الحرس الوطني إستفسارات ونقاشات 1438هـ

BOLD · #**561** (**permalink**) 13-07-2017, 02:31 PM

اقتباس:

المشاركة الأصلية كتبت بواسطة نصيحه مني

انصحك بقوه وراح تدعي لي مستقبلا راتب بين 8000 و 9000 اول مربوط وبعد ماتاخذ دوره يعطونك الصنف شهادتك الحاسب مع صنف الكتيبه او المكان الي تعينت فيه قبل دوره يصير عندك صنفين يوصل راتبك فوق 10 ادخلها وانت مغمض انا وكيل رقيب فيها واخوياي رقباء وحتى لو عطوك وكيل رقيب انت كسبان بدال بطاله

هل فيه رقباء جامعيين وصلوا لرتب الضباط فالمستقبل قبل التقاعد من خلال اللي تشوفهم بالعمل ..
يعني اللي بدا برتبة وكيل رقيب دبلوم او رقيب جامعي بعد 15 او 20 سنة وين وصلت رتبهم ؟

وهل الجامعي غالباً يعمل اداري ؟

X787880x · #**562** (**permalink**) 13-07-2017, 07:19 PM

ياخوان انا الكشف عندي بالرياض يوم الاثنين 23
تكفون الي اختبرو قبلنا عادي البس عدسات مايفحص العين

ahmad11 · #**563** (**permalink**) 13-07-2017, 07:57 PM

سلمت اوراقي يوم 21\8 وماجاني رد الا الان
بعدين شهادتي كلية تقنية حاسب الي واعطوني عريف ؟ هل يعني قطاع غربي
لان اغلب الي بالوسطى والشرقي كلية تقنية , وكيل رقيب .
وهل تعين مباشر او دورة وبعدين تعيين
الي عندهم علم لايبخل علينا ياحلوين .

X787880x · #**564** (**permalink**) 13-07-2017, 09:04 PM

اقتباس:

المشاركة الأصلية كتبت بواسطة X787880x

ياخوان انا الكشف عندي بالرياض يوم الاثنين 23
تكفون الي اختبرو قبلنا عادي البس عدسات مايفحص العين

عطونا العلم يرجال

specialF16 · #**565** (**permalink**) 13-07-2017, 09:06 PM

اقتباس:

المشاركة الأصلية كتبت بواسطة ahmad11

سلمت اوراقي يوم 21\8 وماجاني رد الا الان
بعدين شهادتي كلية تقنية حاسب الي واعطوني عريف ؟ هل يعني قطاع غربي
لان اغلب الي بالوسطى والشرقي كلية تقنية , وكيل رقيب .
وهل تعين مباشر او دورة وبعدين تعيين
الي عندهم علم لايبخل علينا ياحلوين .

انا مثلك الوسطى ومسلم اوراقي وانتظر 15/8/1438

الي مسلم اوراقه بشهر 8 وجاه اتصال او رساله يعطينا خبر

نصيحه مني · #**566** (**permalink**) 14-07-2017, 12:22 AM

اقتباس:

المشاركة الأصلية كتبت بواسطة BOLD

هل فيه رقباء جامعيين وصلوا لرتب الضباط فالمستقبل قبل التقاعد من خلال اللي تشوفهم بالعمل ..
يعني اللي بدا برتبة وكيل رقيب دبلوم او رقيب جامعي بعد 15 او 20 سنة وين وصلت رتبهم ؟

وهل الجامعي غالباً يعمل اداري ؟

اكيد فيه جامعيين وصلوا ضباط لكن حسب الكتيبه الي انت فيها هل ترقيات فيها ماشيه ولالا بعضها موقفه ارقام ترقيات تطول بعضهم 10 سنوات نفس رتبه لان القسم فيه اداريين اقدم منك وهم احق منك بالترقيات ومافي ارقام ترقيه لكن تقدر تترقاء بسرعه بالكتيبه المناسبه الي ارقام ترقياتها متوفره والتخصص المناسب
الجامعيين مخير بالتخصص بعد دوره فرد الاساس ويطلب التحاق اداري او اي تخصص هو يرغب فيه حسب مؤهلاته الدراسيه

مشاري بن عبدالله · #**567** (**permalink**) 14-07-2017, 01:32 AM

سلام عليكم ورحمه الله وبركاته

وصلتني رساله اليوم قبول نهائي موعدي يوم الاثنين 23 بالزي الرياضي وحلاقه الراس رقم 1 و ان شاءالله اعلمكم وش يصير معي بعد مارجع منهم

Fahad011 · #**568** (**permalink**) 14-07-2017, 04:07 AM

اقتباس:

المشاركة الأصلية كتبت بواسطة نصيحه مني

سلام عليكم

معكم وكيل رقيب بالحرس الوطني القطاع الشرقي

انا مريت بحالتكم وكنت باوقات جهل واساله براسي واستفسارات مالها اجوبه
وانا هنا للرد ع استفساراتكم عن الحرس الوطني بالقطاع الشرقي فقط لان هذا القطاع الي اباشر فيه العمل وتم تعييني وعندي خبره كثيره وبالتوفيق احب لاخيك كما تحب لنفسك وما اطلب منكم غير الدعاء لي جزاكم الله خير عسى الله يفرج لي من عنده
الي عنده استفسار يقتبس رسالتي ويكتب سواله عن قطاع شرقي فقط بالتوفيق

يا خوي أنا توني مقدم قبل اسبوع وتخصصي هندسة صناعية وحطيت رغبتي الاولى القطاع الشرقي سؤالي هل في مهندسين هناك مقبوليين وكيف اجراءات القبول في القطاع الشرقي

تغيير 62 · #**569** (**permalink**) 14-07-2017, 04:46 AM

اقتباس:

المشاركة الأصلية كتبت بواسطة نصيحه مني

سلام عليكم

معكم وكيل رقيب بالحرس الوطني القطاع الشرقي

انا مريت بحالتكم وكنت باوقات جهل واساله براسي واستفسارات مالها اجوبه
وانا هنا للرد ع استفساراتكم عن الحرس الوطني بالقطاع الشرقي فقط لان هذا القطاع الي اباشر فيه العمل وتم تعييني وعندي خبره كثيره وبالتوفيق احب لاخيك كما تحب لنفسك وما اطلب منكم غير الدعاء لي جزاكم الله خير عسى الله يفرج لي من عنده
الي عنده استفسار يقتبس رسالتي ويكتب سواله عن قطاع شرقي فقط بالتوفيق

وعليكم سلام
انا معي دبلوم كلية التقنية (محاسبة) وعندي حاسب 6 شهور

انا قدمت على القطاع الشرقي بس حبيت استفسر اللي عندهم دبلوم وش رتبة فيه الناس متعينه عريف وغيرهم وكيل رقيب؟

كم راتب تقريبا عريف ووكيل رقيب؟