السلام عليكم

انتظرت الرساله انتظرت ماجاني شي وامس دخلت موقع حساب المواطن ولقيت اني غير مسجله وطلب مني اكمل بياناتي
وش المشكلة بعدم تسجيلي انا استلم ضمان ؟ وماسجلوني مع العالم!!

والمشكلة اني عجزت اسجل نفسي لان الخيارات اللي تتوافق مع حالتي كاتبين سيطلب منك وثائق رسميه وانا من وين لي وثائق رسميه
فتاه مهجورة من والدها منذ الصغر والاب الان مشلول وراتبه يصرفونه زوجته وابناءه الاخرين وانا محرومه
والسكن اسكن بين اخوتي كل فتره عند واحد من وين اجيب صك ملكيه او فاتورة كهرب او عقد اجار !!

وحالت ابوي مااقدر اجيب اثبات بوضعه الصحي وانه غير قادر اوراقه مع زوجته وعياله ولايمكن يعطوني

لكى الله والله يفرج كربك ويسهل كل صعب !!

بس تطنمى انتى مسجله ومو شرط تجيك رساله أصلا دخولك هو في شهر 6 عشان لو بغيتى تحدثين ولا شى حساب المواطنى على كل حال لا تشغلين بالك وتاكدى انك مسجله

روضه التنهات كيف مسجله وانا دخلت بنفسي للموقع وقال لم يتم تسجيلك من قبل اكمل الخطوات التاليه وكملت معه بس بعضها ماقدرت اكملها وطلعت

افتحي حسابك حق تحديث الضمان الي كانو طالبين فيه قبل فتره الاي بان

حتلاقي رساله فوق باليسار انك ملتحقه بحساب المواطن تلقائيا

انا تو كنت بسجل بنتي يقول لم تسجل ولمن كتبت بياناتها رفض النظام لان عمرها اقل من المسموح

بس لمن دخلت علي بياناتها لقيتها متسجله دايركت

اتمني اكون افدتك

دورا كيف ادخل على تحديث ملفي انا ماحدثت الضمان فرع الضمان رحت لهم وحدثوا لي وش السوات

بصراحة لماقرات موضوع الاخت تغيير انها لم تسجل رحت بوابة حساب المواطن حابة اتأكد اني مسجلة صحيح قبل جاتني رسالتين اني سجلت في الحساب ولكن من باب التأكد والفضاوة اخترت انشاء حساب جديد وكتبت بياناتي ولما اخترت ارسال اوتأكيد كتب لي عزيزي مستفيد الضمان لقد تم تسجيلك ووووالخ يعني من المفترض اختنا تغيير يجيها مثل ماجاني اذا سجلوها الضمان في حساب المواطن اوربماتكون تابعة مع بطاقة والدتها لذلك لم تأتيها رسالة والله اعلم

اي يااختي ماجاني زيك مدري وش السبب بعدم تسجيلي
لاغير تابعه لوالدتي ووالدي هاجرني ومسجله بالضمان بالهجر والسنه ذي برمضان يصير عمري نظامي استحق الضمان بدون اي اثباتات رسميه لما يصير عمري 35 بعد كم شهر

خربتي علي يااختي دخلت بشوف مثل ماقلتي بردك الاول قبل اقراء الثاني
دخلت وكملت معلوماتي وضغطت تسجيل وتم ولم يقل انت مسجل من قبل الضمان
😢😢😢😢
الحين لو ارسلو يبون وثائق رسميه عن وضع الوالد وفواتير بااسمي وعقد اجار من وين لي الله المستعان ياليتني ماسجلت وارسلت الطلب 💔💔💔💔💔

كيف خربت عليك مافهمت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
الله يسامحك لان أنا ذكرت تجربتي هل يعتبر خراب ؟؟؟
وثانيا اتصلي واسالي لان راح يبان لدى الموظف اذا تم تسجيلك من قبل الضمان اولا
واذا أخبرك ان تم تسجيلك من قبل الضمان الحمدلله واذا قال لم يتم تسجيلك من قبل الضمان عندك خيارين
الاول تسألي الموظف اوتخبري باانك من مستفيدات الضمان لماذا لم يسجل اسمك
الثاني :تروحي الضمان وتسأليهم لماذا لم يتم ادراج اسمك في حساب المواطن واذا الموظفة قالت ماادري روحي عند المديرة واستفسري لأن عندهم بيانات جميع مستفيدي الضمان
وثاثا قبل الخيارين اعملي الخطوات اللي قالتها العضوة في الصفحة الاولى
واذا منك مقتنعة بكلامي انتظري أهل الخبرة يفيدوك