السلام عليكم ورحمة الله وبركاته

انا ارسلت امس تقرير لابني من البيت وسبق وقالي المنتصربالله الله يجزاه خير اذا مانتي عارفه ارسليه عن طريق الحكومه الالكترونيه ولاني طفشت من الروحه والرده والمرمطه والشحططه حاولت فيه لغاية ماانرسل .. اليوم قبل الظهر ارسلوا تم الرفض ولاكن ماكتبوا اي سبب
بصراحه انا استخلفت الله وقلت الحمدلله على كل حال واللهم اخلفني خيرا منها ولاكن حبيت اقولكم اللي حصل معي يمكن سبق وصار مع غيري ومن استشار ماخاب
وللمعلوميه سبق وقالت لي موظفه انهم الغوا عيوب النطق وضعف السمع يبون اصم وابكم والغوا البهاق والغوا التوحد والتوحد لازم يكون معه تخلف عقلي وهو ثلاث درجات
تخلف عقلي شديد
تخلف عقلي متوسط
تخلف عقلي بسيط
ومرضى القلب الكفاءه اقل من 40
وفيه حاجات ثانيه ذكرتها بس نسيتها والله يعني من الاخر
ماراح يخلون الااللي حالتهم ميؤس من حالهم الله يعافيهم ويشفيهم ولايحوجهم لاحد لان العافيه اغلى من كل شي
وجزاكم الله كل خير

مرحبا
عفوا ايش اعاقه ابنك

بعض الاعاقات اللي ذكرتها اذا قديمه تمشي لكن الجديد اكيد الغوا بعضها

بس اعاقة ابنك ايش وهل جديد عليها؟

بعض الامراض تحتاج مصاريف وعلاجات ان شاءالله مايلغونها يكفي المعاناه بحد ذاتها
ومكتوب بالخطاب الامراض اللي فيها تحديث
الله ييسر الامور

لسه ما جات مرحلة ايقاف الاعانه اعتقد عندك مشكلة بالتقرير اتصلي عليهم الاحد واستفسري ان شاءالله يعطونك السبب

الرقم 19911 تحويله 2 بعدين 3

ابني تسجيله قديم من خمس سنوات تقريبا واعاقته عيوب بالنطق والدكتوره تقول عنده سمات من التوحد ومطلوب منه اربع جلسات بالشهر وتكلف 1000 ريال شهريا لاكن شنقول غير حسبي الله ونعم الوكيل والمشكله انها 2000 كل ست شهور

خلي عندك امل لسه تاريخ استبعاد الاعانات واسقاطها باقي عليه شهرين انتي اتصلي عليهم وشوفي وش يقولون لك

الله يبشرك بالخير والله حطيت عندي امل والامل بالله سبحانه

الله يوفقك اتصلي عليهم واستفسري لا تنسين

الا على فكره الايقونه اللي على جنب مكتوب عليها ارفاق التقرير انا يوم ارسلت اللون فيها مخفي بمعنى رصاصي فاضي وعنده نجمه حمراء كذا صح ولاغلط

صحيح شغلك مضبوط