|
اقتباس:
الله يعافيك وشاكر مرورك وجزاك الله خير على دعواتك |
اقتباس:
بالنسبه للتكاليف فهي : ــ تذكره 3000 ريال تقريباً ــ فندق 150 الى 250 ريال / الليله - طبعاً فندق محترم ونظيف ومرتب ــ مصاريف تنقلات و اكل وشرب 150 ريال تقريباً / لليوم الواحد طبعاً نتكلم عن مدينة ( ايـــــو ) , وتحتاجون من 7 ايام الى 12 يوم وممكن تخلصون كل شغلكم . بالنسبه للغه ما تحتاجونها , لأنكم المفروض تتفقون مع مكتب هناك بحيث يطلع معكم مترجم ويتكفل هو بــ ( الترجمه + استلام البضاعه + تجهيز كامل اوراق الشحنه + الشحن الى السعودية ) وكل هذا مقابل 3 الى 7 % من اجمالي مبلغ مشترياتكم ياخذها المكتب كأتعاب وطبعاًالمكاتب هذي مليـااااااااااااااااااااااانــه وزي الرز وممكن تبحثون عنهم في النت بتلقون كثير خصوصاً في منتدى العرب المسافرون في قسم الصين . بالنسبه للبضاعة لما توصل هنا في السعودية , تخليصها بسيط جداً جداً جداً وممكن توكلون فيها مكتب تخليص جمركي مقابل 300 ريال ويريحكم , ولاكن تحتاجون سجل تجاري وهذا ممكن تخلصونه في يوم واحد واجراءاته سهله . وموفقين إن شاء الله ,,, |
اقتباس:
الزيوت العطرية اللي في الامارات هذا مصنع كبير , ولا يتعامل إلا بالكميات الكبيرة يعني يتكلم من 50 الف دولار وفوق للطلبيه الواحدة . في السعودية موجود وفي الرياض في سوق المعيقلية ولكن والله ما ادري عن مستوى الجودة ولا اعرف احد ثقه . وبالنسبه لدبي ... ما فهمت وش قصدك ( مصدومه بدبي واسعارها ) ؟؟؟ |
أخي الكريم فتى نجد
أشكرك كثيرا على أقتراحاتك ومعلوماتك البليغة جدا ... بدأت بالعمل على الطلبيات الصغيرة والله وفقني بعد التوكل عليه وبما أن الوضع تحسن في تايلند فأنا ذاهبة بعد عشرة أيام لاختار بضاعات أتخصص بها ولا كن لاأخفى عليك سرا رأيت أسواق الجملة في دبي اسعارهم حلوة كثير للتجار الصغار مثلنا . فيا أعزائي أعضاء المنتدى تعالو نتوكل على الله ونبدأ بالعمل حتى ولو بمبلغ صغير جدا فأنا على استعداد لتقديم كل الخدمات الممكنة والمتاحة في دبي وتوصيلها اليكم. جزاك الله خيرا |
اقتباس:
عقبال ماتسمعون اني بالصين واحمل بضاعة وافتح محل ويهدي زوجي ويقتنع بالفكرة بس تحمست ولازم يقنع لو يطول بس ان شاء الله راح انفذ المحل |
فتى نجد بيض الله وجهك وجزاك الله كل خير عن كل حرف كتبته لخدمه الشباب والشابات
انا عندي استفسار واريد النصح والتوجيه اول شيئ انا في قريه صغيره في نجد وسط الرياض والطايف افكر اني اجيب ملابس نسائيه واطفال من سوق الجمله في جده واعطيها زوجتي وهي تقوم ببيعها على اهل القريه طبعا سيارتي هايلكس غمارتين وكم تتوقع تكلفني البضاعه لاني بااشحن الصندوق كامل وباانوع البضاعه رايك بالموضوع وهل المشروع مربح وخصوصا اني بااخذها من هنا لانني لااسطيع السفر خارج المملكه لقله الماده واش افضل اسواق الجمله الي في جده ولا الرياض وياليت تعطيني معلومات عن اسواق الجمله او شراء دينا واتاجر بالاعلاف ؟؟ |
السلاام عليكم... الله يعطيكـ العاافيهـ اخوي فتى نجد صراحه معلوماات افاادة الجميع اتووقع..
انا ربة بيت وحابه يكوون لي دخل وودي ابدأ مشرووع بـ 2000 إلى 5000 ريال..إذا تقدر تفيدني بخصووص بودرة الزعفراان وإذا عندكـ فكررهـ عن المعموول(الدخون) يعني عن الأغرااض اللي بستخدمهاا لعمله مثل فتات العود........ والأشياء هذي.. وإذا عندكـ فكرة مشرووع تقدر تفيدني فيهاا .. الله يجزااكـ خيير ويجعله في ميزان حسنااتكـ.. وشكراًاً:) |
مشكووووووووووووووووووووووووووووووووووووووووووووووو ووووووور
|
اقتباس:
من بعد أذن "فتى نجد" ممكن أفيدك ببودرة الزعفران والدخون من دبي وبأسعار مناسبة تربحك وحسب النوعية راسليني على الخاص. أما بالنسبة لفكرة المشروع فهذا يبقى مع أخونا الفاضل ليفيدنا مما أفاده الله . |
اقتباس:
حياك اختي الكريمة ... ماشاء الله تبارك الله , اخبار تسر ولله الحمد وتروحون وترجعون بالسلامة إن شاء الله والله يكتب لنا ولكم وللجميع التوفيق والنجاح . اسواق الجملة في دبــــــــــــي فرصة حقيقيه وكنز مدفون لمن يقيم في الامارات ويصدر للسعودية وياليت تهتمون في هذا الموضوع ويكون جدي , بس يحتاج صبر وطولت بال ومع الوقت بتكسبين خبرة وتتسهل عليك امور كثيرة . |
اقتباس:
صحيح , بالنسبة للإمارات كمعيشة ومصاريف يوميه !!!! تعتبر غالية مقارنةً بالسعودية , ولكن كبضائع وتجارة بالجملة تعتبر ارخص من السعودية بكثير لعدة أسباب ومن اهمها : إن التجارة في دبي مفتوحة وحرة مما جعل دبي ملتقى للتجارة العالمية ( للبائع و المشتري ) وذلك لسهولة الدخول لها لجميع الجنسيات بدون أي تعقيد مما ترتب عليه إفتتاح فروع ومنافذ بيع لعدد كبير جداً من المصنعين سواءً في الصين أو الهند أو دول الغرب وأغلب دول العالم , يعني بالنهاية تشتري من محل في دبي بسعر مقارب لسعر المصنع في الصين والسبب ؟؟ لأن المحل هذا اللي في دبي هو فرع للمصنع اللي في الصين أو الهند أو أي دوله . الله ييسر لكم امركم ويكتب لكم الصالح بإذن الله , وإن شاء الله تروحون وترجعون بالسلامة والبضاعة , ولكن فيه نقطة مهمه وهي ( ماله أي لزوم لفتح محل نهائياً .. ليش الخساير ) المفروض يكون شغلكم بالجملة وما تحتاجون إلا غرفه للتخزين فقط وتبيعون للمحلات وتريحون انفسكم من المصاريف والالتزامات . |
يعطيك العافية
|
اقتباس:
ووجهك إن شاء الله , وامين وجميع بإذن الله ... اخوي جلاد الصبر ... انت جيت في الصميم بالظبط ومشروعك هذا خطيرررررر وناجح يقووووووه بحيل اللي ما تنام عينه وانا اقولك اتكل على الله واجزم بس وتذكر كلام ابو خالد (فتى نجد) ويشهدون علي كل الأعضاء هنا , لأن كل عوامل النجاح متوفره عندك وهي ( توفر سيارة النقل + سكنك في موقع استراتيجي + وجود زوجتك كداعم معك + توفر العزيمه والإصرار + القناعه بالربح المعقول في البداية ) . ولكن اخوي قبل ما أجاوبك وعشان تقدر تمشي بشغله زي هذي , لازم تركز على شغلتين في شخصيتك : ــ تكون وسيع صدر وحليم وطويل بال وتحمل فلسفة العالم (المشترين) وأي كلمه ما تعجبك ردها بابتسامه . ــ بتلقا حرب ما تتخيلها من منافسينك (خصوصاً الأجانب) ولكن خلك أذكا واكسبهم بصفك وتعلم منهم أفضل من عداوتهم . الحين نبدا بزبدة الموضوع , وبجاوبك بشكل نقاط : 1/ اسواق الجملة للملابس في الرياض موجودة في ( سوق البطحاء قرب مواقف المرقب + سوق التعمير قرب سوق المعيقلية وامارة الرياض ) , ولكن اتوقع إن جدة افضلك لأن اكيد السعر بيفرق معك بحدود 15 % الى 25 % تقريباً واعذرني لأني ما اعرف اسواق الجملة في جدة بس اذكر فيه ( عماير الباشا + باب مكة في جدة ) وفيه أعضاء في المنتدى من اهل جدة ماراح يقصرون معك وانا متأكد 100 % . 2/ بالنسبة لتكلفة شراء ملابس للنساء والاطفال وتكون مشكله ومنوعه , وتعبي صندوق الهايلكس بحدود ( 3000 الى 5000 ريال تقريباً ) . 3/ البيع عندك طريقتين ممكن تشتغلهن بنفس الوقت وهي ( البيع بالمفرق + البيع بالجملة ) : ــ البيع بالمفرق : ـ بمساعدة زوجتك ببيع الملابس على الجيران والمعارف من اهل القرية . ـ تركب شد قماش تنزاني ( قويه صح هههههههه ) على صندوق الهايلكس وتعبي البضاعه فيه وتبحث عن الاسواق الشعبيه بالديار اللي حولك مثل ( الدوادمي , عفيف , القويعيه , الحصاة , حلبان , الشعره , ومليان ديار حولك ما اذكرها الأن ) واذا وصلت السوق تبسط ببضاعتك وتبيع للناس مباشره . ــ البيع بالجملة : ـ طبعاً اذا رحت للأسواق الشعبيه بالديار اللي حولك , لازم تبدا تسوق بضاعتك بالجمله على اهل المحلات والبسطات هناك وخصوصاً انك بتلقا اكثرهم سعوديين إما رجال أو حريم عجز يترزقن الله , وهذولا هم المكسب الحقيقي لك وركز على المكسب الحقيقي لك !!!!! ولكن خلك قنوع بمكسب بسيط بحيث تكون انت ارخص من الموزعين الاجانب اللي يبعون لهم بالجمله , يعني مثلاً ( انت شريت درزن من جدة بمبلغ 100 ريال وجيت للسوق ولقيت الموزعين الاجانب يبيعونه للعجز بمبلغ 150 ريال , هنا انت اعرضه على العجز بمبلغ 130 ريال مثلاً ) طبعاً المكسب قليل وما يسوى ... صح ؟؟؟ انا اقولك ليه , لأن الهدف هنا ماهب الحين !!!! الهدف اني ابيك بعد شهرين أو ثلاثه بالكثير تصير تستورد انت بنفسك هالملابس من دبـــــــــي ووقتها بتكتشف إن الدرزن اللي كنت تشتريه من جده بمبلغ 100 ريال صرت ا تشتريه من دبـــي بمبلغ 70 ريال , ومع الوقت بتصير من اكبر الموزعين والموردين في طريق الحجاز ... وما ادراك ما طريق الحجاز ( وانت ادرى مني بعدد المدن والهجر والقرى اللي في طريق الحجاز يعني عد واغلط ) . ـ بعد ما تصير تستورد من دبـــــي مباشرةً , وقتها كبر المخدة وحط رجل على رجل وبتكتشف إن كل الموزعين الأجانب اللي كانو حاقدين عليك ويكرهونك يبوسون الرجلين والأيادي عشان اتفضل واتكرم عليهم وتعطيهم من بضاعتك ويصيرون يشتغلون عندك ولحسابك وما عليك إلا تورد لهم البضايع وهم اللي يصرفونها على الناس ولا تستغرب ولا تعجب لو قلت لك لو مشيت انت على هالطريقة بتلقا دخلك بعد اربع أو خمس شهور بحدود ( 20 الف إلى 30 الف ريال ) صافي في جيبك وتزود مع الوقت بعد , طبعاً بعد توفيق الله . وزي ما قلت لك بداية الموضوع كل احتياجات المشروع متوفره عندك وما يبقالك إلا شي واح ( شنطة العزبه ومكوناتها : دافور + سكر + شاهي + قهوه + هيل + بريق شاهي + دلة تفويح قهوه + تميرات + ) وانا متأكد انها موجودة عندك اصلاً هههههههههههههههههههههههههههههههههه . اخوي / جــــلاد الصبر , هالكلام لك ولكل الشباب , ترا هذا هو الرزق والشغل الحقيقي في بلدنا , ورب البيت الكريم الشغله هذي ممكن تخليك تشتري بيت في وسط الرياض خلال سنه وحده بس , فرجاء خاص اخوي اتكل على الله وخلك صاااااااااااااااااااااااااااااااااااااااامـــــل الله يرحم والديك . اعذروني على الاطاله ولكن جلاد الصبر جا على الجرح ... وهذا الشغل اللي تشققت احبالي الصوتيه من سنين وانا انصح الشباب فيه ولكن ماش , ما جا الصامل . (( بخصوص شغل الاعلاف , أرجو المعذرة لأني غير مطلع على مثل هالمواضيع واستميحك العذر ياخيي )) ... ودعواتي لك يا جلاد الصبر بالتوفيق وسعة الرزق , وأي خدمة أو أي استفسار أنا حاضر بأي وقت ولو تبي بنص الليل ابشر بطيبة الخاطر ولا يردك الا لسانك وانا اخوك . تحياتي ابـو خــالــــد ,,, |
اقتباس:
|
اقتباس:
بالعكس وابرك ساعه , لأن هذا هو الهدف الرئيسي للموضوع وهي التعاون والمشاركة بين الأعضاء , والله يكتب لكم التوفيق بإذنه تعالى . |
اقتباس:
الله يعافيك وشرفتنا ... |
من كثر كلامك عن دبي نفسي اروح دبي واكتشف بس متى يجي اليوم وارح
وش رايك بلاش الصين واجيب المضيئات والالعاب من دبي مادام فيها كل شكل مادم تمدح التجارة عندهم وحتى تجار الصين هناك ولا وش رايك ومع الالعاب راح اصلح خمريات للشعر عطور وبخاخ للكنب وانا الان اطمح لدراسة كيفية الخلط على ايدي ماهرين ان شاء الله اتقن الصنعة بس نفسي اتعلم للبخور والدخون كيف والا اخذها من دبي جاهزة وابيعها وش رايك بس بالنسبة لتوسقها البخور والخمريات واحطها بمحل والا كيف وهل فية محلات تتقبل اني احط البضاعة عندي معليش اتحملنا بس نسال لان الصراحة التجارة بحر والله يرزقك من واسع فضلة ويرزقك بر ابناءك فيك وبرك في والديك اللهم امين |
شكرا ولله الحمد
اقتباس:
والله خجلتني بالرد يأخي الكريم وفعلا أنت كريم بما عنيته باركك اللــــــــه. وبالمناسبة أنا مسافرة الى تايلند (بانكوك) يوم السبت القادم 15/5/2010 واللي يريد يستفسر عن بضاعة يراسلني على الخاص لأعـرف أذواق المشترين وطلباتهم ((( ساعدوني جزاكم اللـه)) ولا تنساني يأخي ابو خالد بالمساعدة. |
السلام عليكم اخي فتى نجدصرفت نظر عن الصيدليه وجزاك الله خير فعلا مداخله كثيره والا ن انا عندي فكره وهي افتتاح محل نظارات في الطايف في شارع تجاري ولكن سبق وقلت لك انا موظفه حكوميه واريد افتتاح المحل باسم امي فماهي جدوى المشروع باختصار ومبلغ المحل وامي عمرها55 سنه هل يمكن فتح سجل باسمها وماعندي احد غيرها افتح باسمه ماعندي لااخوان ولااخوات ولا اثق في احد (لايلدغ مؤمن من جحرامرتين) ولكن الملحل بيكون تحت اشراف وكيل له نسبه عشرين في الميه بماذا تنصحني اخي عندي مبلغ 50000الف والله تعبت لين جمعتها وخايفه تطير عليه مره ثانيه وضحلي الضمانات بارك الله فيك وجعلها في ميزان حسناتك
|
اقتباس:
اختي الكريمة ... دبي مدينة ممتازة لبدء التجارة برأس مال بسيط وفيها فرص ممتازه وفيها خير للجاد واللي يدور رزقه , ولكن بنفس الوقت مو كل شي موجود في دبي يعني مو كل المصانع اللي في الصين عندهم محلات في دبي ولا كان غرقت دبي :y , عشان كذا بالنسبه للمضيئات والشغلات هذي انا ماعندي خبر عن توفرها في دبي أو عن اسعارها ولا وين تمباع ولكن انصحك بالتواصل مع الأخت ( تـفـاهــم ) وهي عضوه في المنتدى هنا ولها كم موضوع في المتصفح هذا لأنها من اهل الامارات ( وأهل مكه ادرا بشعابها ) وممكن ترسلين لها صور للمضيئات اللي تبينها وهي تبحث لك عنها وعن اسعارها في دبي , وانتي طبعاً تكونين عارفه اسعارها في السعودية , وقتها لما تقارنين بين اسعارها في السعودية واسعار الجمله في دبي ... تقدرين تقررين من وين تشترينها !!! هل من دبــــــي أو من الـصــــين ؟؟ بالنسبه للخمريات ( مع اني ما ادري وشي ولكن حسيت انها تستخدم لتعطير الشعر الظاهر ) والبخور والشغلات هذي , دبـــــــــــــــي من اكبر المدن في الخليج المشهوره ببيع المواد الخام اللي تدخل في تصنيعها , هذا حسب ما شفت بنفسي من تجار يشتغلون هالشغلات وبرضو الأخت الكريمة ( تفـــاهــــم ) أكيد بتفيدك بالموضوع . بالنسبه للمحلات عندنا بالسعودية , أغلبهم ماعندهم مشكله يعني ممكن يعرض لك بضاعتك عنده في المحل مقابل عموله ياخذها على كل بيعه . رأيــــــي ... في البداية ركزو على مجال واحد ( يعني شغل المضيئات مثلاً ) ابدؤا فيه وبعد فتره توسعو في الشغل شوي شوي . مجرد رأي قابل للصواب أو الخطأ . وموفقين بإذن الله ,,, |
اقتباس:
حياك ااختي الكريمه , وتروحون وترجعون بحفظ الله ورعايته . تايلند مشهوره جداً بشغله ممتازه وعليها طلب قوي وارباحها عاليه جداً جداً جداً وهــي ( المواد الخام المستخدمه بتجهيز الهدايا ) مثل ورق تغليف علب الهدايا و علب الهدايا بموديلات روعه وبرضو بشغلات هدايا المواليد و الأعراس وكل شي يحتاجه أي محل تغليف هدايا , القــصـد ركزو عليها وحاولو تبحثون بهالموضوع بتجميع كاتالوجات واسعار , وإذا ما اشتغلتو فيها الأن ممكن مستقبلاً تحتاجونها . وموفقين بإذن الله ,,, |
مارديت عليه اخوي فتى نجد انتظر ردك
|
بصراحه تحمست مرره انا عاطل توني متخرج من الثانويه وكل اصحابي وكل ما اقابل احد يقولي روح اشتغل
مع خالك خالي وش شغلته { مقاول وعنده موئسسات يعني بقعد اقول عنده وعنده الين بكره ما شاء الله } والله ودي اشتغل معه وافتحلي مكتب وحتى خيلاني الثانين يقلولي روح روح فك لك سجيل تجاري ان شاء الله يكون لك رزق والله ماني عارف من وين ابدا مع اني احب التجاره . تكفون ساعدوني من وين ابدا كل ما افكر اسوي شي اقول بعدين بعدين بعدين واقول اذا توظفت . |
روح التعاون
اقتباس:
وأنت يأخت (محتاجة دعائكم) أبعثي لي صورة المضيئات والالعاب المطلوبة وأنا أفتش عنها هنا وأعطيك التفاصيل التي تساعدك في مشوارك، وفقك الله |
اقتباس:
واشكرك على النصايح وروحك المرحه وان شاء الله اني ببدا بالشغل بعد ماحمستني ووجهتني :rolleyes: اخوك ابو منال |
اقتباس:
اجل ستميه الف بسطه كلها لهنود وباكستانيين والسعوديين عاطلين باطلين مو شي يغث بالله |
توكل على الله وأنطلق
اقتباس:
ومن ناحيتي أدعمك بكل المعلومات اللي تبغاها من دبي بعد ما تضع الركائز في أسواقك المستهدفة في السعودية وتكون تاجر ممول . وفقكم اللـه |
اقتباس:
اتمنى توجيه الاخ بالنصح انا رائي يااحمد تفتح لك مكتب عقار واداراه املاك بما ان خالك عنده مؤسسه |
اقتباس:
ومشكور على الدعم المعنوي بالتوفيق للجميع:w |
سلام على كل من في المنتدى .......................... وزايــــــريــــــــها ضروفي صعب احكيــــــها ........................ولا ودي أكثر من شكاويــــــــها إلا لرب الكون وباريـــــــــها ........................لكـــن ودي أقووول كلمتِ فيــها عندي ألفين لي سنه أحوّش فيــــها .........................كل يوم أفكر وش اسوي فـــيها قآلو ليْ أحــــسن إستثمريهآ ........................قلت بـــــس ألفــــــين طفــســـه مآتوكل حتـــــى راعيـــها ......................قآلو مآتدرين يمكن الله يبارك فيهآ قلت يآنآس ألنفس مآهيْ قآدره .........................تخـــــــــــــطــيْ خطـآويــهـــــآ كل مآفكرت فيْ شيْ جآ من يخرب عليهآ ........................أشيآء كثيـــره أبــدع فيــــــــــــهآ ومشآريـــــع كثيـره تدور فـــيْ رآسيْ ........................ لكـــــن ميـــــــن أعطـــــــــيهآ وتردنـي أمور كثـــيره عشآن أسويهآ ......................وأليوم قريـــت فيْ منتدآكـــــــــم مشروع بآلفـــــــــين نبتـــديهآ .................... وجآتكـم كحيآنه مسرعـه بخطآويهآ عليهآ بمشروع من البيت تبتديهـآ ......................تشتريْ وتبيع وهيْ جآلسـه على كرسيهآ وهذي أول مشآركـه أشآرك فيهآ ......................عسآي ألآقــــيْ وجـه من مشــــآركيهآ قلمــــيْ |
السلام عليكم ورحمة الله وبركاته
رائع هذا التعاون بينكم اسال المولى ان يجعله في موازين حسناتكم انا حابة اشتغل بصراحه وادخل في جو المبيعات لقول رسولنا صلى الله عليه وسلم جعل ثلث رزقكم في التجارة وانا احب المكياجات وكل مايختص به وابغى اخت تفاهم تساعدني الله يجزاك خير اذا ماعليك كلافه ابغى ترسلين علي بضايع من عندكم وارسلك مبلغ قبل وان شاء الله يرزقني على ايدك ياليت تردين علي اختي ضروري والله اني جادة ابغى احسن من معيشتنا وعوافي عليكم |
اقتباس:
حياك الله أختي الفاضلة وأنا على استعداد للتعاون معك والمساعدة، أرسلت ايميلي على الخاص راجعيه .... تحياتي |
السلام عليكم اختي تفاهم
جزاك الله خير ودي اسال عن الزعفران المطحون والطرح النسائيه |
اقتباس:
ــ نعم تقدرين تصدرين سجل تجاري بإسم امك وهذي افضل وأضمن طريقة . ــ بالنسبه لجدوى محل النظارت , فيه مقوله تقول ( الإنسان عدو ما يجهل ) وانا حقيقتاً أجهل تماماً في هذا المجال ولا اعرف احد يشتغل فيه ولا كان سئلت وشفت الوضع .. المعذرة . ــ طبعاً بما إنك فكرتي بفتح محل نظارات فأكيد ان عندك خلفيه عن الموضوع ولكن السؤال : هل خلفيتك بالموضوع من خبره وتجربه منك ولا من كلام عامل اجنبي واقنعك بالمشروع ؟؟ إذا كان من كلام عامل اجنبي , فهل العامل بيشتغل معك ؟ وهل بيدفع معك في المحل ؟ ــ الوكيل من هو بالظبط ؟ وما هو دوره في الإدارة ؟ وهل لديه خبره في نفس المجال ؟ انتظر الإجابه على تساؤلاتي لأتمكن من الرد عليك ... |
اقتباس:
حياك اخوي .. رأيـــــي , لاتفتح مكتب ولاهم يحزنون ... البس ثوبك وطق شماغك وميل عقالك والبس ***رياتك ودوووووووووووووس لخالك , وعطه حبة راس مع حبة خشم وقله ( ياخال داخل على الله ثم عليك ) واطلبه انك تشتغل عنده موظف , بعد كذا فتح مخك وركز بوظيفتك عند خالك وصدقني الخال والد وما راح يبخل عليك بأي معلومه من خبرته , وبعد كم شهر اذا حسيت انك تمكنت واخذة خبره في المقاولات هنــــا ..... اقولك افتح مكتب واشتغل لحالك , لكن الحين لأ لأ لأ لأ . وموفق بإذن الله ,,, |
اقتباس:
طبعاً ما يخدم بخيل , ولازم تحسبين نسبه لك من قيمة المشتريات ولكن تكون معقوله عشان الكل يستفيد بإذن الله . |
اقتباس:
تموووووووووووووون يابو منال , ومحلك وتعزم عليه . |
اقتباس:
ممكن تبدين تكتبين قصائد زفات و تخرج :Looking: :Looking: :Looking: !!! ممكن ليش لأ , وبرضو ممكن تقرأين الموضوع من البدايه وتلقين اللي يفيدك بإذن الله . |
ممكن ليش لا
في المستقبل ان شاء الله:rolleyes: على العموم مشكوووووور:w الله يجعلهافي موازين حسناتك :z :z:z:z |
السلام عليكم ورحمة الله وبركاته
الى الأخ فتى نجد نفع الله بك وزادك فضلا ودي اسأل عن مشروع ابو ريالين وكل الي املكه عشرة الاف ريال واعرف الممولين للاواني المنزليه |
| الساعة الآن 05:02 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين