السلام عليكم يا اخواني واخواتي عساكم بخير

ياليت تفيدوني الله يعافيكم يارب (جتني رساله ) مكتوب فيها تم تسجيلك تلقائيا في حساب المواطن قبل اسبوع
واليوم الصباح ( جتني رساله ) ثانيه مكتوب فيها الرجاء الحضور الى وحدة الخدمات المساندة للاشخاص ذوي الاعاقة مصطحبا أصل التقرير الطبي لاكمال تحديث بياناتكم ..؟ الله يسعدكم أحد يفيدني ايش يعني وحدة الخدمات المساندة .. يعني وين اروح وين أودي التقرير لمين ..؟

وعليكم السلام
مرحبا 1000 بين اخوانك وأخواتك
الرساله الاولى مفادها ان الضمان سجلك بحساب المواطن وبامكانك تعبئه البيانات او اكمالها في 2|6
الرساله الثانيه وحده الخدمات المسانده هو موجود بالتأهيل الشامل ويجب عليك مراجعتهم لاكمال عمليه التحديث ومعك التقرير

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

الله يجزاك الجنه ومرحبا فيك انت كمان .. يعني يقصدون التأهيل الشامل ..؟ يعني مو الضمان الاجتماعي الله يوفقك وضح لي اكثر .. لان انا من الرياض ومسجله بالتأهيل الشامل اللي بحفر الباطن امانه رد علي اخاف اروح واسافر وانت تعرف المسافه وعلى الفاضي

الضمان ماله تحديث تقارير الى الان لم يحدث احد تقريره بالضمان وبعدين ليه مااخذتي موعد بتأهيل الرياض بدلا من المشوار ومتى تاريخ موعدك بتأهيل حفر الباطن

ماعندي موعد بالتاهيل بس كذا جتني الرساله ( المرسل MLSD ) وللعلم صرافتي منتهيه من قبل عشر ايام والله ياخوي مو بكيفي لان مره من المرات كنت مسيره للحفر واخوي الكبير هناك قالي بسجلك بالتأهيل واخذني وسوالي كل شي لأن صراحه مابي ادخل بتفاصيل اكثر .. انا مالي أحد بالرياض عشان كذا سجلت بحغر الباطن

شوفي اختى
اول شئ بطاقه الصراف المنتهيه هل هي الخاصه بالبنك او الخاصه بالتاهيل وهل انتي مستفيده من الضمان وهل دخلتي على الموقع وتأكدتي من المطلوب منك
https://eservices.mlsd.gov.sa/#/login/
ثاني شئ قبل لاتروحي مشوار زوري مركز تأهيل النسوي بالرياض بس ماني عارف عنوانه وين وحاولي انهم يكملون اللازم بدلا من المشوار لحفر الباطن
ثالتا اذا رفضوا اتصلي على تاهيل حفر الباطن واستفسري منهم انه جاتك رساله وتاخذي موعد منهم للمراجعه ويجب ان تكون الهويه معك والتقرير الاساسي

صرافه التأهيل الشامل منتهيه من تقريبا عشر ايام واحطها بالصرافه يقول انتهت صلاحيتها راجع الفرع للتجديد .. وللعلم ان صرافه الضمان البرتقاليه تاريخها جديد وشغاله تمام مافيها اي مشاكل .. الان الله يوفقك ياخوي وش اسوي بالضبط امانه لاتخليني رد علي

الصرافه المنتهيه هي حقت التأهيل الخاصه بالتأهيل .. والضمان بطاقه برتقاليه وشغاله تمام ( بس المشكله مثل ماقلت لك ) أن بطاقه التأهيل منتهيه .. وللأسف قعدت عشر ايام احاول احصل تليفون لتأهيل حفر الباطن بس للاسف مافي مالهم تليفون
معناته لازم اروح اشوف المكتب النسوي اللي بالرياض ويارب يفيدوني
وانت كذلك الله يوفقك يارب العالمين ويكثر من امثالك يارب

يااختى الله يخليك انتي سجلتي رقم ايبانك وحدثتي بالموقع ولالا المفروض ان المعاش والاعانه تنزل لك على حسابك الشخصي خلاص الان بطاقه الضمان والتأهيل حتلغى نهائيا

اخوي المنتصر بالله .. جزاك الله الجنه يارب على الاهتمام بالجميع كتبها الله في موازين حسناتك

بس أحب اعطيك معلومه أنا وأختي من بنات ( القبائل النازحه ) وسويت تحديث وحطيت رقم
الأيبان وتجيني رساله تم تحديث بياناتكم بشكل صحيح .. وبعدها بكم يوم تجيني رساله ثانيه
ان رقم الايبان خطأ (تم التحقق بوجود خطأ) ملاحظه : بطاقه الضمان البرتقاليه الى الان
شغاله معاي مافيها مشاكل
ولكن قبل عشر ايام انتهى تاريخ صرافه التأهيل الشامل .. ورحت لهم قالوا ماجتنا صرافتك من الوزارة قلت لهم وش السبب قالوا ماندري .. هذا الكلام قبل عشر ايام

ومثل ماقلت لك .. جتني رساله الرجاء زيارة الخدمات المسانده واحضار التقرير الطبي الاصل وحاطين رابط
ودخلت على الرابط وفتح لي بياناتي (طلباتي) لقيتهم كاتبين ان الدكتور يريد حضور المستفيد

ياليت تجاوبني الله يوفقك ويسهل لك امرك دنيا واخره يارب العالمين
والشي الأخير .. اروح لمين لان يقولون ان الدكتور طالب حضور المستفيد ( صورتها ) كيف انزلها هنا وتشوف الصورة ...؟
أمانه تحملني انا اسفه والله ازعجتك معاي من امس