افكار رائعه واكثر ومازالت تدور في ذهني بعض منها واتمني منك المساعده ارغب بفتح كشك وامحل صغييييير اكسسوارات تكون مميزة وحصريا موجوده عندي فقط وانا سمعت ان اخذ التصاميم من المجلات وطبعا المصانع او الشركات في الصين راح تكمل الباقي واتمني يكون عندك تصور كامل عن الفكرة لأن ماعندي خبرة في التجارة ابدا وكم تتوقع يكون راس المال

سلمت ودمت يا ابو خالد وبيض الله وجهك

من ناحية راس مال ههههههههههههههه عز الله طار مع المؤسسة

لكن معلومات جداً قووووية وأفدتني خصوصاً المختبر

الله يعطيك العافية ابو خالد

أبو خالد إستفسار ألحين المؤسسة لازم أستئجر مكان ولا 1800 ريال والسجل يطلع

(يعني بتمشي بدون موقع وخلافه) ولا لازم موقع ولوحة وهالشغلات؟

عارف أنك مشغول إلى راسك يا بوخالد لكن عاد انت مثل أخوانا الكبير

توجهنا يا خوك وتدلنا الله يكتبها لك الرزق والعافية لك ولمن يعز عليك

سلام عليكم
صراحه ماقصرت يابوو خالد

بس صراحه انا علتي عكس إلي قبلي

يعني الوالد عنده مؤسسه تجارة بأسمه وفيها مكاتب
ويمكن مابقى إلا موظفين اثنين

>>يعني السالفه إننا سوينا المؤسسه بس طفرنا المبنى
خذيناه غالي شوي وكان في شخص معنا بس انسحب
وبلشنا بالمؤسسه

وعندنا داخل المؤسسه
مؤسسه دعاية واعلان باسمي
ماشي حالها شوي
يعني ماتجيب الا حق الموظف وراتبه
بس

ابي اعرف
يعني اذا كان الواحد ماعنده الا
اقل من ال 5000 وش يقدر يسوي فيها
عشان يحالو يصلح الوضع والله يعطيك العافية

شكراً للجميع على مرورهم ...
الأخت / jeeny بالتوفيق وتفكير سليم ويطلب منك التحلي بالصبر والبحث عن كل جديد وبسعر مناسب للمستهلكين .
الأخت/ العاطلة المتمردة , فكرة ممتازة وانتي وبصراحة بتكونين خطيررررررة بالتجارة لأنك ركزتي على نقطة مهمة وهي (( التمـــــــــيــــز )) واذا كنتي جادة انا ممكن ادلك على محلات اكسسوارات بالجمله في الامارات وممكن اعطيك عنوان شركة في الصين عندهم منتجات مميزة جداً بس يبي ادور عنوانهم عندي اذا كنتي جادة , بالنسبة لرأس المال للبضاعة فقط ممكن تبدئين بمبلغ ( 10000 ريال ) وكل مازاد يكون افضل , وباقي عليك تحسبين مبلغ ايجار الكشك ( ؟؟؟؟ ريال ) واي استفسار مستعدين .
الأخ/ كاتم العبرات ( الله يستر لاتهللللللللل العبرات وتغرقنا ) , ياحبيبي المعقب ياخذ (1800 ريال) ويخلص لك كل شي وما يحتاج ايجار موقع , واذا تبي رقمه ارسلته لك والله يكتب لك وللجميع التوفيق , وعلى فكرة الزعفران ممكن تشوف احد شركات النقل بدبي وممكن يمشونه لك من الجمارك عن طريق معارفهم (طبعاً يسلكون لبعضهم) .

الاخ / شموخ انسان , ياليت توضح لي بعض التفاصيل على الخاص وعلى قد ماتقدر , يعني ( نشاط المؤسسة الاساسي , وموقعها وين , ومجال الدعايه في ايش بالظبط ............ الخ ) وعل وعسى اقدر افيد ولو بشيء بسيط .
والله يفرج كربة كل مسلم يارب ,,,,

الله يعطيك العافية خوي فتى نجد

أرسل لي رقم المعقب على الخاص

يا غالي

أكتب هذا أولا لطلب المشوره فالذي حدث معي شيئ يدعو للتأمل مالذي يحكم الأمور هل هو النظام فعلا أما أشخاص وحسب أهواءهم حيث أني بدأت التخطيط لأقامت مشروع خاص بي وكلي حماس وكان هذا منذ 10 أشهر وبدات معاناتي في أستخراج التراخيص فالمشروع مركز خدمات طالبه نسائي وصيانة حاسب وبعد حصول على الموافقه من الجهات التي في محافظتي رفعت الأوراق ألى مركز الخدمة الشامل والذي بدوره رفعها الى الوزارة المعنيه بالموافقه على مثل هذه المشاريع وبعد هذا الأنتظار يأتي الرد هذا الأسبوع بأنه لايمكنني فتح المشروع حيث أن النظام يمنع أقامة مشر وع من هذا النوع بأدارة نسائية يعني ( ممنوع للحريم ) ويقولون غيري النشاط أبرك لك ألى الأن نقول الموضوع يمكن يمشي بس العجيب أن صديقه لي فتحت نفس المشروع في منطقه ثانيه بأسمها غير المناطق الثانيه التي قيل لي بوجود مثل هذا المشرو ع بها طبعا ممكن نقول حسب المنطقه لو الرفض كان من البلديه أو المحافظه ولكن الرفض كان من وزاره يعني الجميع المفروض يطبق عليهم نظام الوزاره وأذا كان لكل منطقه وزاره وأنا ماعندي خبر صححوا لي المعلومه
هل النظام يمنع اقامة مثل هذا المشروع ؟ طبعا لم اذكر لكم في بداية الموضوع أني حصلت على القرض لأقامة المشروع من جهه معينة وصديقتي أيضا نفس المشروع نفس جهة الأقراض والمسؤوله عن أستخراج التراخيص ورفض الوزارة لي أنا فقط غير تواجد المشروع في مناطق أخرى الخلاصه
أرجوا منكم المساعده هل النظام يمنع أقامة مثل هذا المشروع للنساء؟
مطلوب مني تغيير مشروعي من جهة الأقراض ؟وليس لدي أي فكره أخرى لأن ميولي لأهذا المشروع ومشغل وغيرها مالي فيها ؟
الخوف يسحبون مني القرض أذا ماتغيير المشروع ؟ واذا كان هناك وسيله لأقامت مشروعي فأرشدوني __________________

مشكور اخوي
فتى
وارسل الموضوع بالتفصيل لك بالخاص

ما شاء الله

يعطيكم العافية على هذا التعاون