السلام عليكم ورحمة الله وبركاته

اخواني الكرام لزم نوقف وقفه وحده يد بيد احنا درسنا وتعبنا واخر شي التقديمات كلها للثانويه ( جندي ) ..

لزم نعمل هاشتاق نطالب صراحه احنا اصحاب البكالوريوس والدبلوم كذا ماتوكلنا عيشش لزم نعمل هاشتاق لعلى وعسى يتم فتح التقديم الجاي في الامن العام على رتب ربي يسعدكم شباب نبي وقفه وحده مانبي نسكت صراحه اقدم على جندي بالثانويه وادرس واتعب واخر شي شهاده اصور معه ..

ليش كذا من اول طيب يغيرون بالانظمه
ولا مع ذالك التقديمات على الطواري من الشروط العمر اقل 24 وجنود بكل منطقه على الاقل افتحو تقديم على الرتب مدام من الشروط للثانويه العمر 24


ربي يوفقكم الكل يشارك نبي التسجيل على رتب والله شي يقهررر ...!!

ايه والله شي يقهر درسنا جامعة واخرتها لاعسكرية ولامدنية وش الظلم هذا نبي نسوي هاشناق ونطالب بحقوقنا ذبحتنا العطالة والقهر حسبي الله ونعم الوكيل على من تسبب في ظلمنا وقف التوظيف شي يقهر. كل سنه نقول السنه الجاية افظل والعكس صحيح من اسوى الى اسوى شي يقهر سنتين عاطل ولا فتح رتب ولا شي وين نروح ����âک¹ï¸ڈ

جامعة حتى الجيش يرفضون اضم صوتي لصوتكم بكالوريوس ماحصلنا شي

اربع سنين عاطل وسبب عطالتي اذا فتحوا تقديم بالمدنيه ويبون دبلوم يطلبون تخصص غير تخصصي والعسكريه نفس الشيء اما يفتحون جنود ولا يطلبون تخصصات معينه

والقطاع الخاص حدث ولا حرج يبون خبره اقل شيء خمس سنين ماتدري كيف نجيب خبره ومحد يبي يوظفنا

المشكلة الاعظم اللي صايره الان هي شرط ان يكون متخرج قبل اربع سنوات او خمس هذا الشرط بيخلينا شياب وحنا ماتوظفنا

والله ماراح يخدم وطنا غير عياله وحنا متأملين خير بحكومتنا اللي ضخت مليارات لتعليمنا عشان نخدم بلدنا لكن للاسف هناك مسؤولين مايبون السعودي يخدم وطنه يبون بلدنا يصير طول عمره مرهون للاجانب وتصير دولتنا جمعية خيريه للاجانب وابن البلد في حريقه

املنا في الله ثم في ملكنا وولي العهد الله يحفظهم

بس مشكلتنا ماحد يعمل هاشتاق ويكون متفاعل على الاقل نبي وقفه شباب والله ماهي حاله

أنا مثلكم معي الجامعة إنتساب مدري وين أروح كل شي ثانوي

من جد كل شي للثانوي والله يوفقهم يارب لكن نبي مثلهم
زمان قبل نجيب الجامعه كان كل شي يبي هالشهاده بكالوريوس وكانت الثنويه ما توكلك عيش
الان يوم جبناها صار العكس محد يبينا
الله كريم

قسم بالله يارجال اصحابي اللي معهم ثانوي اغلبهم الان موظفين واللي معه دبلوم وبكالوريوس كثير منهم عاطلين مدري وش السالفه

فيه تقديم باذن الله قريب امن عام رتب

وان شاء الله صحيح الخبر و بداية التقديم يوم الثلاثاء القادم ان شاء الله

يا اخوان اللي يعرف كيف اعدل على بياناتي ؟ لان معي شهادة بضيفها