حياك اخوي , وأمين ومن يقول إن شاء الله ..
اخي الكريم صدقني صعب اني اوجهك على شغله معينه ولكن اذا في بالك شي ممكن نتناقش فيه وإن شاء الله الجميع ماهم مقصرين معك .

على فكره / بعد هالسيول الي جت جـــده الله يجيرنا واياكم منها , أتوقع فيه سيارات كثير تضررت وراح تمباع بتراب الفلوس للي بيشتريها ويصلحها .... مجرد دغدغه للمخيخ !!!!!!!!!!! وصلت ؟؟

وموفق بإذن الله ,,,

اخوي مجتهد , حياك الله وشاكر مرورك وتعليقك ... ولكن اسمح لي إني اخالف الرأي شوي ;) بما يخص نقطة ( تجنيب مخصصات الايجار ومصروفات المحل لمدة سنتين ) مع إني من أشد أعداء موضوع فتح محل أو معرض .

لكن لاتنسى إنك ممكن بمبلغ عشر الاف ريال وددسن وشوي جهد , ممكن تصفي شهرياً أكثر من ثمان الاف ريال وانت تضحك .... كيف ؟؟؟ ابيك تاخذ جوله بسيطه على الأسواق الشعبيه واللتي تقام خلال يوم معين في الاسبوع زي :
ــ سوق الخميس في مدينة الرس
ــ سوق الخميس في النعيريه
ــ سوق الخميس في خميس مشيط
ــ سوق الخوبه
ــ سوق الثلاثاء في ابها
ــ سوق الجمعه في المذنب
والاسواق هذي مليانه في جميع مدن ومحافظات وقرى المملكة ... لـــــــــكــــــــن وين اللي عنده جلد وصبر .

فيه شخص بدأ بجلب بضاعه معينه قبل حوالي 15 شهر وراس ماله وقتها 6000 ريال وهايلكس 94م غماره , وشجعته والحمد لله اتكل على الله وبدأ يوزع هالبضاعه على الاسواق اللي ذكرتها لك فوق ..... الأن !!!!!!!! الرجل عنده اكثر من خمس دينات كلها من الوكاله بسواقينها ويشتغل براس مال أكثر من مليون ريال مابين أصول وبضاعه .
التجارة في بلدنا ولله الحمد حتى الأن لاتحتاج لرأس مال نهائياً , بل تحتاج إلى عزيمه وإصرار وكفاح وصبر ونـبــاهــــــــــــــــــــــــــــــــــــــــــ ـــــه .... والتوكل على الله , هذا حتى الأن ولكن في المستقبل الله اعلم خصوصاً اذا غزونا الصينين وصار لهم شركات ومكاتب ومستودعات هنا زي ما صار في دبـــي .

والأختلاف في الرأي لايفسد للود قضيه ...

وتحيــــــــــاتـــي .

تسلم حبيبي على التسميه , أجل انت بسميك 3 جــرام :rolleyes: لأنك تستاهل :yaa: والله يكتب لك التوفيق بإذن الله .

اخوي فتى نجد حاولت اتواصل معك عن طريق الرسائل ماقدرت


انا عندي استفسارات حول شراء الزعفران بالجمله مثل ماتفضلت بشرح موضوع عنه من قبل

المهم انا من القصيم وابي اشتري البضاعه من الرياض واقوم بتسويقها بالقصيم علما ان الملبلغ اللي معاي 3000 ريال فقط ياليت ترشدني اخوي للطريقه المناسبه لشراءه وتسويقه عندنا بالصيم


اخيرا كيف اتواصل معك على الموبايل او الا يميل لاستفسارات اخرى


شاكر لك المجهود الطيب االي سويته والله يجزاك الف خير


اخوك /ناصر

السلام عليكم اخوي فتى نجد

انا حابه استفسر عن اقمشة التنجيد من وين تستورد زي اللي عند محلات القثمي والسريع الجديعي وطقتهم هل لهالمصانع المنتجه لهالاقمشة كتالوج او مندوب عندنا بالسعودية لان لو ابي استورد قماش لازم مبلغ جامد .. سوق الجمله يبيعون المتر من 20 الى 70 ريال بس تعرفون درجة الفخامة وسط الى جيد جدا انا ابي اقمشه فخمة النقشه يطلعون منها اكثر من خاكة تمشي معاها من 5 الى 6 نقشات اللي راح للسريع والجديعي والقثمي راح يعرف قصدي انا ادور السعر المناسب ويناسب وضع المجتمع السعودي الفئة المتوسطه مع غلا هالمعيشه الله يرحمنا برحمته ابي خامة ممتازة بسعر جيد

ملاحظه انا افضل كتالوج انقي واختار واشوف عينه قبل لاشري الطاقه لاني ابحث عن التميز بشغلي..بالتوفيق

زي هالاشكال
http://www.marinaking.com//up/21108487520080518.JPG

http://www.marinaking.com//up/21108471820080518.JPG

ممكن ترسل لي الرقم على الخاااااص ضرووووووووووووووووووووووووري............



انتظر ردك...

السلام عليكم ورحمة الله وبركاته ،،
يا اخونا فتى نجد (أبو خالد)
انت بمثابة اخ لنا وكبيرنا وموجهنا ودليلنا للخير لما يحب ربي ويرضاه
الله يجعل كل حرف تكتبه وكل كلمه وتوجيه في ميزان حسناتك
وربي ييسر امورك كلها ويجعل كل صعب ذليل لك بإذن واحد أحد
وكثر الله من امثالك واحسن الله ختامي وختامك وختام جميع المسلمين ... آمين

ودي استشيرك يابوخالد

بكشك كوفي شوب للسيارت مثل اللي بالمحطات
علما أني .. بقدم قرض من صندوق المئوية ورحت لهم وسألتهم واخذت المعلومات عن القرض

بس مدري كم يكلفني وملحقات الكوفي قصدي وش آلاته وديكوراته ووش افضل عماله تصلح للكوفي وكم رواتبهم
ومدري كم اقدر اخذ متر*متر كبدايه وأشياااء كثيييرة وكيف امسك الحسابات
ودي لو تطرحي بعض الافكار .. لأني جديد بالشغله وكيف اسوي دراسة جدوى
السكن في مكة

بصراحة يابو خالد ماني فاهم شي ابد بس اطلب منك ترشدني على الطريق الصحيح بالتجارة وشغلها الله يوفقك دنيا وءاخره انت واهل بيتك اجمعين .. امين

تحياتي لك
أبو يارا

السلام ععليكم ورحمة الله وبركاته

الى اخوي فتى نجد كيفك ان شالله تمام

(آمين )

اولا الله يجزاك الجنه على هاالعمل الخير لارشاد اخوانك واخواتك

الحائرين واقولك كثر الله من اشكالك يالطيب

وجعلك الله من كل ضيق مخرجا

انا عندي حيره وابي فزعتك يالطيب

انا عندي اثنين اطفال وابي أامن لهم مستقبلهم بشغله او مشروع صغير

يكون له دخل ثابت لو بسيط

راس مالي اللي عندي 8000 ولا عندي غيره

حاولت اديره بشي ينفعني واعيالي بس كثير ترددت

لاتها لو غامرت فيها وخسرت اعتبر خسرت الفرصه الوحيده

لتامين مستقبل اعيالي

وابي مشورتك اخوي هل ممكن لمبلغ صغير مثل هذا (8000 يفتح لي مشروع صغير

كثيركلمت اخوي يشوفلي صرفه بس كل ماحاول يرجع يقول انتظري اشوي

وانشالله القى لك مشروع صغير يفيدك

ولما دخلت الموقع قلت مافيه الا فتى نجد يحلها بعد الله

ولك مني كل الاحترام

أختك حلم قيد التحقيق

موضوع راااااااااااااااااااااائع

فتى نجد ياليت ترسل لي ايميلك ع الخاص اذا ممكن ..

عندي استفسارات .. وياليت الاقي ضالتي عندك ..

شكري وودي ..

:)

ايه ايه عرفت قصدك .. المجمع بشكل عام يستهدف طبقة من الوسطى الى العاليه .. ولو حصل زي ماقلت الزباين من نوعية متدنيه افضل حل بستخدمه زيادة الأسعار الى الدبل..

اقتباس:

نصيحتي لك , كـــــل إحتياجاتك جبها من ( الــصـــيــــن ) طاولات بلياردو و فريره واجهزة البلازما وغرف الساونا والاثاث , يعني انا متأكد إن اكثر من 80% من احتياجاتك ممكن توفرها من هناك وبنفس الوقت وبدون مبالغة ممكن توفر اكثر من 40% من التكاليف , من واقع تجربة صديق لي في تجهيز كوفي شوب من الصين .

طيب .. كلام سليم،

لكن كيف طريقة التوريد، ايهما احسن، اروح بنفسي هناك، او اشوف اي مورد ويرسل لي صور من هناك..

وتعرف احد مورد ثقه وخبير؟

اشكرك على هالفكره ... حلووه كتييير .. وبتجذب زبائن،

تسسلم ياغالي، ماانستغني عنك..
وبالافتتاح ان شاء الله ماراح اسمح لك ما تحضر ( وخاصة لو كان بحضور احد الأمراء يلزمك الحضور ابي آخذ آرائك بالترتيبات والأفكار ) ..
إلا اذا عندك مانع او ظرف ..


بسألك .. ليه ماتفعل الرسائل الخاصة ( للاستفسارات اللي ماحد يحب يعرضها هنا بالموضوع ) ؟

حياك اخوي , الزعفران يباع بالجملة بالرياض في سوق المعيقليه بالديرة , وحسب علمي إن النوع المطلوب هو الزعفران المطحون وطبعاً يجي انواع واشكال وانا مالي خبره فيه ولا كان افدتك اكثر .
ولكن كان لي صديق يستورده من دبي وشغال من احسن ما يمكن ماشاء الله عليه , ولا حسب اخر علم عندي ان الجمارك صارو يشددون على فحص الزعفران .
والمعذره على عدم وضع ايميل أو رقم جوال , وأي استفسار انا موجود هنا وبأي وقت .

حياك .. أولاً انا مالي خبرة في هالمجال , ولكن من واقع شوف عيني فانا قابلت كثير في دبي يشترون هالأقمشة ويشحنونها للسعودية وأكثرهم محلات تفصيل المجالس في السعودية , وموقع محلات الجملة المتخصصة في أقمشة المجالس والستائر في دبي هو ( شارع نايف) قرب محلات زينة السيارات والجوالات والشارع معروف ومشهور جداً .
بالنسبة للشراء انصحك في دبي مبدئياً , مع العلم إن الصين بتكون أرخص بكثير جدا جدا جدا ولكن مشكلة هذه النوعية من المنتجات بيلزمك المصنع بكميات كبيرة جداً , ولكن في دبي اتوقع يمكن الشراء بالطاقة الوحدة من كل موديل .

وموفقين بإذن الله .

حياك اخوي حمود , واعذرني اخي الكريم ... أي استفسار انا موجود هنا وابشر بعزك .

حياك , والله يجزاك خير وابرك الساعات .

حياك الله اخوي , وهذا ردي :

ــ التكلفة التقريبة ( من 40 الف إلى 60الف ريال ) من غير الايجار .
ــ حسب علمي اهم التين هم ( ماكينة الكابوتشينو و مكينة الاميركان كوفي ) .
ــ الديكور امره بسيط وحسب الذوق واحرص يكون ملفت , وعموماً غير مكلف .
ــ أفضل وأنظف عماله هم الفلبينيين ولو توفقت بهنود نظيفين يكون ممتاز ورواتبهم بحدود 1000 الى 1200 ريال بالكثير .
ــ بالنسبة للمساحة يكفيك 3 متر في 4 متر .
ــ موضوع الحسابات بسيط جداً وهو بتركيب برنامج محاسبي مع نقطة البيع(ماكينة الكاشير) وهذي بتظبط لك الحسابات كاملة وتسهل عليك عملية الجرد , والشركة الي بيركبون لك البرنامج بيشرحون لك مميزاته .
ــ دراسة الجدوى هذي تعتمد عليك واهم شي تركز على الموقع اللي فيه كثافة حركة أو محطة عليها زحمة وهذي اهم نقطة .
ــ طبعاً بالنسبه للمواد الخام مثل ( القهوه والتوفي والكراميل والشغلات هذي ) فيه شركات تورد هالمنتجات وتشتريها من عندهم بالجملة وبالنسبة للمأكولات ( الكروسون و الدونات والساندوتشات ) هذي فيه مخابز متخخصصين بهالشغلات وبعضهم ممكن يزودك بمنتجاته بشكل يومي وعلى التصريف يعني الي ما ينباع يسحبونه ولا يحسب عليك .
ــ عشان تقدر توصل لمصادر المواد الخام حاول تراقب بعض محلات الكوفي في المحطات وخصوصاً بداية الدوام الصباح وبتشوف سيارات الموزعين اللي تجيهم وتنزل لهم وممكن تاخذ تلفوناتهم من السواقين ... وصلت !!! ؟؟؟

وموفق بإذن الله .

حياك الله اختي , والله يجزاك خير على دعواتك الطيبة .
بالنسبه لمبلغك ... نعم ممكن تبدين فيه بشغل , ولكن يعتمد على امور كثيره مثل في أي مدينة انتي ووش امكانياتك وهل عندك خبره في مجال معين واي توضيح ممكن يقدم .
والجميع هنا بإذن الله مايقصرون .

[align=center]
الله يستر عليك دنيا وءاخره ياابوخالد

بس ماقلتلي المشروع طيب في نظرك .. قصدي مردود مشاريع الكوفي شوب \

والله يبارك فيك وينورلك بصيرتك
وصلت يابوخالد الله لا يحرمنا منك ..

ترانا ما نستغني اذا في اي استفسار برجع اغثك هههههههه ..:yaa: قصدي برجع استشيرك فمثلك لا يستهان برأيه
تحياتي لك
أبو يارا
[/align]

فتى نجد ياليت تدلني على المورديين اللي تعرفهم
والله يجزاك خيييييير

[align=right]السلام عليكم ورحمة الله ،

الله يجزاك خير اخوي ويرفع قدرك دنيا وآخرة
ويسخر لك عبيده القوي والضعيف ..

بغيت استشيرك بشغلتين

1- انا اعمل اكسسوارات وافكر اجيب من مواقع صينية لأني لقيت كم موقع حلوين
بس اللي ابي اعرفه وشلون اصرفها يعني ودي ابيعها على المحلات والاكشاك
بس ودي تفيدني كيف الطريقة اذا ممكن

2- عندي مشروع وحابه اقدم على بنك التسليف يعني اتوقع تكلفته فوق المليون
بس استفساري عن دراسة الجدوى هل فيه جهة تعمل دراسات جدوى باسعار رمزية ؟


وجزاك الله جنات النعيم[/align]

سلام عليكم ورحمه الله وبركاته

بارك الله فيك ياابو خالد وكثر خيرك لما تقدمه من خدمات وتعاون لخوانك وعسى ربي يعطيك على قد نيتك

وتشرف اني من شفت كلامك في هذا المنتدئ قمت بالتسجيل واشكر اداره المنتدئ على تفعيل عضويتي ولهم الاجر ان شاء الله بفتح هذا المنتدئ الذي يساعد على رزق لناس وعوض عنه الاجر لهم بمشئية لله

ابو خالد انا شخص ابحث عن تجاره واشياء كثيره استفدت منها من الكلام والنقاش في هذا الموضوع

ولكن اتمنى منك يابو خالد ترسل ارقام تساعدني في بدايه التجاره مثل رقم معقب اخراج سجل تجاري

ومثل ارقام اشخاص في دبي ومصانع في الصين

والله يعطيك العافيه على كل ماتقدمه وتقبل تحياتي .

بسم الله الرحمن الرحيم

السلام عليكم ورحمه الله وبركاته

عندي مشروع لنقل الطالبات والجامعيات. وانا من المدينه المنوره

واريد ابدأ بسيارتين نقل للطالبات كبدايه

يعني التكاليف راح تكون كم؟؟؟؟

وكيف هتكون دراسه المشروع؟؟؟؟

بس ابغى اعرف ايش المطلوب مني ؟؟؟

وهل يلزمني سجل تجاري؟؟

ويش هي الاماكن اللي لازم اروح لها علشان اخذ السجل التجاري منها ؟؟؟؟؟؟

وابغى اخذ قرض لاني رحت لمركز عبداللطيف جميل ورفضوا بحجه اني امرأه

وشكرا لكم وجزاكم الله كل خير

تحيه عطره فتى نجد ،،

انا قريت جميع المشاركات من اول صفحه الى اخرها تقريباً ... واحب اهنيك على اسلوبك وتعاملك مع الأعضاء
وهذا موب غريب على شخص مثلك واتمنى لك السعاده والتوفيق دنيا وآخره ,,

ندخل في صلب الموضوع طال عمرك :

طبعاً من سكان الرياض ، طموح جداً في مسألة التجارة ولكن خبرتي ( صفر ) والسبب مالقيت توجيه والمجتمع اللي حولي ما يفكرون بشيء اسمه تجارة <--- قصة حياته هههههه ، قبل كم يوم طرا على بالي مشروع مقاولات ودهانات ولقيت لي عامل وبعد كذا طلعت سجل تجاري ( مقاولات ) وبعدها جاست ادرس المشروع وصرت اروح لفروع دهانات ( الجزيرة ) و ( جوتن ) واخذت منهم تسعيرات الدهانات وكل ما يتعلق بها من ادوات ..!!
(( المهم )) جاء زبون وكان يبي دهان وفعلا رحبت فيه بالعربي ( قلطة معه ) وكان يبي دهانات فلفت ، وخيال ، ومكسيكي وقلت عندي دهان .!! واتفقت معه اني راح اوفر له العمال واتصل عليه ... وبعد اتصالي على العامل ( يمني الجنسية ) وقلت له يلله جهز نفسك في زبون يبى دهان وهذا رقمه ... وتفاجأت !!!! من رد العامل (( والله مااقدر اشتغل هذي الشغلات أنا اعرف (( اعتق فقط ) !!!!! جاني احباط !!! وحمدة ربي اني ما استأجرة محل وابدا المؤسسه مع هالعامل !!!!


فتى نجد ،،،

أنا قريت لك رد عن ( المقاولات ، والاشغال الخدمية ) وانك كارها ...!!!؟ بعدها حسيت اني استعجلت في السجل وتمنيت اني مخليه سجل (( تجاره )) لأني انا احب الربح المباشر ( السريع ) يعني بضائع وووووالخ ،،،


بعض الشي عني :

* تمساح صغيرون ( ولد )
* العمر 28 سنه شامله الايجازات الرسمية
* علاقاتي ممتازه
* الوضع المادي من 10- 50 الف
* عندي لغة انجليزيه 75%
* شغلت السفر اتردد فيها ( هذي مشكلتي ) بس اذا جاء الشغل غصب اسافر .
* اسكن بالرياض
* هوايتي جمع الطوابع ههههههه امزح

اتمنى توصلك مشاركتي ولا عليك امر واتمنى ما اكون ثقلة عليك يا عزيزي ...
اتشرف بنصيحتك واضافتي عندك ،، جذبتني فكرة الإستيراد من الصين ، و المفارش والجلابيات من دبي

فتى نجد الله يعطيك العافيه

انا من سكان الرياض واتمنى انك تساعدني بخبرتك الله يوفقك

معي 20000الف ريال ماذا افعل وش تنصحني فيه

بارك الله فيك اخي الكريم
بالتوفيق للجميع

السلام عليكم ورحمهالله وبركاته

ارغب بالتسويق :)

انا من المدينه المنوره

وإذا مافي نصيب في التسويق:(

لو سمحت اذا ماعندك مانع ممكن ارقام المحلات واماكنها:w

وجزاك الله كل خير ان شاءالله

[IMG]file:///C:/Documents%20and%20Settings/لغة%20العصر/My%20Documents/My%20Pictures/downloadiz-SToP.gif[/IMG]

للرفع

اتمنى تمر على مشاركتي ،،

احترامي لك ...

فتى نجد

????????????????????

اخ فتي نجد

ممكن وضع وسيلة اتصال بالخاص لضروره

لان الخاص لا يقبل

دمت بود

جزاك الله خير فتى نجد

وبارك الله فيك وكثر من امثالك
والله يشفي والدتك ويحميها

ويبارك في زوجتك وعيالك
وانشالله عقبال ما تأخذ ام خالد الدكتوراة

وصراحة انا تابعت الموضوع من اوله الى اخره ولذالك لا احتاج الى استفسارات لان كل شئ واضح للي يتابعون الموضوع كامل ..

تحياتي لك.
اخوك : روح الــوطــــنــــيـــــة

يعطيكم العافيه

انا اسكن بالرياض وماعندي خبره معينه

وجد ماادري ودي بشغله توفر لي دخل لو محدود

وتسلم اخوي احترامي لك

عزالله انك سويت لك تاريخ طيب في موقع بطاله يافتي نجد
معلش انا احب اتكلم لغه عاميه
عسا الله يوفقك يوفقنا معاك

الف الف الف شكر لك ومهما شكرتك ماحوفيك حقك رحت لابو احمد وكل شي تمام

الله يجزاك خير وينور دربك ويفرج عليك في الاخرة ويهدي اولادك ويكونوا فخر لك ويسعدك وكل من تحب
في الدارين

حياك , وماشاء الله تبارك الله , اجل كان موضوعكم جــد , وإن شاء الله يكون ابو احمد عن حسن الظن والأختيار .
وامين والله يجزاك خير على دعواتك , وبإنتظار تقريركم عن الرحله وتجاربكم ليستفيد الجميع بإذن الله .

وموفقين بإذن الله ,,, والله الله بالقناعه بالربح المعقول , لأن (( قليل دائم أفضل من كثير متقطع )).

اعتذر للجميع عن تفويت الردود ,,,