موضوع رائع
سجلت من اجله
شكرا لك اخي فتى نجد ...

لو سمحت انا حابه فكره الزعفران وكذلك مفارش الطاولات والخداديات من كشمير وارغب بالتسويق للمفارش ... كيف التواصل معك..

يا اخوان من لديه رقم الجوال الخاص ل فتى نجد يرسله لي خاص والله يحفظم
او حتى ايميله

انا في جدة من فين ممكن اشتري من اسواق الجملة
مواقعها واماكنها ياريت تفيدني

السلام عليكم ورحمة الله وبركاته ...

الله يحيي كل(ن) باسمه وكل عام وانتم بخير وسلامه والله يتقبل منا ومنكم صالح الأعمال , وشاكر للجميع مروركم الكريم ودعواتكم واعتذر لعدم تمكني من الرد على إستفساراتكم خلال الفترة الماضيه ( لأن كان فيه فاصل إعلاني حشااااااااااا فاصل صعايده ذا ) .

عموماً منكم العذر إن شاء الله ونرجع لتواصلنا وتبادل الأفكار بيننا والله يكتب للجميع التوفيق .

اخوكم / فتى نجد ( ابو خالد ) ,,,

بدايةً .. ودي اسئل سؤال أتوقع ممكن يفيد ناس كثير بعد التفكير فيه والبحث , سؤال يدعو للتأمل ومراجعة النفس قبل الدخول والخوض في مضمار الـــــتــــــجــــــــــارة وعالمها الكبير المتشعب .
السؤال هــو :

ــ هــــــل التجارة من وجهة نظرك مـــوهـبــة ولا مــهــارة ؟؟

بانتظار أرائكم ووجهة نظركم ,,,

[align=center]
بصراحه...
احس ان التجاره موهبه....

ومع الممارسه والخوض بالتجاره
تجتمع الموهبه مع المهاره بفن التسويق والتصريف
وتبدأ خطوات النجاح:tsfiq:
[/align]

اخوي فتى نجد ممكن ترسل لي رقم جوالك الله يجزاك خير

اخي فتى نجد جزاك الله خير ....


ممكن تدلني على محلات الجمله بالرياض الخاصه بالجلابيات والعبايات والطرح والبراقع..

واكون لك من الشاكرين....

الله يجزاك خير اخوي ويسعدك يارب
ابي ابدا بمشروع زعفران من وين اجيب الاصلي يقوولون ابو شيبه ماهوب الاصلي فدلني الله يوفقك ويسعدك يااارب

شاكر للجميع مروركم وأرائكم ,,,

حياك اخوي .. والمعذره لأني ما اعطي احد رقم جوالي أو ايميلي , وأي خدمه انا مستعد بإذن الله هنا في هذا المتصفح , وارجو المعذره .

حياك اخوي .. محلات الجمله للجلابيات موجودين في البطحاء وتحديداً جمب مواقف المرقب بتلقاهم مجتمعين في مبنى لونه ابيض ( جنوب الحله - وشرق مواقف المرقب ) وعلى ما اعتقد بتلقا عندهم العبايات والطرح .

وموفق بإذن الله ,,,

المعذره والله مالي خبره في الزعفران , ولكن كنت اعرف اشخاص يستوردونه من الامارات عشان كذا كتبة عن الزعفران هنا .

اشكرك فتى نجد على المشاريع الخطيرة
>>باادخل بالموضوع عطول
بس اقولك انا عندي ذحين مبلغ بسيط بحدود 1000ريال وعجبتني فكرة البسطات
وكمان عندي موقع تجاري بالنت >>ماسوت في شي كرت جديد لسى
حابه استفيد بس ماني عارفه منوين ابدأ
وللمعلوميه كل ماابدأ بشي القى معارضات من الاهل بمشاريعي الجهنميه ههههه
وكلها ورق لسى ماصارت هالمشاريع
ونفسي احد يجيب لي مشروع ماراح القى معارضه وبحدود هالمبلغ كمان هع
خلاص ثقلت عليكم >>براااااااااااااااا ولايكثر
دمتم تجاررررر يارب

اختي الكريمة , ممكن تستفيدين من موقعك لتسويق منتجات للغير , يعني تتفقين مع تجار وتاجرات النت لتسويق بضائعهم بنسبه تتفقون عليها .

وموفقين بإذن الله ,,,

السلام عليكم ورحمة الله وبركاته

اخوي فتى نجد بما انك موجه تجاري ياليت تنصحني ،، انا ابي استورد من دبي من اسواق الجمله او سوق التنين

ماهي ارخض وافضل الاسواق هناك ؟

لكن هل فيه شي معين تنصحني اجيبه انا افكر اذا لقيت اي شي يخص السيارات ان شاء الله اجيبه

وماهي افضل طرق التسويق ؟

راس المال من 10 ال 20 الف تجربه او اقل من كذا بعد "افكر اجيب عينات واشوف اكثر طلب" لكن ما استغني عن اي نصيحه

هذا موضوعي للاستفسار عن الاستيراد https://www.btalah.com/t229758.html

اخوي فتى نجد الله يجزاك خير شنو رايك بفكرة شراء تريله وتاجيرها على شركه هل فيها مكسب واذا تعرف معلومات عن الموضوع ياليت تقول وكم تكلف ومشكور مقدما

وفقك الله لكل خير

أسأل الله أن يجعل ما قدمت في ميزان حسناتك

محمد العجمي ( ابن اخي ) حياك الله ,,,

اول شي : سوق التنين انسه وشله من بالك نهائياً لأنه أكبر كذبه على وجه الأرض , طبعاً أول ما بدو الشغل كانت اسعارهم رخيصه لكن بعد فتره تلكعو الصينيين وعرفو دبرة ربعنا العرب وصارو يضربون بالأسعار الحين .

بما انك شاب , فتوجهك ممتاز بإذن الله بخصوص اكسسوارات السيارات وممكن تركز على الأجهزه الالكترونيه مثل ( مسجلات السيارات خصوصاً ابو شاشه ويركب على الكامري والاوريون ومن هالشغلات و ممكن تشوف الشاشات اللي تركب في سقف السياره للسيارات العائليه ) طبعاً هي انواع وماركات كثيره جدا جدا لكن وين الأفضل والأرخص ؟؟ ما ادري !!! والحل انك تلف بالسوق هنا وتسئل عن هالأجهزه وتسوي دراسه ميدانيه سريعه لمدة اسبوع ( على اساس انك زبون تبي تشتري لسيارتك ) وتسمع من كل المحلات وبعد كذا تسوي مقارنه بين الأجهزه وتكون طلعت بنتيجة ممتازه عن السلبيات وا لإجابيات , بعد كذا تتوجه لدبي وتبدأ البحث وانت عندك خبره جيده أفضل من انك تروح بدون أي خلفيه عن هالمنتجات .

طبعاً هالأجهزه تلقاها في ( شارع نايف ) والشارع هذا ينقسم نصين ( يعني وانت جاي من فندق حياة ويكون الفندق بظهرك بتلقا على يمينك كل ما يخص السيارات وعلى يسارات كل ما يخص الجوالات ) .

بشكل عام , دبي فيها رزق طيب بس تبي بحث هنا وهناك , وموفق بإذن الله ,,,

حياك اختي الكريمة ... المعذره انا ما اقدر اشغل فلوس احد , ولكن حاولي تقرين الموضوع ولعلك تلقين شين يفيدك بإذن الله .

حياك .. والله ماعندي الخبرة الكافيه , ولكن مما سمعت من بعض المعارف اللي دخلو هالمجال جديد إن كثير منهم تورطو لعدم الخبره في هالمجال من الصيانه والتشييك على السياره واللعب عليهم وكانت خسائرهم كبيره .
ولكن اذا كان عندك سواق للتريله تحت كفالتك وعقدك مع الشركه يلزمهم بساعات عمل محدده اتوقع ممتاز , لأن بعض الشركات يستأجرون التريله ويشغلونها 24 ساعه وبعد كم شهر يرمونها وهي ما تسوا 1000 ريال !!! انتبه وراجع العقد مع الشركه .

امين واجمعين إن شاء الله , والله يجزاك خير .

مراحب اخوي
عندك فكره عن الذهب الفرنسي وين ينباع
وعندي روحه لدبي لول مره
ودي اجيب معاي بضاعه بشنو تنصحني
عطورات او شنط او اكسسوارات
وكيف السكن بدبي شلون الاسعار

الاخ فتى نجد ابوخالد . قرات الموضوع اول رد إلى آخر رد واستغرقني ذلك يومان وعلى اني تاجر والحمدلله ولدي خبره طويله ولكنني لا اخفيك سراً ان جميع ردودك لاتقل اهميتها عن المهمة جدا لأي شخص مهما كانت خبرته..
جزاك الله خير الجزاء على هذه الجهود الطيبة .

تعجبت من ربعنا وكسلهم الشديد ولومهم الدائم على من حولهم ومحاولاتك المستميتة في دفعهم للتجارة والربح الذي لن ينتفع منه سواهم ولم تطلب منهم نسبه ولامعروفا .لقد تعلمت في حياتي ان الفاشل يبحث عما حوله ليلصق به فشله والناجح يبحث عما حوله ليبني به نجاحه.

تعلمت ايضا ان الناجح لاينتظر احد ليبادر . الناجح يبادر بصمت . وكذلك الفاشل يملئ الكون ضجيجا وهو لايبارح مكانه . لقد قيل سابقا ان العربة الفارغة هي الاكثر ضجيجا على الطريق .
A noisy wagon is an empty one.

اخوي فتى نجد اسعد الله اوقاتك بكل خير اخوي,


يالغالي , مدري يمكن كلامي شوي غريب او يمكن تحس ان مشاركتي مكانها غلط , وانا قريت اغلب الموضوع ,

بس ابيك تفهم شي قبل لا تقرا كلامي, انا مو جاي اشكي لك الحال ,
ابيك توجهني بصفتك اكبر مني وفاهم بالحياه وبالتجاره ,


يالغالي ,

انا طالب , بجامعة بالرياض ,

جاي من الجنوب ,

وهذي اول سنة لي , بتخصص هندسة وهذا حلمي واحمد ربي اني انقبلت في هالتخصص ,

المشكلة ي خوك , ان انا جيت الرياض , وكل اللي املكه ملابسي , وجوالي , شماغي ,

و السسكن حق الجامعة الله يهديهم لحتى الان م فتحو وطالبين مبلغ وقدره ,

انا ابي اي اقتراح او مشروع بدون راس مال او اي شي , لان ما معي والله شي ,

بس م يكون دوام , لان انا فترة وقتي بالجامعه من ا6الفجر الى 3 واحيانا الى 5 العصر ,

فـ وش رآيك انت اسسوي اقترح علي ,

طبعا الوضع اللي انا فيه , لظروف خاصصه ,عشان الاحراج , واعذرني اني م قلته

وزي م قلت اني طالب هندسة , وودي بعد 5 سنوات ان ربي يسر امري اطلع مهندس وافتخر بنفسي, بس مع هالوضع م اظن اقدر

ان كان عندك راي لي , خير وبركه

وان م عندك شي ادع لي ان ربي ييسر امووري ,

المعذره والله ما عندي أي خلفيه عن الذهب الفرنسي , واتوقع الشنط والإكسسوارات أفضل من دبي , والسكن في دبي بتحصل من 250 ريال وانت طالع ولك الخيار .

اخوي / راشد , حياك الله وشرفني مرورك العطر ... وما نقدمه كلنا في هالمنتدى هو حق وواجب علينا وليس لنا فيه منه , وبإذن الله خلال السنوات القادمه بنشوف جيل متعاون وناجح زي ما نشوف الحضارم .

اخي الكريم جزاك الله الف خير على شهامتك التي تبرز من ثنايا حروفك / وسعة صدرك...الله يديمها عليك نعمة....

اخي الكريم بالنسبة لي لا تعيني افكار المشاريع ولا السفر لكن لا افقه شىء بادارة البزنس مثال

فتحت في فترة ما محل صغير لبيع الملابس بالمواسم كان ارادة لا يقل عن 3000ريال باليوم الواحد لكن سكرته لان الوظفة سرقتني وحقيقة ماعرف ادبر هالامور فما الحل علما انننى كثييرا ما استوضح فدلوني على برنامج للحسابات تسجل فيه كل قطعه وسعرها طيب هالبرنامج وين وكم تكلف برمجته للكبيوتر وماشابه

السلام عليكم
هذه اول مشاركه لي ومسجله لاني لي اسبوع وانا اقرا هالقسم بصراحه الاخ فتى نجد ماقصرت كفيت ووفيت زرعت بنفسي الامل ان الدنيا لسى بخير وودي يااخوي انك تساعدني انا من الشرقيه واشتركت بجمعيه وبئذن الله بيطلع سهمي 2000 تقريبا وش تنصحني ابدأ فيه لاتبخل على اختك فقد بخل عليها الدهر................

افضل برنامج هو ( ســمـــاك ) وتلقاه عند بحر العرب وتحفظ فيه كل بضاعتك ولكن لازم تسجل فيها المبيعات بشكل يومي عشان نهاية المدة تقدر تعرف وش اللي امباع ووش اللي باقي في المستودع أو المحل .
بالنسبه للموظفه المتبع من كثير من المؤسسات والمحلات هو لابد من وجود كفيل غارم ( رجل ) يكفل الموظفه ويكون هو قبيلك في حالة أي سرقه أو نقص , وطبعاً لازم الموظفه توقع لك على كشف يحتوي على كل تفاصيل البضاعه اللي هي استلمتها منك أول بأول .

وموفق بإذن الله ,,,

ناصح...بارك الله فيك ورزقك

وحقك علينا ان نشكرك

المشكلة في اي مشروع مو تامين بضااعة تامين زباااااااااين الواحد يقدر يجيب بضاعة المشكلة لوجاب شوي مابيكون فيه ربح يستحق الذكر ولو جاب وايد يخاف يطيح بكبده وماحد يشتريه

بس الناس الي كاسبة زبااين تقدر تبيع

هلا اخواني
لاتنسوني من اقتراحاتكم انا بالشرقيه ورأس المال 2000 ريال
اذا احد عنده فكرة حلوة او مشروع صغيرون يقول والله يجزاه كل خير

اختى لو فكنت ابدا معاك اجيب بضاعه من دبي ابيعها عليك وانتى تصرفينها بالشرقية وش رااايك

حياك الله اختي ... بالنسبه لطلبك ياليت لو تقرين الموضوع من بدايته بتلقين بإذن الله اللي تدورين عليه , وأيضاً شوفي عرض الأخ / عز القصيد عسى الله يكتب بينكم التعاون المثمر للطرفين .

الله يعافيك وشرفني مرورك , وياليتك بالرياض عشان نلمع مواترنا عندك ... صراحة باين ماشاء الله من إعلانك إن شغلكم مرتب وتمنياتي لك بالتوفيق .

أمين وياك إن شاء الله , والله يطولي بعمرك اخوي / عبدالله وما عليك زود ومجهودك ملحوظ جعلها الله بموازين أعمالك .