11-07-2017, 07:14 AM
|
 |
عضو متواصل
|
|
تاريخ التسجيل: Apr 2015
المشاركات: 43
معدل تقييم المستوى: 20
|
|
|
رد: تجمع مبكر لمناقشة الدورة رقم "47" بكلية الملك فهد الأمنية
اقتباس:
المشاركة الأصلية كتبت بواسطة اا ماجد اا
أعمال غير مصنفه هي نفسها "متسبب"
ما اتوقع تضر بالقبول، ولكن اللي انا مستغرب منه
انا مهنتي متسبب وطلع لي يوم اسجل فئة المهنة طالب !!
كم وصل عدد المسجلين انا رقم الطلب 25 ألف وعليها 😅
عسى الله يعين ويوفقنا لما يحب ويرضى ويرزقنا ما نتمنى ❤ |
لا يضيق صدرك أخوي ماجد، أنا زيك صراحة استغربت كيف وصل الرقم كذا في خلال أقل من يوم، مع العلم أن دورة 46 رقم الطلب وقف على 27 ألف، والدورة هذي من أول يوم وصل حول 25 ألف.
طبعًا الأغلبية لا تنطبق عليهم الشروط ولكن أنت تعرف ربعنا "قدم منتب خسران شي" والمشكلة إذا نزلت النتيجة بعد أسبوعين أو عليها ولا قبلوه، يقعد ينتقد نقد حاد وكأنه يطالب الكلية بحق.
على كل حال، دورة 46 قبلوا قبول مبدئي 7400 من 27000، يعني الأغلبية الساحقة ما تم قبولهم مبدئي حتى، لأن في هذه الفترة ينظرون للتخصص والمعدل والجامعة.
لا زلت أذكر شخص مقدم وهو إنجليزي وتقديره ممتاز مع مرتبة الشرف الأولى وما قبلوه مبدئي، ليه طيب والتخصص مطلوب؟ لأنه من جامعة شقراء، وإذا أنت تعرف ناس في هذه الجامعة أو ما شابهها في بعض الجامعات المتواضعة بتعرف وش الوضع عندهم بالضبط، وهذا الشي ترى ما يخفى على الكلية، لذلك فيه اعتبار كبير جدًا للجامعة، وفيه ناس إنجليزي تقديرهم جيد من جامعة الإمام محمد بن سعود وجامعة الملك سعود وقبلوهم. طبعًا هذا لا يعني أنه لا يوجد شخص من جامعة شقراء أو غيرها ما تم قبوله أبد، أكيد يوجد ولكن على حسب زملائك في التخصص، إذا زملائك في التخصص كثير ومن جامعات قوية أكيد ما يكون لك فرصة قدامهم حتى لو معدلك خرافي.
الدورة هذي ما أدري بصراحة إذا بيسوون نفس النظام وبيخسفون في رقم المتقدمين في القبول المبدئي أو لا.
وربما سبب العدد الكبير هو اعتقادهم أن "شروط الوظيفة" في موقع وزارة الداخلية هي الشروط الحقيقية، بينما في اعتقادي أنه مجرد خطأ تقني لا أكثر، كيف طالب جامعي ومكتوب لا يقل عن 17؟
أسأل الله أن يكتب لي ولكم كل ما فيه خير وصلاح.
|
العرض العادي
