السلام عليكم ورحمة الله وبركاته

اللهم لك الحمد حتى ترضى ولك الحمد إذا رضيت ولك الحمد بعد الرضى

تم بيع عمارة الوالد الله يرحمه وكان نصيبي تقريبا 140000

افكر استثمر لو ثلثها بس بمشروع لأني بصراحة راح ابذر المبلغ لو جلس معي

بصراحة انا عندي طموح كبير اني ادرس وفكرت اطور نفسي بجزء من المبلغ خصوصا باللغة الانجليزية ومن مبدأ ان افضل استثمار هو في النفس
بس ولكن وجدت ان فرص تطوير اللغة او تعلمها متوفرة بسهولة ومن المنزل لذلك رمي مبلغ كبير على السفر والتعليم غير مجدي نوعاً ما


الأن بصراحة افكر استثمر مبلغ لايقل عن 40 ولا يزيد عن 50 الف ولكن نصايحكم

بالنسبة لوضعي

انا موظف ولله الحمد وراتبي 7200 ريال عندي قرضين الاول شخصي والاخر سياره

يصفي لي من الراتب 3500 تقريبا والحمد لله ماعندي ايجار ساكن بشقة بمنزل الوالد رحمه الله ومتزوج ولكن اخر كل شهر مطفر واستخدم الفيزا وهذا النظام للأسف شبه شهريا للأمانه لم اجدول نفسي وارتب مصاريفي صح يعني الطلعات والمطاعم تسحب من الميزانية

بالنسبة للسيارة باقي عليها 28 قسط كل قسط 1650 ودفعة اخيرة تقريبا 27000

اما مبلغ السداد المبكر فهو تقريبا 65000 فكرت اسدد السيارة واتخلص منها ولكن اشوف هالشيء غير مجدي مدري ليه يعني استمثر افضل ولكن وش الأستثمار

اما الشخصي فهو 2000 ريال كل شهر وباقي عليه 4 سنوات صافيه وسداده المبكر حول 90 الف

ابي نصايحكم ودي ارتاح شهريا من القروض ولكن ان سددت القروض وصفى لي المبلغ راح يطير بأشياء تافهه

لذلك اشوف افضل شيء استثمار شبه امن يعني مثلا اشتري بضاعه حتى لو ابيعها بمكسب 25% اشوفها حلوه لكن وشو اشتري هههههه مدري ابي نصايحكم بارك الله فيكم

وعليكم السلام ورحمة الله وبركاته


الله يرحم والدك ويغفر له ، والله يزيدك من خيره ويبارك لك فيه

انا مثلك ويمكن وضعي المادي اسوأ من وضعك .. لكن مبلغ زي هذا 140000 صحيح الواحد يخاف انه يخسره أو يخسر أغلبه في مشروع مايضمن نجاحه حتى لو كان ضمان نجاحه بنسبة كبيرة ، فالخسارة وارده لكن .. رأيي وشوري لك انك تودع المبلغ في الصناديق الإستثمارية في أحد البنوك وتكون نسبة الخطورة منخفضه جدا بالتالي نسبة الربح راح تكون برضه منخفضه وعلى هذا تكون نسبة خسارتك للمبلغ شبه معدومه أو غير وارده ، لكن تأكد تأكد تأكد من شرعية الصناديق هذي قبل تقدم عليها .. واسأل الله لي ولك وللجميع الرزق والخير الوفير .

أنا اقول استثمر في الذهب يعني تشتري سبايك و تخزنها لما يرتفع الذهب صرف الذهب استثمار امن
والله يوفقك

الله يرحمه ويغفرله ويرحم جميع اموات المسلمبن

نصيحه في الوقت الحالي ابدا بمشروع الفود تراك مشرووع ناجح جدا وفيه دعم كبير من الحكومه للشباب السعوديين

بحكم اني استشاري في اداره وتشغيل المقاهي والكافيهات

ابدا في هذا المشروع

واي استفسارات انا حاضر للجميع

اذا وانا اخوك لك علاقات ومعارف اشتغل في تقسيط بطاقات سوا فيها خير

نصيحتي .. واللي كنت بنفذها لو انا مكانك دون تردد هي انك اليوم قبل بكره تروح تسدد ديونك كلها

يصير يصفى لك 3700ريال اجمعها لمدة سنة تكون حدود 45الف

ابدا فيها مشروع مناسب لك

الميزة الكبيرة في هذه الطريقة انك ضمنت 3700ريال صافية لك حتى لو لم ينجح مشروعك

وبإذن الله راح ينجح لأن بيكون بيدك سيولة شهرية قوية ثابتة 3700 تمكنك من سد اي عثرات مفاجئة قد تواجهك

الله يعطيكم العافية

حتى الان لم اتخذ اي قرار ولكن يبدو اني استبعدت تسديد القرض اللي ب2000 وسأسدد قرض السيارة

احيان تحتار ويمر الوقت الا فلوسك صار معها جناح وتطير��
لازم تفتح مشروع صغير حتى لو دخل بسبط علاقل تحس انك استفدت
ابحث عن دراسه جدوى للمشاريع ولف الاماكن وتعرف وقرر ولاتخاف من الفشل
قد قريت مشروع تأجير مقصف مدرسي مايكلفك ظ£ظ* الف وبنهايه السنه ترجع لك اكثر من الي دفعته
اوافتح كشك صغير كتجربه او محل جوالات

ماشاءالله
الله يوفقك