كيف تبدأ/ تبدئين مشروع ناجح بـ ( 2000 ) ريال؟؟؟

فتى نجد · #**441** (**permalink**) 17-03-2008, 12:03 AM

اقتباس:

المشاركة الأصلية كتبت بواسطة فتون

المميزه مرحبا ممكن ارد عليك بتجربه شفتها وعايشتها من صغري فكرة فساتين الافراح كانت فكره رائده في حياتي بحكم اني كنت اشوف المعانه في شراء الفساتين واسعارها الخياليه وبعد كم ساعه مايصيرلها الا الذكرى في الصور وشاركت بهذا الموضوع كمشروع في احد الجمعيات في المنطقه لاقى استحسان كبير فكان كاالتالي اولا اخذ ضمان من المستأجره باخذ كرت العائله قبل الفرح حتى تسلم الفستان وتدفع قسط من الإيجاروبعد انهاء المناسبه تاتي بلفستان بعدغسله وكيه هي وبقيةاالمبلغ المستحق ثم يتم تسليمها كرت العائلها طبعا قبلها تكون العروس شايفته ومقايسته وتاخذه صاغ سليم وترجعه بنفس الحاله بضمان كرت العائله يعني صاحب الشأن يسلم وثيقه رسميه بطاقة احوال او اي ضمان يرضيك وجزء من المبلغ واذا سلم الفستان بنفس الحاله ترد الوثيقه لاصحابها بعد دفع مستحقاتك وتحياتي للجميع

شاكر مرورك اخت / فتون , وإضافة مميزة فعلاً , عسا ان ينفع الله بها ..

فتى نجد · #**442** (**permalink**) 17-03-2008, 12:06 AM

اقتباس:

المشاركة الأصلية كتبت بواسطة لا إله الا الله

ممكن تعطوني فكرة عن تجارة التمور ؟؟؟؟
من وين اجيب التمر؟؟
وش طريقة تسويقه؟؟
كم يطلع لي فايده منهاا؟؟ (انا بشغل 15000 تقريبا بالتمور)

وشكرا لكم

ــ التمر له مصدرين مشهورين جدا وهي ( القصيم و الأحساء ).
ــ برأس مالك هذا بتشتغل بدون محل , يعني بيعك بيكون بالتوصيل أو عند المساجد ومناطق التجمعات .
ــ ارباح التمور خياليه وتصل في بعض الاحوال الى 400 و 500 % وطبعاً حسب جودة التمر .

وبالتوفيق إن شاء الله ...

فتى نجد · #**443** (**permalink**) 17-03-2008, 12:12 AM

اقتباس:

المشاركة الأصلية كتبت بواسطة زوج عاطل

شكري كفعلك فانظر في عواقبه تعرف بفعلك ما عندي من الشكر

شاكر ومقدر مرورك والله يكبر فعلي بعمل الخير ليزداد شكرك ..

الاب المحتار · #**444** (**permalink**) 17-03-2008, 05:26 PM

ارك الله فيكم جميعا فعلا هاذى افكار لو قلنا بسيطه
لاكن اغلب الناس غافلين عنها ومثل هاذى العلوم
بمثابة تكاتف الاخوان مع بعظهم والنتيجه انشا الله مربحه لجميع
من يبحث عن اتجاه للبيع والشراء اللى هو غناة المؤمنين
والله يجزا صاحب الفكره والمشاركين عنا كل خير

al-khuraisi · #**445** (**permalink**) 19-03-2008, 04:16 AM

يعطيكم العافيه على هالجهود الجباره وعساكم على القوه ...

أنا توني باديه أشتغل بالبازارات والله يجي منها بإذن الله ( أغراضي إكسسوارات و بلايز و جزم الله يكرمكم ) وودي بعد أوسع المجال لأنه بدى ينتشر ...
كلها شغل يد أنا أدور على التميز :-
* سؤالي هو إستراتجية وضع الأسعار هي الي شوي أنا مني خبيره فيها , فإذا أحد عنده خبره بالموضوع ياليت يفيدني جزاه الله خير ؟
لأن مهما كانت القطعه حلوه الناس ما يرحمون إلا ما يعطونك ميت سبب وسبب عشان يخذونها بأسعر أرخص ...

* وسؤال ثاني البلايز الساده وين ألاقيها بالجمله " الرياض" ؟

متخصصة تمويل · #**446** (**permalink**) 20-03-2008, 06:24 AM

اخي الكريم فتى نجد لم استطع الرد على اسئلتك بالخاص لان اجمال مشاركاتي خمس مشاركات والمطلوب 20 مشاركة لكي اتمكن الارسال بالخاص لذلك لم استطع الاجابة على الاسئلة هنا
احببت ان اخبرك بذلك ولم اجد غير هذا المكان لأخبارك فعذراً !!

الشيخ/حسين · #**447** (**permalink**) 20-03-2008, 10:55 AM

الله يعطيك العافيه أفكار طيبه

بس والله ماذبحنا الا الكسل

عاطله من الشرقيه · #**448** (**permalink**) 26-03-2008, 09:55 PM

السلام عليكم ورحمة الله وبركاته

اخوي فتى نجد

ان من فترة سالتك بخصوص مشروع لكن تراجعت عنه وهو باص لأن الشغله كانت بالمرة معقده

فنصحوني بتجربة التسويق عن طريق النت

لأن اللي قالت لي هي مجربه وتقول الحمدلله جاها دخل كويس

لكن الحين انا لو بغيت استفسر عن الأماكن اللي بسوريا او الصين او اي مكان يبيعون بالجمله
على ااس تطلع علي بسعر رخيص ...

اخوي عندك خلفيه كيف اقدر اتواصل مع هذه الأماكن ...

جزاك الله خير وبارك فيك

فتى نجد · #**449** (**permalink**) 28-03-2008, 08:28 AM

اقتباس:

المشاركة الأصلية كتبت بواسطة الاب المحتار

ارك الله فيكم جميعا فعلا هاذى افكار لو قلنا بسيطه
لاكن اغلب الناس غافلين عنها ومثل هاذى العلوم
بمثابة تكاتف الاخوان مع بعظهم والنتيجه انشا الله مربحه لجميع
من يبحث عن اتجاه للبيع والشراء اللى هو غناة المؤمنين
والله يجزا صاحب الفكره والمشاركين عنا كل خير

شاكرين مرورك والله يكتب للجميع التوفيق والسداد ..

فتى نجد · #**450** (**permalink**) 28-03-2008, 08:38 AM

اقتباس:

المشاركة الأصلية كتبت بواسطة al-khuraisi

يعطيكم العافيه على هالجهود الجباره وعساكم على القوه ...

أنا توني باديه أشتغل بالبازارات والله يجي منها بإذن الله ( أغراضي إكسسوارات و بلايز و جزم الله يكرمكم ) وودي بعد أوسع المجال لأنه بدى ينتشر ...
كلها شغل يد أنا أدور على التميز :-
* سؤالي هو إستراتجية وضع الأسعار هي الي شوي أنا مني خبيره فيها , فإذا أحد عنده خبره بالموضوع ياليت يفيدني جزاه الله خير ؟
لأن مهما كانت القطعه حلوه الناس ما يرحمون إلا ما يعطونك ميت سبب وسبب عشان يخذونها بأسعر أرخص ...

* وسؤال ثاني البلايز الساده وين ألاقيها بالجمله " الرياض" ؟

حياك الله اختي ..

1/ بخصوص الأسعار , بما انك في بداياتك فرأيي إنك تكونين قنوعه بالمكسب البسيط مبدئياً والهدف منه كسب اكبر عدد من العملاء ودعاية لمنتجاتك بنفس الوقت , وعشان تعرفين كم السعر المناسب للبيع هذي اسهل طريقه :
ــ احسبي تكلفة القطعه كم عليك , بالهلله وبالظبط .
ــ بعد كذا شوفي كم ايجار الكشك في البازار , وبينك وبين نفسك حكي رقم تقريبي عن عدد القطع اللي تتوقعين انك تبيعينهم .
ــ في النهاية نقول :
تكلفة القطعه عليك + ايجار الكشك (تقسيم) عدد القطع المتوقع بيعها تقريباً = اجمالي التكلفة تقريباً , بعد كذا حطي نسبة الربح اللي تبينها وخذي احتياطك انك بتظطرين تنزلين شوي مع المكاسر من العملاء .

بالنسبة للبلايز بانواعها تلقينها في سوق البطحاء في الرياض ( سوق الجملة ) للملابس .

وموفقه إن شاء الله , وياليت لو تكتبين لنا عن تجربتك في البازار بعد ما ينتهي ..

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟

تسجيل الدخول

كيف تبدأ/ تبدئين مشروع ناجح بـ ( 2000 ) ريال؟؟؟

قسم مشاريع وأفكار

السلام عليكم... أولاً هذه أول مشاركة لي في المنتدى وأتمنى أن أكون ضيفاً خفيفاً ومفيداً لأخواني وأخواتي أعضاء المنتدى . بالنسبة لطريقة إبتكار المشاريع...

كيف تبدأ/ تبدئين مشروع ناجح بـ ( 2000 ) ريال؟؟؟