اخي بلاك
الله يجزاك كل خير وبيض الله وجهك فعلا افكارك نيرة

مرحبا يافتى نجد وجزاك الله الف خير
انا موجود بالقصيم وهوايتي الحيوانات الابل والغنم وش تنصحني فيه منين اشتري ومنين ابيع ارجوا من الجميع الرد وجزاكم الله خير

السلام عليكم ورحمه الله وبركاته .......

مشكور اخوي فتى نجد ........
انا من الناس اللي اروح كل اسبوعين لدبي وانا اشتغل بالجوالات من 10 سنوات وعندي تعليق على ردك مع ام حمد انه مو ضروري انها تروح لدبي هينا فيه اسعار منافسه وكويسه بما ان الناس صارو يستوردون من الصين ما عاد فيه فرق الا بسيط جدا بينا وبين دبي وانا ما اشتري من دبي اشتري من الصين واشحنها لدبي ومن دبي للرياض ولكن فيه مكاسب بالاشياء اللي صعبه تدخلها مثل الجوالات الصينيه المقلده والاكسسوارات والساعات ومثلك عارف ان دبي مصاريف يعني الروحه تكلفك اكثر من ثلاثه الاف ريال وكم بيطلع مكسبك يبغالها واحد راس ماله كبير وموزع بالجمله ,,,,,,
واذا كانت ام حمد بتفتح محل انا اشور عليها انها تجهز المحل من الرياض فيها محلات اسعارها حلوه مثل المحرك الفضي للاكسسوارات والجوالات الصينيه والجوالات من البطحاء فيها محلات اسعارها حلوه ومن ناحيه قطع الغيار من الحارثي بالمرسلات وممكن اتوسط لها بالاسعار عند هذه المحلات واذا كان ولد اخوها يبغى شي من دبي وشاف سعره مناسب انا ممكن اوصله الطلب بدون اتعاب ولا شي (فزعه ) ولا يدفع الين يحصلها قدامه ,,,
وبالنسبه لك فتى انا انتظرك على الخاص اذا ممكن,,,,,,,
وشكرا

أسأل الله العظيم يوفق جميع من شارك في هالمنتدى ونفعنا بخبراته واخص بالشكر الجزيل للأخ الفاضل\ فتى نجد الله يفرحه بشوفة بنته عروسة ان شاء الله والله يخلي له ام خالد وعساها ماعاد تهاوشة وززززززززحة
أنا يالغالي ماسجلت في هامنتدى الا بعد ماقريت موضوعك ويشهد علي الله اني في ظروف مايعلم بها الا هو
انا منتسبة في الجامعه وكل ترم ب3000 الاف ريال غير أيجار الشقة والتذاكر والمدرسات الخصوصي أقل وحده 800 ريال للمادة وخلها على ربك فيه وحدة ميسورة من جماعتي سلفتني 9000 ألاف ريال تقول احسن أموري فيها وارجعها لها بعد فترة لأنها بتكون محتاجتها لعرس بنتها

المطلوب وش تشور علي أسوي فيها وانا خااااااااايفة جدا من المغامرة لأن زي ماتعرف مو بفلوسي كان تهون شوي وانا مقدرت ارسل لك عالخاص لأن هاذي اول مشاركة لي ماكان ودي اقص قصتي على الملا كلهم وماخفي كان أعظم

وين الناس ياناس تكفون الفزعة أختكم في حاجتكم

وينك يافتى نجد؟؟؟ طولت ياأخوي

ابو خالد وش اخبارك

الله يعطيك العافيه صراحه مجهود تشكر عليه

انا بستشيرك في شغله

انا عرض علي من شخص قريب مني بما اني عاطل حالياً وازعجته كل يوم
بذا المشاريع مسوي اني بزنس ههههه
فالرجال يقول انا راح امولك بمشروع كامل وعليك الشغل وانا على المبلغ
انا الحين ابغا مشروع مسكت يعني ما اتفشل معا الرجال
المغاسل حلوه والبقالات ومحلات الجوالات لاكن كلها ينخاف منها

فيريت اذا تقدر تجيب لي فكره قويه يعني في حدود رأس المال اقل من 100 الف
يعني في حدود 80

انا من الدمام

السلام عليكم..
صراحه مجهود رائع واراء اكثر من رائعه ..
اخوي فتى نجد..
انا خريجة جامعه ولدي من الدورات الكثير ولكن لم يرد الله انا اجد وظيفه ..والامر من ذلك ان الظروف اجبرتني على الانتقال الى قريه نائيه بحيث اصبح البحث عن وظيفه امر شبه مستحيل هناك .. مايهم اني فكرت بدل اضاعة الوقت في البحث وووو الخ ان ابداء مشروعي بحيث افيد نفسي واشغل وقتي وافيد النساء في قريتي..في هذه القريه لايوجد خياطات وانما خياطين رجال لذلك فكرت ان افتح محل نسائي للخياطه بحيث ابداء بخياطه واحده واذا رأيت الاقبال احضرت خياطه اخرى وخطر ببالي ايضا لو اتعامل مع احدى الشركات بحيث اكون مندوبه لهم هناك لادوات التجميل والعطور وبقية منتجاتهم ..اريد رائيك ومشورتك .. بالنسبه للمكان موجود اما المال الموجود حاليا 30 الف ارجو افادتي ونصحي هل ترى هذا المشروع في قرية نائيه لايوجد بها خياطات مشروع ناجح وماذا يلزمني وكم من المال يكفي؟؟؟
تحياتي لك وللجميع

سبحان الله العظيم وأستغفر الله العظيم وأتوب ألية

الله يوفق الجميع