كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #**791** (**permalink**) 17-02-2009, 03:02 PM

بخصوص طلب كلاً من / طموحي بحر و المميزه 2006
بما يخص فكرة الأستيراد من الصين .

الاستيراد من الصين فكره ممتازه جداً جداً , ولكن مشكلتها الوحيده حتى الأن هي عدم وجود طريقه مضمونه للتعامل مع التجارأو المصنعين في الصين عن طريق النت أو الاتصال , عشان كذا الحل الوحيد هو السفر للصين , ولكن فيه بعض الأنشطه والمحدوده جدا جدا جدا يمكن تخليصها عن طريق النت ومنها على سبيل المثال ( الملابس ) ولكن يعيبها نقطتين وهم :
1/ بسبب سهولة طلبها فإنكم تلاحظون كثرة عرضها بأوساط صغار التجار مما يسبب التنافس الرهيب بتخفيض الأسعار وقلة نسبة الربح , لأنها اصبحت دارجه ومتوفره بكثره .
2/ في حالة طلبها قد يتفاجأ المستورد أنها ليست كما تصورها , يعني ممكن تكون الخامه سيئه أو التقفيل مو لذيك الدرجه ومن هالشغلات .

عشان كذا أن أنصح من يرغب الاستيراد من الصين أن يبدأ بالبحث أولاً عن مصادر منتجاته وبعد كذا لابد من السفر لمعاينة البضاعه على الطبيعه , وبرضو فيه نقطه مهمه جدا جدا جدا وهي .. إن فيه أشياء كثيرررررررره مميزه وجديده ولكن لايمكن اكتشافها عن طريق النت بل يتم اكتشافها هناك في الصين وهذا هو مربط الفرس .

وياليت يكون فيه أي اضافه أو استفسار يطرح هنا , وللحديث بقيه بإذن الله ...

حائلي نمبر ون · #**792** (**permalink**) 17-02-2009, 06:18 PM

جزاك الله خير

طموحي بحر · #**793** (**permalink**) 18-02-2009, 12:02 AM

الف شكر ياخوي على ردك واهتمامك بارك الله فيك ونفع بعلمك الإسلام والمسلمين .

انا ممكن أتعامل مع تاجرة توفر لي البضاعة اللي ابغاها من الصين يعني كـ بداية حتى اجمع مبلغ كبير وأتعلم وبعدين ابدأ اسافر بنفسي للصين و أوسع تجارتي لكن ابغى اعرف ايش المطلوب مني بالتفصيل عشان افتح المحل وكم ح يكلفني ؟!

دمتم بحفظ الرحمن .

فواااز · #**794** (**permalink**) 18-02-2009, 10:42 AM

أخوي فتى نجد

جزاك الله كل خير لـ كل ماتقدمه لاخوانك واخواتك

ومبروك البنوتة .. وعساها تتربى بعزك ..

وحتى أنا رزقني ربي بـ بنوته والبارح متمم لها .. لها أسبوعين الحين

أخوي .. أنا توكلت على الله وناوي أفتح كشك كوفي شوب سيارات بـ إذن الله

والآن أحاول أجمع معلومات عن المشروع .. وقريبا ً جدا ً بـ بدأ التنفيذ بـ إذن الله

وأي معلومة منك بـ التأكيد راح تفيدني

ومتأكد إن شاء الله إنك ماراح تقصر

والله لايهينك ياغالي

فتى نجد · #**795** (**permalink**) 18-02-2009, 12:55 PM

اقتباس:

المشاركة الأصلية كتبت بواسطة حائلي نبر ون

جزاك الله خير

امـــــــــــــــــــــــين يا بعد حيي ... وشاكر مرورك .

فتى نجد · #**796** (**permalink**) 18-02-2009, 01:03 PM

اقتباس:

المشاركة الأصلية كتبت بواسطة طموحي بحر

الف شكر ياخوي على ردك واهتمامك بارك الله فيك ونفع بعلمك الإسلام والمسلمين .

انا ممكن أتعامل مع تاجرة توفر لي البضاعة اللي ابغاها من الصين يعني كـ بداية حتى اجمع مبلغ كبير وأتعلم وبعدين ابدأ اسافر بنفسي للصين و أوسع تجارتي لكن ابغى اعرف ايش المطلوب مني بالتفصيل عشان افتح المحل وكم ح يكلفني ؟!

دمتم بحفظ الرحمن .

حياك اختي .. امين والله يجزاك خير .
طالما انك لقيتي وحده ثقه وبتأمن لك طلباتك من الصين هذا ممتاز جدا جدا جدا , وفرصه جيده كبدايه وبكذا تكونين حليتي 80 % من مشكلتك .

بالنسبه لتكاليف فتح محل

والله ما ادري وش اقولك , لأنك ما وضحتي محل ايش بالظبط , لأن كل نشاك يختلف عن الثاني من ناحية تجهيز الديكورات والمساحه والموقع , ولكن فيه مصاريف تعتبر ثابته مثل ( السجل التجاري + رخصة المحل ) وهذي بحدود 2000 ريال تكلفك .

ياليت توضحين اكثر عن طبيعة النشاط والموقع عشان نتناقش فيها ويفيدونك الجميع .

وبالتوفيق بإذن الله ,,,

فتى نجد · #**797** (**permalink**) 18-02-2009, 01:13 PM

اقتباس:

المشاركة الأصلية كتبت بواسطة فواااز

أخوي فتى نجد

جزاك الله كل خير لـ كل ماتقدمه لاخوانك واخواتك

ومبروك البنوتة .. وعساها تتربى بعزك ..

وحتى أنا رزقني ربي بـ بنوته والبارح متمم لها .. لها أسبوعين الحين

أخوي .. أنا توكلت على الله وناوي أفتح كشك كوفي شوب سيارات بـ إذن الله

والآن أحاول أجمع معلومات عن المشروع .. وقريبا ً جدا ً بـ بدأ التنفيذ بـ إذن الله

وأي معلومة منك بـ التأكيد راح تفيدني

ومتأكد إن شاء الله إنك ماراح تقصر

والله لايهينك ياغالي

حياك اخوي .. وماشاء الله تبارك الله على المولوده والله يجعلها من عباده الصالحين ويبلغكم برها بالصحه والعافيه ... وعلى فكره ترانا سبقناكم بيوم واحد بس

والظاهر يبي يصيرن صديقات ان شاء الله ههههههههه .

بالنسبه لموضوع كشك الكوفي شوب , والله للأسف هالشغله ما عندي فيها ذيك الخبره الكافيه الي اقدر استند عليها وافيدك منها بشي , ولكن عادةً فيه قواسم مشتركه بين المشاريع التجاريه ومنها مثلاً :
ــ الموقع الجيد
ــ المظهر الخارجي للمبنى
ــ جودة المنتج الي تقدمه من اكل وشرب
ــ السعر المناسب
ــ النظافه العامه
وبرضو اهم شي قبل ما تستأجر الموقع تأكد من موافقة البلديه عليه اول عشان ما توهق , لأني سمعت قبل كذا عن مشاكل من هالنوع .

وبحاول والله اجمع معلومات واكتبها لك لك هنا إن شاء الله ,,,

وبالتوفيق بإذن الله ,,,

فواااز · #**798** (**permalink**) 19-02-2009, 10:26 AM

^

بيض الله وجهك اخوي

وشكرا ً على كل ماتقدمه من جهود لخدمة غيرك

والله يخلي لك بنتك وتتربى بعزكم إن شاء الله

جزاك الله كل خير يافتى نجد

طموحي بحر · #**799** (**permalink**) 24-02-2009, 04:54 AM

اقتباس:

حياك اختي .. امين والله يجزاك خير .
طالما انك لقيتي وحده ثقه وبتأمن لك طلباتك من الصين هذا ممتاز جدا جدا جدا , وفرصه جيده كبدايه وبكذا تكونين حليتي 80 % من مشكلتك .

بالنسبه لتكاليف فتح محل

والله ما ادري وش اقولك , لأنك ما وضحتي محل ايش بالظبط , لأن كل نشاك يختلف عن الثاني من ناحية تجهيز الديكورات والمساحه والموقع , ولكن فيه مصاريف تعتبر ثابته مثل ( السجل التجاري + رخصة المحل ) وهذي بحدود 2000 ريال تكلفك .

ياليت توضحين اكثر عن طبيعة النشاط والموقع عشان نتناقش فيها ويفيدونك الجميع .

وبالتوفيق بإذن الله ,,,

الله يبارك بعمرك ياخوي ولايحرمك الاجر ياااااااارب .

المحل يعتبر مثل محلات ابو ريال وريالين لكن راقي ومميز يعني فية كل شي حلو للبنات من اكسسوارات وهدايا و و و كل شي مميز وجديد وحصري <<ويارب تكون وضحت لك الصورة ياخوي .

ومشكلتي ماني عارفة كيف ابدأ ومن وين ولا حتى اعرف كيف طريقة السجل التجاري وترخيص المحل .

وإذا وقتك يسمح ياخوي ممكن تشوف لي المشاريع اللي حابة ابدأ فيها لأني محتاجة نصايحك الله يوووووووووووفقك دنيا واخرة بجد نحنا نمشي بكلامك ونصايحك الأخوية وتعاونك ويانا جداااااااااااا عظيم لاعدمناك يارب .

https://www.btalah.com/t88158.html