حياك اختي ... والمعذرة على التأخر في الرد .
عموماً , هذه اجابه على استفساراتك حسب الترتيب :
1/ نعم , بعد توفيق الله , المشروع ناجح وبقوه , وأيضاً يمكنك أن تضيفي خدمات خارجيه كتأمين الأكلات للمناسبات والأفراح على الطلب .
2/ بالنسبه للشركات , عندنا في الرياض فيه في شارع الضباب , قرب الغرفة التجارية حوالي ثلاث او اربع شركات تعتبر من أرقى الشركات الي تبيع تجهيزات المطاعم بأنواعها .
3/ الفريزرات اتوقع لو تشترينها من المحلات العادية اوفر لك , والأفران حسب علمي فيه عند الشركات افران خاصة للمطاعم لأنها تستخدم لطبخ اكلات معينة ما يقدر الفرن العادي يسويها , ولكن انتي روحي وشوفي الفرق وشيلي على قد احتياجك ولا تتزيدين التكلفه عليك خصوصاً في البداية .
4/ المواد الغذائية والإستهلاكية , عادةً يشترونها المطاعم من تجار الجملة مباشرةً أو من موزعينهم الي يوصلون لحد المطعم , وطبعاً هذولا سهل الوصول لهم بالذهاب الى سوق الجملة للمواد الغذائية والتسعير بينهم , وبعد كذا اختاري افضلهم سعراً وأفضلهم تسهيلاً في الدفع .
5/ التنوع في الأصناف وفتح الخيارات للزبائن أكيد أفضل , مع التركيز على الأطباق الرئيسية .
6/ التكاليف تختلف حسب الموقع ومستوى المطعم , ولايمكن حصرها , ولكن في المتوسط بتكون بحدود ( 150 الف الى 250 الف ريال ) وعلى فكرة فيه مطاعم راقيه في الرياض كلفة 2 مليون ر يال , وبرضو فيه مطعم عادي كلف 70 الف ريال , يعني تحديد التكلفه مو بهالسهوله لأنه يعتمد على عوامل كثيره جدا جدا جدا ومنها ( ايجار الموقع - مستوى الديكور - الأجهزه والعدد - الايدي العاملة - التسويق ) .
7/ المطاعم العائليه ... هل انتي قصدك ان المطعم يكون عوائل ولا نسائي فقط
.
نــــصـــيــحـتـــي لــك :
أبدئي مشروعك بأقل التكاليف , بمعنى سوي مطعم ولكن يكون طلبات خارجيه للمناسبات والحفلات والأفراح , يعني بدون جلسات وديكورات وغيره , لحد ما تكتسبين الخبرة الجيدة وتلمين بالموضوع تماماَ ذيك الساعه تقدرين تخطين الخطوه الثانيه وهي التوسع وعمل جلسات للعوائل , هذا رأيي وانتي ادرى اختي .
والله يكتب لنا ولك التوفيق يارب ,,,
03-05-2009, 04:15 PM
1Likes
العرض العادي
