السلام عليكم ورحمه الله وبركاته ..
كيف حالكم .. انا حاليا بسوي دراسه جدوى ناوي افتح محل خدمات طالب كم تكلفه اغراض المحل وش افضل الطابعات وكم احتاج طابعه كبدايه وجهاز حاسب وش اكثر شي يربح بخدمات الطالب وش الاجراءات اللي لازم اسويها عشان افتح محل ؟ ابي ارائكم مهما كانت قليله عطوني اياها اي معلومه تفيدني ؟؟

ان شاء الله يجي من يفيدك

أهلاً أخوي

المشاريع اللي مثل كذا مره ممتازه ولكن تحتاج منك المعرفه والقدره على تحمل ضغوطات العمل

وقبل كل شي تكون منجز يعني إذا احد طلب منك بحوث او شي تقدر تنجزها ولا تجلس تماطل

أنا بذكر لك مواصفات لمحل عندنا فالمنطقه الرجال فتح محله والله رزقه وتزوج من دخل محله وأموره ماشيه الله يوفقه

عنده طابعه وحده كبيره وطابعه متوسطه مشبوك فيها عدة كمبيوترات

طبعاً عنده 2 مصاريه ولكل واحد كمبيوتر مكتبي وشغالين على طلبات الزباين وحتى تحديثات للبرامج الحكوميه وخدمات أبشر وتجديد الاقامات وحجز مواعيد وكل شي

وعنده 4 أو 5 كمبيوترات موجوده على رف أي واحد يقدر يستخدمها ويطبع من الطابعه دايركت

وفي زاوبة المحل موجود عنده مكتبه صغيره تتوفر فيها أغلب طلبات الطلاب

كل اللي عليك تشوفلك 2 مصاريه فاهمين في برامج الأوفيس والبرمجيات

بعض الطلاب يطلب منهم برامج تخرج تصير تقدر تنفذها لهم وعلى أكمل وجه

كل التحيه لك وأتمنى لك كل التوفيق

هلابك اخوي

السلام عليكم ورحمه الله وبركاته ..

كلامك عين العقل فعلا خدمات الطالب يحتاج الى الدقه وتحمل ضغط العمل والناس يبون اللي ينجز ويبدع فعلا البدايه لازم ابحث عن مصاريه شغالين صح .. لكن كم توقع الرواتب المستحقه 4000 او 5000 ؟ واعتقد العمولات تخليهم يشتغلون اكثر ؟

لكن اكثر شي افكر فيه هو نوع الطابعات الممتازه وكم اسعارهم ؟ لان بعض الطابعات ماتتوفر لها قطع غيار بسهوله والبعض سهله يعني الموضوع كبير يحتاج تفكير عميق حتى الموقع يلعب دور مهم بنجاح المحل

وانا اشوف مشاريع التخرج اكثر مايستفيدون منها المحلات هي والبحوث يعني تاصل الى 300 ريال واكثر وانا اشوفها من المحلات الناجحه



الله يعطيك العافيه يالغالي ماقصرت

بفيدك بأفضل طابعات وحسب مايحتاجه الزبون مبدئيآ ..
1. طابعة hp ملون ليزر ويكون اقل شي كل ثانية صورة.
2. طابعة hp اسود ليزر ويكون كل ثانية صورة.

بالنسبه لأجهزة الكمبيوتر dell قوي ويمشي معاك ويفضل تاخذ واحد مبدئيا ويكون مواصفات عادية لانك بتستخدم وورد واوفس فقط.