السلام عليكم..
موضوع جميل وجاي في وقته
للأسف الي جالس يصير كله غلط وماعندنا رؤيه واضحه في ظل توجه الدولة لرؤيه ظ¢ظ*ظ£ظ*
حاليا الي جالس يصير يضر المشاريع الصغيرة والمتوسطه والهدف منها حسب الرؤيه خلق اقتصاد عالمي جديد في السعودية بس للأسف الي نشوفه تعقيد حياه المواطن وتضيق على مصادر الدخل ولا نشاهد هذا التضيق على ملاك العقارات الي يأجرون بمبالغ فلكيه وهو نايم ياخذ الامول ليش ماتفرض عليه التعقيدات والرسوم والضرائب انا من وجهه نظري عدم المجازفه اللن برأس مالك وانا عن نفسي طلعت فلوس للاستثمار الخارجي وماعندي استعداد للمجازفه في قرارات تخبطيه غير مدروسه وليش ماننظر للدول الي كل حاجه فيها ابداعيه وتعطي التسهيلات للصغير قبل الكبير وليس تضيق الخناق على اصحاب المدخرات البسيطه نجي ونرجعهم للفقر لأن ذلك له انعكاسات اقتصاديه كبيره راح تدفع ثمنها الدوله يفترض تلتفت لسكن المواطن وتخفيض الايجارات وتخيفف حده تضخم العمله الريال في الوقت الحالي صار ضعيف ويحزن اتمنى يكون المستقبل افضل

الذي يكسب بالمرحلة القادمة هو من يخسر أقل...
لا اتشائم ولكنه واقع نزول المبيعات ثلثين وفق تقاريرتجارية
الاولى عدم خوض مضمار التجارة الذي أصبح ماؤها غورا بعد أن كان معين زلال...
التوقف حتى تظهر التشريعات الجديدة من قبل جهات الاختصاص الحكومية وتكون حسبت حسبتك على اساسها مع ان الرؤية غير واضحة والاحداث متسارعة.
حظ موفق

طيب وش الحل نبي نفتح مشاريع يعني كم نصبر؟

للاسف الرؤيا غير واضحه ولا تدعو للتفاؤل حتى اني اعتقد سنرجع لزمن السبعينات والله اعلم الشيء الجميل انو بيرجع الترابط الاجتماعي لان مراح يكون حتى تاخذ لك جوال ذكي او انترنت والله اعلم

بالعكس حاليا أشوف البعض للآن يشتغل خاص ويطلع مدخول أكثر من السابق
ولكن نحتاج لفكر وطريقة ماهي المشاريع التي تربحك بدون خسارة

واللي يبي نصيحتي يشتغل ع التجارة الإلكترونية فيها من الخير التي لا يعلمها أو ممكن غافلين عنها فقط

كوني وسيط لشراء من المواقع الإلكترونية

ع حسب أحيانا أطلع باليوم واحيانا بالشهر وتقريبا آخر مرة 300 ريال أستفدت لشراء جوال لشخص كان يريده

وكان سعره بالسوق عندنا 2650 ريال ووبعته له بـ 2400 ريال مع العلم لما شريته من موقعهم الرسمي كان 2100

المقصد من كلامي ليه أحنا نقفلها بينما في مجال

أعطيكم مثال آخر

أحيانا أشتغل تأمين مركبات طبعا كون الوقت ضيق عندي مافي مجال أروح هنا وهناك

آخر مرة سويت تأمين للمركبات طلعت مبلغ 3000 في يوم ومرة ثانيا 1750 ريال ومرة ثالثة 200 ريال

يعني ع حسب شغلي

حاليا جالس أدرس ذا الفكرة ليه ما أفرغ نفسي لها كونها في مدخول ولكني محتاج يكون أسمي بالتأمينات علشان ما يضيع علي السنوات

من الآخر أعطيكم يوجد مشاريع بدون رأس مال ولكن نحتاج لفكر فقط لاغير وتعب من البداية

للمعلومية لدي مشروع كبير ومتأكد من نجاحه مليون بالمئة ولكن محتاج لمول للفكر ولي عمولتي

لأنه أكثر من مرة أطرح الفكرة وتنسرق وياريت اذا أحد عنده جهات مختصة بحفظ الحقوق يدلني عليها وله عمولته اذا طبقت

وبالتوفيق للجميع

اعتقد ان افضل مشروع الان هو فول وتميس ( صدق بدون مزح )