27-03-2009, 12:10 AM
|
موجّه تجاري
|
|
تاريخ التسجيل: Feb 2007
المشاركات: 986
معدل تقييم المستوى: 218609
|
|
اقتباس:
المشاركة الأصلية كتبت بواسطة خير الله
الجنس : مذكر
موقعي الغربيه تحديدا ينبع
( تراني قاعد اجاوبك اي سؤال تسأله للاشخاص عشان مااتعبك )
وللعلم يعني انا كانت في بالي فكره ذكرى الزواج من زمان كوني عندي ذوق في تنسق الحفلات ولمسات ابداعيه بكل ماتحتويه الكلمه من معني !
وتنسيق الحفله <
وهذي وحده من التنسيق لحفله سويتها
<
درست فكره ذكرى الزواج والنجاح للاطفال وكل مايتعلق بعلميات التسويق
> والتأشيرات اللي ممكن احصل عليها طلع ما احصل ولا على اي تأشيره من مكتب العمل بحكم انو تصنيف نشاطي كوشات <
يقولك تستأجرلك عامل من الشارع
وسويت زيارات لسوق الخاسكيه بجده على مااعتقد اسمو كذاقبل اربع شهور
لكن ماوجت اللي اللي يطمحله ذوقي ويضمن تميز خدمتي في ضمار المنافسه حتى لو قلو المنافسين في الساحه
والاحباط اللي كان اكبر من كذا هي الطاولات < مادري وين يبعونها
وواحد من الشباب قالي سوق التنين بدبي كل شي بتلقاه فيه .. ماادري كيف بدخل بضاعتي لو جبتها
ولما سألت عن الطاولات يقولك كفيلي جابها مدري من وين 
من جد صار عندي احباط كثر شعر راسي
والفكره يلزم لها الورد الطبيعي حاولت البحث من النت عن موردين وعن طريق الزيارات الميدانيه لكن دووون جدوى
والاكستسورات اللي توضع فوق الطاوله <
تكـفي يابو خالد
ياعزوتي توجيهاتك لي اللي مااستغني عنها! |
حياك اخوي ...
اهنيك على اختيارك الممتاز لهذا المجال , ويعجبني فيك حرصك على التميز وهذا مؤشر قوووي جدا جدا جدا يضمن نجاحك بإذن الله .
الأجوبه بتكون على شكل نقاط , وهـــي :
ــ بخصوص العامل , امره بسيط , يعني ممكن تطلع تأشيرة سائق بأسم ابوك أو احد معارفك المتزوجين وتنهي المشكلة , وتجيب العامل الي تبيه .
ــ بخصوص المنتجات والمواد الخام المستخدمه في تجهيز الكوش وحفلات النجاح والاطفال , كلامك سليم 100 % بما يخص سوق الخاسكيه , يعني اذا بتجيب منهم كأنك يابو زيد ما غزيت  يعني بتصير زيك زي أي محل ثاني وصعب انك تتميز .
ــ الطاولات ... غريبه , يا خي ممكن تبحث عنها في سوق الصواريخ عند محلات الاثاث واذا ماعنده ممكن يدلك وين تلقاها , بس ابحث بدون ملل وصدقني بتلقاها خلال يوم واحد , وموضوع سوق التنين في دبــــــي إنسااااااااا مافيه الا الكلام الفاضي وهو سوق يضحك على الجهلاء الي ما يعرفون الصين ... يعني بالعربي ضحك على ربعــ ــنــا .
ــ بالنسبه للورورد , برضو امرها سهل , يعني بكل بساطه لو انت بالرياض , ممكن تروح عند محلات الكوش وترابط قدامهم وبتشوف سيارات الموزعين حقين الورود كل شوي تجي سياره , امسك المندوب وخذ رقم جواله وانتهى الموضوع , ولا تلقاهم عند محلات المشاتل الزراعيه .
ــــــــــــــــــــــــــــــــــــــــــــــــــ ـــــــــــــــــــــــــــــ
طيب .. الحين بعطيك بعض النصائح وانت ادرسها وقلبها واستخر ربك , والله يكتب لك الي فيه الصالح, طبعاً على اساس ان راس مالك ( 50 الف ريال ) , وهـــــــــــــي :
1- اطلع للصين وتحديداً امدينة ( إيـــــــو ) لأن هذه المدينه فيها اسواق جملة ضخمه جداً جداً وتلقا عندهم كل ما تحتاجه من اغطية طاولات وكراسي واكسسوارات طاولات وكل المواد الخام الي تحتاجها في تجهيز الافراح او حفلات النجاح والمواليد , وبتلقا مئات الوف الأصناف الي ما تخطر على بالك ولا في حياتك شفتها , وبنفس الوقت ممكن تاخذ منهم بكميات بسيطه يعني بالدرازن وبأسعار خررررررررافيه واغلبها اسعارها بهلل .
2- يكفيك سبع او ثمان ايام في الصين , وبتكلفك حدود ( 5000 ريال ) من تذكره وسكن واكل وشرب وتنقلات , وممكن تاخذ لك تشكيلة بضاعة بحدود ( 25 الى 35 الف ريال ) وانا متأكد انها بتكون تشيله مميزه ومو موجوده في السعودية نهائياً .
3- طبعاً أنت تسوي تشكيله من الشغلات المميزه والأساسيه الي تبرز مدى جمالية وتميز شغلك , وبعدين تطعمها ببعض الشغلات الي بتشتريها من داخل السعودية , لأن راس مالك ما يكفي انك تجيب كل شي من الالف الى الياء ... وصلت المعلومه ؟؟ .
4- يبقى عليك ايجار المحل وهذا اتركه لك , لأني ما ادري عن وضع ينبع .
صدقني , انا شفت لمساتك في الصور , وباين عليك من الصور واسلوب كلامك انك ذويــ:oـــق , احرررررررجتك صح  , ووالله اني تحمست معك في الشغله لأنها اصلاً تستهوين هالشغلات , وانت ماشاء الله عليك عرفت من اين تؤكل الكتف وبرضو عارف وش قاعد تسوي وخطواتك واضح انها مدروسه وموزونه وبدون أي تهور .
دعواتي لك بالتوفيق والنجاح واولاً واخيراً ... استخر الله وسلم امرك له .
وأي استفسار موجودين يالغالي , وموفق بإذن الله .
خير الله ... المعذره اذا فيه سؤال ما جاوبتك عليه ياليت تذكرني فيه عشان ارد عليك .. ok .
ابــو خــالـــــد ,,,
التعديل الأخير تم بواسطة فتى نجد ; 27-03-2009 الساعة 12:16 AM
|
1Likes
العرض العادي
