أخي فتى نجد لك مني رسالة خاصة ولا رديت علي ما أدري وش المشكلة حفظك الله

السلام عليكم
الله يجزاك خير اخوي " أبو خالد "
متابع لموسوعتك من زمان ، والمفروض
من ادارة المنتدى تغير العنوان لـ " موسوعة المشاريع " : )

في راسي مشروعين ، الاول له فتره وهو يدور براسي
والثاني توه طاري علي من يجي شهر بس ..

الفكرة الاولى او المشروع الاول
وهو عباره عن بيع " هدايا العيد " للاطفال
وهالهديه عبارة عن كيس صغير فيه " بسكوت / حلاو / لعبة صغيرة / ومكن ريال "
ان شاء الله عرفت وش اقصد ؟ .. طبعا الان المصانع تطورت
وقامت تتفنن في الاكياس والكراتين الخاصة بـ هدايا العيد ..
مثلاً تلقى لك كيس على شكل " ثوب " ولا كيس على شكل " شماغ "
ولا كرتون صغير على شكل سيارة " همر " ..
المهم انها اشياء تجذب الناس لها ..

طبعاً رحت لم شارع السويلم في رمضان الماضي
ولقيت هالاكياس اسعارها مرتفعه نوعاً ما .. يعني
الكيس فاضي يكلف حول الـ 3 ريال .. وفيه بـ 5 ريال وسته و ..
وتعبئته من الحلاو والالعاب تكلف ايضاً حول الـ خمسة ريال ان بغينا
شي جيـّد نوعا ما .. يعني اجمالاً [ 10 ] ريال تقريبا

بالنسبه لـ بيعه رحت لم محلات الهدايا ايضاً برمضان وبالعشر الاواخر تحديداً
لقيت انواع أقل من معقوله بـ 10 / 8 ريال .. ولقيت بالصدفة في محلات الصالحيه
للتمور نفس الاكياس بـ 15ريال ..!
والاقبال عليها كبيييييييييييير ، خصوصاً بـ قبل العيد بيوم ويوميييييين

والميزه اخوي بـ هالشي ان الحرمه او الشخص اذا جا بيشتري منك
هالهديه ماراح يشتري " هدية وحده " لا بيشتري اقل شي " 10 هدايا "
ان قلنا ان الهديه بـ 15 .. تصير الحسبه 150 ريال من شخص واحد !!!!
بنسبة ربح صافي [ 50 % ] .. يعني خمسين ريال ! تقريباً

طبعاً تنفيذ هالفكرة اللي براسي هي بيع مثل هالاشياء لكن عن طريق الاعلان بـ الجرايد
والمنتديات على الانترنت .. والتعامل مع محلات الهدايا الموجوده والاسواق الخيريه

وش رايك اخوي بـ هالمشروع وخاصة انه صغير ومايحتاج رأس مال كبير ؟
وهل ممكن القى محلات ارخص من شارع السويلم تبيع مثل هالاشياء ؟
ولو تقدر الله يعافيك تدلني على احد يصنع او يخيط مثل هالاكياس ؟

والله يجزاك عني وعن كل عضو كل خيييييييييييييييير
واسف على الاطاله ، المشروع الثاني لاحقين عليه ولا ودي اتعبك الان : )

اخي الفاضل اشكر لك مجهودك الرائع وأسأل الله ان يفتح لك من ابواب فضله،
وارغب في الإستفاده من خبراتك / اخي الفاضل انا في صدد دراسة لمشروع بيع بعض المنتجات ومنها الثلج المضئ ، والنبته العجيبه ، وفناجين البسكوت ، وكريم اساس شارميل ونحوها ، والفكره تقوم على طباعة كاتلوج بشكل جميل ويوضع فيه سعر المنتجات وصورها ويوضع رقم جوال للطلبات وتوزع في أماكن متفرقه مع توضيح السعر في الكاتلوج ، لذا ارغب في معرفت رأيكم ، واين يمكن ان اجد المنتجات التي ذكرتها ، بسعر الجمله ،،،،،،،،،، سائلا المولى جل وعلا ان يوفقكم لما يحبه ويرضاه ،،، مع العلم ان نسبة 5% من المشروع سيصرف على الأعمال الخيرية لذا ارجوا ممن لديه إجابه ان يوفينا ليشاركنا الاجر

الاخ فتى نجد
بارك الله بك وحبيتى اسأل عن موضوع مركز خدمة الطالب نسائي
1:شروط اسنخراج الرخصة لمزاولة العمل
2:كم رأس المال تتوقع ؟
3:نصائح أخرى والله يجزيك خير
علما أنني من مدينة عرعر (الحدود الشمالية)وهي ارض خصبة للتجارة ولاتوجد بها أي مشاريع تذكر
كما أتمنى من الاخوان والاخوات ان يقيدوننا في اي معلومة وحتى ىمنة يرغب بالمشاركة في مركز خدمات الطالب (نسائي)لا مانع
الله يرزقني ويرزق مني

اانتظر الرد يا عســـــــــــــــــــــــــــــــل

اخوي فتى نجد ابي من هالزعفران الي انت تذكر بدبي كيف اتوصل الى عنوانهم وهل من الممكن اذا طلبت منهم انهم يرسلون لي