الفني المتمكن والشاطر , ومكسبها من جهتين ( شغل اليد + قطع الغيار ) .

3/ مغاسل السيارات حلوه ... لكن من الصعب الحصول على مغسلة إلا بإيجار غالي وبالنهاية ما راح توفي معك وما تجيب همها تدري ليش ... لأن صاحب المحطة يقدر يأجرها على العامل مباشرة وبسعر ممتاز ويستفيد هو ... فليش يأجرك أنت وبعدين تبي تسوي نفس الطريقة !!!! وصلت الفكرة؟؟ .

4/ الوظيفة لايمكن أن تكون شي أساسي خصوصاً اذا كانت بالراتب الي ذكرته انت (2500 ريال)... يعني هالراتب وش بيسوي ؟ ولا وش بتجمع منه ؟ حتى قرض ما تقدر تاخذ عليه اساساً , أنا من وجهة نظري اذا انت تبي تتوظف عشان تجمع راس مال وتبدأ التجارة أقولك لا تتحمس كثير ولاكن خل أملك بالله قوي .

5/ نعم اخوي أنــا موظف ... ولكن ميزة وظيفتي إن دوامي تقدر تقول على كيفي , يعني الوظيفة ما اربطتني وكتفتني ولله الحمد ... وبخصوص بدايتي بأول مشروع

والله ودي اقصها ولكن تبي وقت ويبلها نفس طويل وانا الحين غير مستعد نفسياً والله خصوصاً مع الصيام , ولكن احب ابين لك شغله مهمه , أنا بدايتي كانت قبل حوالي 16 سنة وكان عمري وقتها بحدود 15 سنه وخالي الله يرحمه له الفضل بعد الله سبحانة وتعالى علي , ولكن صراحةً !!! ذيك الفترة كانت الأمور أسهل من هالوقت بكثيرررررررر في كل شي .

اتمنى إني أفدتك ... وموفق بإذن الله ,,,

هادي 2007 · #**648** (**permalink**) 19-09-2008, 03:47 PM

مشكور اخي فتي نجد على جهودك
وجزاك الله الف خير
وكل عام وانت وجميع اعضاء المنتدى بخير

مهند عبدالله · #**649** (**permalink**) 19-09-2008, 10:22 PM

اقتباس:

المشاركة الأصلية كتبت بواسطة فتى نجد

حياك اخوي مهند , وعلى فكرة تراني رديت على استفسارك بخصوص السفر للصين .. انت شفته ولا لأ ؟؟؟

بخصوص سفرك للصين عشان معرض ( كانتون فير ) ... نصيحتي لك لا تروح بهالوقت , لأن ما راح يطولك من المعرض الا التفرج فقط ... لأن المعرض تقريباً تقدر تقول مخصص لكبار التجار وللطلبات الكبيرة , وحسب ما فهمت من كلامك انك تبي تجرب في البداية بمبلغ بسيط , عشان كذا انصحك لا تروح للمعرض نهائياً لأنك ما راح تستفيد .
ولكن لو رحت بنفس التوقيت لمدينة ( ايــــــو ) ماعندك مشكلة , لأن الوضع هناك يكون عادي جداً والاسعار زي ماهي بدون اي زيادات , لأن المعرض يكون في مدينة اخرى وهي ( قـوانـزو ) .

وموفق يارب ,,,

الا شفته وفصفصته وحفظته في ملف عندي بعد .. وان شاء الله ارسل لك تقرير سفرتي ..

الحمد لله قطعت تردد كبير عندي .. وعرفت معلومات مهمه .. الله يجزاك خير وودنا نتواصل معك جوال او اميل ..

فتى نجد · #**650** (**permalink**) 19-09-2008, 11:22 PM

اقتباس:

المشاركة الأصلية كتبت بواسطة هادي 2007

مشكور اخي فتي نجد على جهودك
وجزاك الله الف خير
وكل عام وانت وجميع اعضاء المنتدى بخير

حياك اخوي هادي ... ومن زمااااااااااااااااااااان ما شفناك وطولت الغيبة علينا ... عاد ننتظر الغنايم

.

والف شكر على مرورك الكريم ,,,

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟

تسجيل الدخول

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟