تجمع مبكر لمناقشة الدورة رقم "47" بكلية الملك فهد الأمنية

أمير بطيبتي · #**1351** (**permalink**) 12-07-2017, 02:48 AM

السلام عليكم

الله يوفق الجميع
عندي استفسار
انا طلعلي في المهنة اعمال غير مصنفة يعني متسبب ما ادري اذا تأثر على القبول او لا

ثانيا بالنسبة لأسناني الأمبامية السفلية فيها فرق بسيط يأثر على القبول او لا؟

abuzky35g · #**1352** (**permalink**) 12-07-2017, 02:57 AM

اقتباس:

المشاركة الأصلية كتبت بواسطة أمير بطيبتي

السلام عليكم

الله يوفق الجميع
عندي استفسار
انا طلعلي في المهنة اعمال غير مصنفة يعني متسبب ما ادري اذا تأثر على القبول او لا

ثانيا بالنسبة لأسناني الأمبامية السفلية فيها فرق بسيط يأثر على القبول او لا؟

باذن الله مايثر عليك باذن الله وفالك القبول النهائي ياوحش

ENG Tamim · #**1353** (**permalink**) 12-07-2017, 04:26 AM

اقتباس:

المشاركة الأصلية كتبت بواسطة خالد 92

لا أنا أقصد الآن يعني قبل ندخل عادي أستخدم البروتين لأني بالنادي وما ودي أقطعه .. ولا أدري أخاف يكون ممنوع ويطلع بالتحليل (:

حبيبي البروتين يعتبر مكمل غذائي .. يعني زي الرز والدجاج والحليب
بس مخلوط ومسوينه لك بودرة عشان تشربه بعد التمرين لأجل تغذي العضله سريع سريع
يعني تتوقع في التحليل بيطلع لهم انك تأكل دجاج

،،

ريح وعيش حياتك التحليل يكون للسموم فهي المشكله العظمى
و كذلك امراص الدم .. أما الباقي ان شاء الله الامور طيبه
وشد الباي حقيقي

وموفق خير

BOLD · #**1354** (**permalink**) 12-07-2017, 08:44 AM

عدد المتقدمين أمس الثلاثاء وصل 32 ألف

اول مرة تصير في تاريخ كلية الملك فهد الأمنية
خلال يومين فقط!

العام الماضي انتهى التقديم على 29 ألف تقريباً

جامعي ، · #**1355** (**permalink**) 12-07-2017, 09:57 AM

استفسار بسيط ..
هل اللي عليهم مخالفات مرورية يستثنون من القبول
او يطلبون من الطلاب المقبولين فيما بعد ( تسديد المخالفات المرورية )
ومتى يلزم الطالب بتسديدها وإحضار برنت ؟

AboAbadi · #**1356** (**permalink**) 12-07-2017, 10:10 AM

اقتباس:

المشاركة الأصلية كتبت بواسطة لاسنر

بس هذي المعلومات ما فيها وزن وطول وفئه دم والشغلات هذي

وتخصص الادارة العامة مطلوب ؟

نعم مطلوب اعرف واحد متخرج من عندهم ادارة عامة
طبعا التخصص يندرج تحت العلوم الادارية
...بالتوفيق...

ضابط لغوي · #**1357** (**permalink**) 12-07-2017, 01:05 PM

اقتباس:

المشاركة الأصلية كتبت بواسطة صبي وائل

يعطيك العافيه
اخوي ابسألك وش رأيك بجامعة القصيم هل هي تعتبر مثل جامعة شقراء؟؟

الله يعافيك.

أنا اللي أعرفه أن جامعة القصيم تعتبر من الجامعات الجيدة ولكن المشكلة هي أننا ما نعرف معايير الكلية في الجامعات. وفيه كثير من جامعة القصيم ينقبلون ومنهم ضباط الآن وطلاب في دورة 46 حتى من شقراء كذلك. لكن الإجراءات تتكون حسب الوضع، والمعايير تتغير من وقت إلى آخر.

نصيحتي لك هي أن تهتم بدراستك ومعدلك عشان ما تكون أسير للكلية، من أيام دورة 38 وهم يقولون بيشيلون الجامعيين أو يقللونهم، فما تدري وش يصير بالمستقبل، فلذلك إذا كنت مهتم بعلمك ومعدلك يصير لك إن شاء الله فرص كثيرة في الحياة غير الكلية.

سعود14 · #**1358** (**permalink**) 12-07-2017, 02:31 PM

السلام عليكم عندي استفسار بخصوص التقديم
انا طالب مبتعث وادرس بامريكا وان شاء الله اخلص دراسة واتخرج نهاية الصيف يعني تقريبا بعد شهر من الان ، هل اقدر اقدم وارفع لهم اوراقي اذا تخرجت ان شاء الله ، يعني متى يجي القبول وهل يطلبون أوراق في هالتقديم ولا بعد مايسون لك قبول بعدها يطلبون الأوراق ، ياليت احد يفيدني وشكرًا لكم

CAPTAIN_MIS · #**1359** (**permalink**) 12-07-2017, 04:24 PM

اقتباس:

المشاركة الأصلية كتبت بواسطة BOLD

واسم الجامعة ؟
والمعدل ؟

وش وضعها فالمفاضلة !

المعدل الجامعي يدخل في المفاضلة النهائية مع النقاط المكتسبة

اقتباس:

المشاركة الأصلية كتبت بواسطة طموحا

غير صحيح لو الوضع كدا يعني عدد المقبولين مبدئيا أكثر من 20 ألف
اتوقع على المعدل
والطول والوزن
ومدى الحاجة التخصص بحيث يكون ضعف العدد لتخصص المطلوب

شوف الكلية عندها معايير تمشي عليها على حسب الاحتياج المطلوب

في دورة 45 بلغ الاحتياج مايقارب 1900 طالب وعدد المقبولين مبدئيا 16000 طالب

ودورة 46 الاحتياج تقريبا 1115 طالب والمقبولين مبدئي 7000 طالب

اذا الاحتياج النهائي يحدد عدد القبول المبدئي

الطول والوزن ماله أي علاقة بالقبول المبدئي لأنهم راح يقيسوك وعلى ربع سانتي ناقص تمسك الباب

القبول المبدئي يعتبر قبول آلي زي ماقلت حسب الحاجة للتخصص وسنة التخرج والعمر

الكلام هذا عن تجربة ومن معرفة شخصية لأحد المنسوبين في الوزارة