السلام عليكم

ابغى اضيف بنتي معي في الضمان
لكن عندي استفسارات :

اولا سمعت بإنه لا استطيع التقديم الا عن طريق اثبات اعاله .. هل أستطيع عمل توكيل عام لأحد أقاربي لكي يصدر لي صك الإعاله من المحكمه .. أو يلزم حضوري شخصيا .. ؟

ثانيا : هل اذا تم تفعيل برنامج حساب المواطن يستطيع اب البنت الإستفادة من اسمها .. أو بمجرد اصدار صك الإعاله لا يستطيع اضافتها مع الأشخاص المعيل لهم .. ؟

ثالثا : هل اصدار صك الإعاله والذي بموجبه اثبت بأني أنا المعيله لأبنتي .. يحرمني من المطالبه بنفقة ابنتي .. لأن سمعت محاميه ذكرت : بإنه عند اصدار الأم لصك إعاله .. فهي بذلك تثبت نفقتها على ابنتها وبموجب هذا الإقرار فهي لا تستطيع المطالبه بنفقة ابنائها .. لأنها اثبتت اعالتها لهم وبذلك يسقط حق ابنائها بالنفقه .. هل فعلا اصدار صك الإعاله يلغي نفقة الأب على ابنائه ؟

رابعا : انا بالنسبه لي افضل ان اطالب بالنفقه .. خصوصا بإن الاب لم يصرف على الطفله منذ ولادتها وعمرها الان 5 سنوات ..
لكن سبب سكوتي عن النفقه خوفا من أن يأخذها عندما تبلغ 7 سنوات .. وبنفس الوقت الأب ليس لديه سوابق دينيه او اخلاقيه لكن ابنتي تعتبر يتيمه فهو لم يراها ابدا وهي لا تعرفه وهو ابيها بالاسم فقط ..
ف اخاف بأن اخسر ابنتي مع العلم بأن مصلحتها عندي .. ارجو ذكر تجاربكم .. .. وتقديم النصائح لي ..
ارحب بأي ام على الواتس اب لتبادل الخبرات حيث التواصل هنا صعب نوعا ما ..

صباح الخير اختي الفاضله انا نفس وضعك بالضبط وعندي صك أعاله ونفس ماقلتي في السابق البنت لاتخافين ماراح يقدر ياخذها لا في عمر ظ§سنوات او اكثر روحي المحكمه وهم يعطونك صك حضانه وصك الاعاله تقدرين تقدمين لها في الضمان ويصرفون لها ع انها من الأسر المهجوره

حرام عليك ساكته خمسه سنين روحي ارفعي عليه قضيه وقوي قلبك لا تخافين بنتك لك مايقدر ياخذها وطالبي بحق الخمسه سنين كلها والله تاخذينها كلها واذا دخلتيها روضه احسبي حق الروضه وطالبي فيه
لا تتنازلين عن شي
وبعدين تقولين ماعليه سوابق اصلا اكبر سابقه عليه غيابه عن بنته وعدم نفقته عليها
والله لو سمعتي كيف هيئة النظر تكلموا على طليقي لما قلتلهم انه اربع سنوات ماصرفهم

انتي في البدايه خلي احد يكلمه بالطيب اذا وافق كان بها واذا ماوافق ارفعي عليه قضيه ولا تخافين

انا اللي سمعته ان النظام تغير وصارت البنت مثل الولد يعني يخيرونها بين أمها وابوها
بس انتي لازم تتأكدين من هالشيء وانصحك تروحين بنفسك للمحكمة وتقابلين الشيخ وتستفسرين منه عن الافضل لك ولبنتك
ومايحتاج تسوين وكاله لأحد انا رحت المحكمة بنفسي وشفتها مليانه حريم والوضع عادي جدا
بس الأهم من مسألة النفقة ليه البنت تنحرم من ابوها وهو حي ؟!
ليه تعيش بإحساس اليتيمة وابوها موجود ؟!
الافضل لها ولمصلحتها انه يكون فيه تواصل بينها وبين ابوها يعني يزورها كل فترة وفتره ويكلمها بالتليفون وتصير تعرف ان هذا ابوها
فإذا هو انسان محترم و واعي خلي أحد من الرجال يكلمه ويتفاهم معه على هالنقطة أما اذا قربه لكم بيسوي مشاكل فأتركوه على حاله
أما بالنسبه للنفقه فمانصحك تطالبينه فيها في الوقت الحالي بالذات اذا مشى لها راتب من الضمان
اخاف لو طالبتي بالنفقه ودفعها وصار عمر البنت سبع سنين اخذها منك
لكن لو تركتيها تتراكم بتصير مبلغ كبير ولو طالبك ساعتها بالبنت انتي بتطالبينه بالنفقه ويمكن يتنازل عن البنت عشان بس مايدفع هالمبلغ
ومثل ماقلت لك افضل شيء روحي المحكمة بنفسك وكلمي الشيخ واستفسري
والله يوفقك ومايحرمك من ضناك

هذا اللي ضيع الحريم اخاف واخاف يابنتي تغير الوضع ذحين
اذا انتي ماتزوجتي بنتك عندك مايقدر ياخذها لو يموت

انا اخذت حضانة بنتي وعمرها تسع سنوات واخذت نفقتها هي واخوها واخذت حق اربع سنين ما انفق عليهم

كنت اروح المحكمه بنفسي وطليقي كلن يجي هو والمحامي حقه وماقدروا يغيرون شي

رفع اربع مرات قضيه حضانه وما اخذها لاني ماتزوجت اخر مره كان عمرها 13سنه

توكلي ع الله وخلي احد يكلمه بالطيب اذا جا بالطيب اهلا وسهلا واذا ماجا

اللي مايربونه اهله تربيه الحكومه