12-10-2008, 10:10 PM
|
موجّه تجاري
|
|
تاريخ التسجيل: Feb 2007
المشاركات: 986
معدل تقييم المستوى: 218609
|
|
اقتباس:
المشاركة الأصلية كتبت بواسطة جايك يا المليون
السلام عليكم ورحمه الله
ما شاء الله عليك يا فتى نجد وعلى الاعضاء والاداره والاخ عمر
اجبرتوني على قرائه كامل الموضوع في غضون 3 ايام وكنت ارجع للبيت وانا مشتاق
لقراءه باقي الردود والمشااركات وكان الحماس يملاء كياني
اخوووووووووووي فتى نجد
انا طارت فلوسي (قرض)في الاسهم والان انتهت جميع الاقسااااد وناوي
ان شاء الله ابدا في اي مشروع بقرض جديد وتجربه جديده عل وعسى
تكون بدايه ناجحه ان شاء الله
لا اخفي عليك اعجبتني سالفه الجلابيات من (دبي) بس ما اعرف شي؟
اقصد كيف انقل البضاعه وكيف اصرفها !! سالت ناس وخوفوني منها
لان العقبه القويه هي التصريف وقالو محد راح ياخذها منك
بصراحه انا احتاج تطمين منك او بعض التوجيه
وراس المال مفتوح الحد 120000 الف ريال <<طبعا قرض
والله يجزاك خير ويسعدك
ويخلي لك خالد وام خالد يا رب
|
حياك الله اخوي ... والله يعوض عليك وعلينا وعلى جميع المسلمسن يارب ..
بخصوص مشروع الجلابيات , الي قالك إن الصعوبه بالتصريف كلامه صحيح .... ولكن الى حدٍ ماء , يعني أي عمل تجاري اصلاً يعتمد على التصريف ومشكلتنا في السعودية إن 90% من المحلات تعود لأجانب يشتغلون فيها لحسابهم وما يتعاملون الا مع بني جلدتهم .
ولكن هل هذا يعني ان نقف مكتوفي الأيدي .... طبعاً لأ والف لأ , خصوصاً في موضوع الجلابيات لأنك بتلقا سعوديين كثير يشتغلون فيها وممكن تسلك معهم , مثل المحلات الشعبية بتلقا عجز سعوديات عندهم بسطات وممكن تسوق لهم وبرضو فيه اسواق تقام بايام معينة خارج مدينة الرياض مثلاً في القصيم و حائل و تبوك وابها و الاحساء ........... الخ واغلب الي يشتغلون فيها سعوديين وممكن يشترون منك .
بخصوص طريقة الشراء وشحن البضاعة , لاتشيا هم سهله جدا جدا وانا بوريك طريقتها , ولكن اهم شي استخر الله واجزم وبلغني وما لك الا طيبة الخاطر .
نصيحتي لك للبدء في هذا المشروع هـــــــي :
1ــ انزل لسوق الجملة في الرياض واطلع على اخر الموديلات الي وصلت وحاول تاخذ خلفيه جيده للأسعار والموديلات والخامات المرغوبة . (( مهم جدا جدا جدا )) يعني ركز على ( السعر ـ الموديلات ـ الخامة ) .
2ــ بعد كذا تطلع لدبي لمدة ثلاث ايام فقط وتاخذ جولة وتقارن وتجيب معك البضاعة .
3ــ قبل ما تغامر ممكن انك تبدأ بمبلغ عشرة الاف ريال , طبعاً ماراح تجيب لك فائدة بس بتغطي مصاريفك الي خسرتها , ولكن هذا المطلوب لأن الهدف هو التعلم في البداية , وبعد كذا تبدأ تزود راس المال شوي شوي وحبه حبه .
مــــــــــــــــــــــــــــــــــــلاحظة هامة :
ترا الموسم الأن للجلابيات الشتوية ..... تمام ؟؟؟
وموفق ... واي استفسار مستعدين .
|
1Likes
العرض العادي
