السلام عليكم ورحمة الله وبركاته

بعطيكم فكرة مشروع وبتقولون ليه ما انفذها انا انا رجل اعمل بمجال التجارة من اكثر من 11 سنة وعندي افكار خاصة لي انتظر الفرصة والمبالغ المناسبة لتنفيذها لكن شفت كذا اعلان يتم عن افكار ومشاريع ولا يقولونها للعلن وحبيت ان ما احير الاخوة الي بيشتغلون ويسون شغل ومو عارفين وش يسون

حنا كلكم تعرفون اننا بزمن انترنت زمن خدمة ذاتيه زمن امور ابتكار في عالم عايشة بداومه اعمال تقليد بتقليد تشوف كل نشاط بالشارع الواحد 10 محلات نفس النشاط والكل ماخذ رزقه والله يرزق الجميع لكن قصدي امر ابتكاري وابداعي


تموينات او سوبر ماركت مصغر مشروع الكل يعرفه وحاطه بباله اكيد لكن !! سوبر ماركت ذاتي كيف ذاتي خدمة ذاتيه يطلبون طلباتهم عن طريق شاشه معلومات وتصدر لهم فاتورة ويسددون ببطاقة صراف او كاش بجهاز مختص بهذا الشي وتنزل له طلباته لا عامل يبيع ب 50 الف ويقول لك خذ 2000 ريال ولا سرقات ولا بلديات ولا امور منتهيه وما امور منتهيه مثل طريقة ماكدونالدز الي مسوينها حاليا مثل هذه الصورة لكن كا سوبرماركت مكتمل صدقوني بتطفشون وتعدون الفلوس طبعا كثير بقولون لي ماك جهازهم تطلب وتروح تاخذ الطلب صحيح لكن اقصد شاشه معلومات مع اجهزة موجوده مثل ثلاجات الخدمة الذاتيه بالمطارات والمستشفيات تنزل الطلبات مكيسه جاهزه هذا بكون شغل الاي تي صحيح مشروع يتخيله البعض خيالي لكن البعض بشوفه فكره قوية تبون البلد يزين خلونا نفكر ونبدع صدقوني بتطلع الافكار والمواهب الابداعية للشعب السعودي





والله يوفقكم وما ابي الا دعواتكم اني افتك من ها البلاوي الي فوق راسي سلام عليكم

فكرة حلوة
بس بتواجهك عدة مشاكل
اولا وين بتحطه و بكم بتدفع على الموقع
ثانيا كم تكلفة هالجهاز
هذا الي يحضرني الان
جزاك الله خير

يا خوي كلامك كله أخطاء املائية ومش مفهوم

الفكرة كلها كلمتين والباقي دش مايفهمه الا من يعرف اللهجه

الله يكتب أجرك وييسر امرك وشكرا على الفكرة

بالعكس كلامه واضح ومفهوم وجزاه الله خيرا وفرج همك يارب ..

بس اشوف مثل هالافكار تطبق في دول متقدمه جدا مو عندنا 🙈

جزاك الله خير الجزاء
فكرتك واضحة

جزاك الله خير الجزاء
فكرتك واضحة

ماشاء الله .. فكره جدا جدا حلووووه

وبالنسبة لي الفكره وصلت بشكل سريع وفعلا اشوووف ان مكسبها بيكون جيد إذا كانت داخل محل كل مافي المحل فقط هي هذي الآلات .. لا عمالة ولا كاشير ولا شي ..

الفكره جيده وتستحق الدراسه والبدء فيها بعد ذلك

على أساس ماتعرفون البلدية عندنا وتعقيداتهم !!