تاجر اولاين / فكر بالميداليات (تقليد الماركات) انا سبق وجبتها من الصين , طبعاً كهدايا للحبايب وصراحةً الناس تذابحو عليها ودقو علي ناس اعرفهم ومن زماااااااان ما شفتهم بس عشان يبون من هالميداليات .
طبعاً تقليد ( جوتشي , بالي , مونت بلانك , جيفنشي , كارتير , وكرستيان ديور , ............................. الخ ) . وكان سعرها علي بحدود ( 5 ريال ) طبعاً من سوق عادي وبدون مكاسر لأني كنت مستعجل وخميتها بسرعه .
فكر فيها وقلبها وشف وضعك بالجمارك وتدخيلتها .
التسويق :
بسيط جداً جداً جداً واول شي عندك القهاوي (الشيشه) فيه كشك تلقاه يبيع كبكات واقلام , حط عنده وعلى التصريف وصدقني بتطير هووووووووووووووووى ...

لا هنت أفكار حلوة

قصة قصيرة

كان فيه شاب في عام 1416هـ وعمره تقريباً وقتها ( 20 سنة ) , يوقف في مخرج 15 في الدائري الشرقي وانت متجه غرب كنك رايح للملز يعني بعد اسواق المجد بحوالي 100 متر .
كان معه ددسن موديل (1984م) ويوقف بالخدمه على اليمين وكان يبيع المكسرات بأنواعها وخصوصاً الفصفص المحموس اللي يحبه قلبك , طبعاً انا كنت شبه يومي امر في هالشارع لأن جدي الله يرحمه كان ساكن بالملز وانا اسير عليه , وكنت كل مامريت اوقف واخذ من عنده بعض المكسرات وصارت بيننا علاقه على خفيف ووالله مره من المرات سئلته وقلت "مزح" : ارفق على الضعوف مثل الرفاعي والفار لاتضيعهم وتقطع رزقهم (طبعاً بلهجتنا القصيميه) عاد تطلع قويه ومن قلب , رد علي وقال "بما معناه" : طول ما انا حارم نفسي من متعة الدنيا بعمري الحين والله وان قاله الله اني ما اخلي سنيني تضيع بالهوى . !!!!!!!!!!!!!!!!!!!!! .
ودارت الأيام وبفضل الله وتوفيقه ثم بمثابرة هذا الشخص .
تدررررررررررررون وش وضعه الأن ؟؟؟؟؟؟

الأن يملك أكثر من ( 28 ) فرع محلات مكسرات في أنحاء المملكة .
من هووووووو ؟؟؟؟؟؟ (( مكسرات بـــاجة ).

ماشاء الله تبارك الله ولا إله إلا الله والله يباركله ويتمم عليه ...

الأخ فتى نجد

ممكن تزويدي بما فيه الكفايه عن الأتي
1/

فكرة مشروع :
طبعاً أنا لاحظت في مواضيع اخرى في المنتدى ان الموضه الأن مركزه على ( مغاسل الملابس ) وعشان كذا حبيت اطرح هذي الفكره للمناقشه والفائدة وهـــــــي :
مغسلة ملابس ذاتيه / يعني في امريكا واوروبا اذكر اذا رحت هناك اني اغسل ملابسي بنفسي وطبعاً فيه محل تلقا فيه مكاين مرصوصه جمب بعض منها مكينة غسيل ومنها مكينة تنشيف , واللي عليك تحط (الكوين) اللي هو العملة الحديد وتشتغل الماكينة وتقلب بنفسها لين تخلص بعد حوالي 25 دقيقه وبعدها تطلع الملابس وتحطها بالنشافه وتحط العملة وتشتغل حوالي 15 دقيقه وبعد كذا تاخذ ملابسك وللبيت على طول وتكويها عندك ..

في السعودية , العملاء المستهدفين :
ــ المقيمين ( عزاب أو متزوجين ) .
ــ التكلفه افل بكثير جداً جداً من المغاسل العاديه .
ــ التكلفه اقل من الغسيل في بيوتهم .
ــ سرعة الإنجاز مع الدقة .
ــ يمكن إنشائها في مناطق تجمع المقيمين في أحياء معينة .
ــ يمكن إنشائها في المناطق الصناعية حيث يوجد فيها سكن للموظفين وتصل اعدادهم بالألاف .
ــ يمكن إنشائها في الأبراج السكنيه الكبيرة او في مجمع عمائر او مجمع سكني .
2/
لجميع القراء
انا عندي مصدر من (كشمير ) يصنعون (مفارش الطاولات والخداديات ) طبعاً اللي تنحط على طاولات المجالس وشغل رررروعه وشك يدوي ومقاسات مختلفه وانواع ( تول و اورقانزا ومخمل وغيره ) , وممكن بيعها في السعوديه بسعر منافس جداً جداً عن اللي موجود في المحلات .
السؤال انا نويت ادخل هالمجال بإذن الله لكن محتاج من البنات يفيدوننا بأفكار تسويقيه واللي ترغب بالتسويق ماعندي مانع . (اللهم ارزقني وارزق مني ) ...

بارك الله فيك وفي جهودك

السلام عليكم ...
اخوي / النشمي , صحيح وهو أول فرع تم افتتاحه وماشاء الله بعدها توجه ومشة اموره الله يبارك له .

اختي/ لاعمل لدي , بالنسبه لما يلي :
1/ المغاسل الذاتيه , طبعاً هذي معروفة جداً في الخارج وفي مره كنت في بلجيكا وحضرت معرض وكان فيه مصنع يصنع هذه المغاسل مشارك وسئلت عن سعر الماكينة وكانت تقريباً (5000 الى 8000 ريال) الغسيل والتنشيف وهذا قبل حوالي 4 سنوات . واذا كنتي جاده جداً جداً في الموضوع انا ممكن اوصي احد هناك أو المانيا واجيب لك سعرها ومواصفاتها وعناوين المصنع ولكن رجاءً اذا كنتي جاده 100% ..

2/ بخصوص المفارش انا مافهمت وش المطلوب بالظبط , ياليت توضحينلي ..

اخوي عاشق الريم , ما نسيتك بس مازلت خارج الرياض ومجرد ما ارجع بارسلها لك بإذن الله ...

(( العمل التجاري ))

المنطقية والواقعية مطلوبه واساسية في العمل التجاري حيث يجب الأبتعاد عن التهور والتسرع في البداياة , ولنا في ذلك قصص وعبر كثيرة ولاتحصى لمشاريع فاشلة , وقد صادفة شباب كثيرين في الخارج وخصوصاً في الصين , بمجرد ان يجد سلعة رخيصة يبدأ بإجراءات الشراء والشحن لتصديرها للسعودية دون أي مراجعة لهذا القرار الخطير اللذي لاتحمد عقباه .
مره قابلت في الصين شباب اثنين اصدقاء وصار بيننا تعارف في الفندق وكنا نروح سوا يومياً لحضور المعرض اللي جينا اساساً عشانه , وفي يوم تقابلنا في الفندق مساءً كالعادة وتفاجأت انهم دفعو عربون بمبلغ اكثر من (28000 ريال) لمصنع سيراميك !!!!! يعني اشتروا كميات سيراميك وهم ملهم في هالشغله لامن قريب ولا من بعيد .....
طبعاً دار بيننا نقاش طويل جداً لساعات وانا احاول اقنعهم بإلغاء الصفقة ولكن لاحيات لمن تنادي , وفعلاً وصلت البضاعة للرياض وكنت اقابلهم كل فترة طبعاً عشان ما ادوخكم بالأفلام الهندية اللي صارت لهم من وصول البضاعة ... بإختصار كلفتهم كاملةً واصله للمستودع اكثر من (230000 ريال) وبالنهاية باعوها استوك بمبلغ لايتجاوز (70000 ريال ) والله هذا اللي صار .. بكل بساطة تدرون وش كان اعتراضي :
1ــ هذا المنتج من المنتجات اللتي يجب توفر موديلات كثيره ومنوعه منها يعني يبيلها راس مال فوق المليون ريال عشان تقدر توفر اغلب الأذواق المطلوبة من العملاء وذلك بسبب شدة المنافسة الشرسة في هذا المجال , وهذا في حالة البيع المباشر للمستهلك .
2ــ في حالة البيع بالجمله هناك عدة عوائق اهمها :
ــ المحلات الصغيره اللي بياخذون منهم جملة التسديد عندهم بالدين ( أجل ) .
ــ المحلات الصغيره مايقدر ياخذ منك لأنك لاتملك قاعدة قويه يعني ما عندك موديلات
منوعه وبنفس الوقت ما يقدر يغامر معك ويخسر التجار اللي يتعامل معهم من سنوات
عشانك خصوصاً انك على قدك وتوك (ساردين) .
ــ تقول خلالالالالالاص .... ببيع للتجار الكبار , اقولك فيه مثل يقول ( لاتبيع المويه في
شارع السقايين ) يعني بتروح تبيع للتجار اللي هم يستوردون من الصين وكاشفين الأسعار كلها وعارفين كم تكلفتها عليك .... no way .

طبعاً هذا المثل ينطبق على أي عمل تفكرون فيه .

الحل ببساطه , قبل ما تدخل في أي شغله فكر (( بالتسويق )) وعندك اربع شغلات تبدأ تبني عليها وتجس نبض السوق , وهـــــــي :
ــ المنـــتــج ( تحديد نوعية المنتج أو الخدمه المراد البدء فيها ) .
ــ مـتـــــى : ماهو الوقت المناسب لجلب السلعه
ــ أيـــــــن : ماهو المكان المقترح لبيع السلعه
ــ كـيــــف : ماهي الطريقة اللتي توصلت لها لتسويق المنتج

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
فكروا فيها ونناقشها ,,,,,

هلا اخوي فتى نجد .. الله يعطيك العافيه ويجزاك ربي الخير ويجعله في ميزان حسناتك

ودي آخذ رايك بهالمشروع ::

انا موظف بشركة وراتبي حول 3000 يعني توي ماتثبت لي 7 شهور متوظف

وودي أكون نفسي .. فكرت اني اقترض من البنك 50 ألف ريال وأبدأ بمشروع

فكرت بمشروع العطاره .. بما ان سوقه ماشي عند الحريم

أنا أبي رايكم .. وأبيكم تقولولي تتوقعون يكون مشروع ناجح أو خاسر ؟؟

أبيكم تقولولي عن مشاريع غير هالمشروع أذا انتم تشوفون ان فيه احسن من العطاره

وهل 50 الف تكفي لبداية مشروع بسيط وصغير وأبدا فيها حياتي وأكون نفسي ؟؟

شااكر لك اخوي