موظفة قطاع خاص إلئ حكومي

بناتي نور عيني · #1 (**permalink**) 20-02-2017, 01:26 AM

السلام عليكم ورحمة الله وبركاته
الله يعطيكم العافية جميعا وجزاكم الله خير ،ابي احد يساعدني ماني فاهمه آلية التسجيل وطريقة جدارة
انا كنت موظفة قطاع خاص لمدة طويله
لكن استقلت وحابة التحق بالوظايف الحكومية وقالوا لازم تسجلين بجدارة.
اوكي بحثت عن الرابط بالنت وسجلت بحدارة طبعا عن طريق الايفون ماعندي كمبيوتر
وعبيت بياناتي والبيانات مافيها خيار الخبرات فقط بيانات الشهادة والصحة فقط.
وحتي مافي تحميل شهادات الخبرة فقط المؤهل!!!'
الله يعافيكم انا سجلت بوظايف الامانة بس ابي أتاكد كيف يعرفون عن سيرتي وخبراتي وجدارة مافيه هالمعلومات!'ى
مالقيت الخانة فقط
،،،ساعدوني قبل اعلان النتايج ،ومابي فرصة التسجيل بالوظايف المدنية اللي بيعلن عنها 12رجب تروح علي...
مع جزيل شكري🌹

ابوحمد000000 · #2 (**permalink**) 20-02-2017, 01:54 AM

اقتباس:

المشاركة الأصلية كتبت بواسطة بناتي نور عيني

السلام عليكم ورحمة الله وبركاته
الله يعطيكم العافية جميعا وجزاكم الله خير ،ابي احد يساعدني ماني فاهمه آلية التسجيل وطريقة جدارة
انا كنت موظفة قطاع خاص لمدة طويله
لكن استقلت وحابة التحق بالوظايف الحكومية وقالوا لازم تسجلين بجدارة.
اوكي بحثت عن الرابط بالنت وسجلت بحدارة طبعا عن طريق الايفون ماعندي كمبيوتر
وعبيت بياناتي والبيانات مافيها خيار الخبرات فقط بيانات الشهادة والصحة فقط.
وحتي مافي تحميل شهادات الخبرة فقط المؤهل!!!'
الله يعافيكم انا سجلت بوظايف الامانة بس ابي أتاكد كيف يعرفون عن سيرتي وخبراتي وجدارة مافيه هالمعلومات!'ى
مالقيت الخانة فقط
،،،ساعدوني قبل اعلان النتايج ،ومابي فرصة التسجيل بالوظايف المدنية اللي بيعلن عنها 12رجب تروح علي...
مع جزيل شكري🌹

وعليكم السلام ورحمة الله وبركاته
اختي الكريمة
برنامج جدارة لايأخذ بالخبرات انما يأخذ بالدورات التي تعادل دبلوم وكذلك شهادات (بكالوريوس- ماجستير- دكتوراه)
لابد تحميل الشهادات من خلال الكمبيوتر اذا لم يوجد لديكم كمبيوتر ممكن مراجعه فرع وزارة الخدمة المدينة وسيتم الاخوات بالتسجيل لكي

اروع · #3 (**permalink**) 20-02-2017, 03:18 AM

وعليكم السلام ورحمة الله وبركاتة

لمن تدخلين من جهاز كمبيوتر راح يطلع لك مثل هذي الصورة

ولازم ترفعين ملفاتك وشهادات من كمبيوتر

روحي مكتبه او شوفي لك حل

ولاتنسين صورة الشهادة او اي شهادة لازم واضحه سوا مصورة عن طريق الجوال او عن طريق سكنر

وتروحين ترفعينهم في الصورة الى وضعتها لك

================

من ناحية خبرات الخ الخ

وظايف الامانه مالها شغل في جدارة الامانه فاتحه تسجيل على السريع

وحاطين شرط ان اسمك فقط يكون مسجل في جداره فقط

في خانة السيرة الذاتيه تقدرين تكتبين الخبرات السابقة في خانة اظافة الخبرات الخ الخ

بس هذا موقع وظايف حكومية

المهم رفعي شهادتك بسرعه سواء دبلوم او بكالريوس او ماجستير

اذا شهادتك ثانوي تروحين ترفعينها في ساعد مو جداره

بالتوفيق ...

بناتي نور عيني · #4 (**permalink**) 20-02-2017, 05:30 AM

الله يعطيك العافية
اكيد حملت الشهادة
عندي دورات كثيرة ،لكن كدبلوم ماعندي
عندي الشهادة المهنية المصرفيه اقدر احملها بالخانات تخت الشهادة؟!

بناتي نور عيني · #5 (**permalink**) 20-02-2017, 05:34 AM

الله يعافيك ماشفت خانة للسيرة الذاتية ،
فقط شاشة البيانات الشخصية والعلمية ورفعت شهادتي البكالوريوس
عندي شهادة مهنية للمصارف،عندي كذا دورة قوية كانت بمجال العمل سواء تخصصية او لتطوير الشخصية والمهارات
لكن للاسف مارفعت الا شهادتي ..
اخاف تروح علي الوظيفه بسبب ان بياناتي بجدارة غير كامله.
مع العلم جاني مسج للتحقق من الوثائق اخذ كم يوم بعدها تم التحقق وضغطت اوكي البيانات صحيحه.
شكرا جزيلا ماقصرتوا

ياكرييم · #6 (**permalink**) 20-02-2017, 01:33 PM

اول شي وش شهادتك؟ لأن اذا مو دبلوم او بكالوريوس وفوق ما تقدري تسجلي بجدارة اذا شهادتك ثانوية بس روحي نظام ساعد مو جدارة .. الله يوفقك

بناتي نور عيني · #7 (**permalink**) 20-02-2017, 04:51 PM

شهادتي بكالوريوس ادارة اعمال تخصص ادارة منشآت
وعندي خبرة ظ¨ سنوات بنوك وشركة شبه حكومية
خانة بيانات السيرة مالقيتها بالموقع لما ادخل بحسابي
تتوقعون عشان الجهاز مو كمبيوتر..

ياكرييم · #8 (**permalink**) 20-02-2017, 05:45 PM

اقتباس:

المشاركة الأصلية كتبت بواسطة بناتي نور عيني

شهادتي بكالوريوس ادارة اعمال تخصص ادارة منشآت
وعندي خبرة ظ¨ سنوات بنوك وشركة شبه حكومية
خانة بيانات السيرة مالقيتها بالموقع لما ادخل بحسابي
تتوقعون عشان الجهاز مو كمبيوتر..

اي اصلآ شرط اساسي لازم تسجلين من كمبيوتر . الجوال ماتقدري ترفعي منه المستندات

دددهن عود · #9 (**permalink**) 21-02-2017, 07:59 AM

وعليكم السلام ورحمة الله وبركاته
أحتي الكريمة: بناتي نور عيني
التسجيل ببرنامج جدارة سهل جداً, وإذا خلصتي إجراءات التسجيل وصار طلبك (مكتمل) بعدها تتابعين (الخطة السنوية للإعلانات الوظيفية وتقدمين على وظائف سلم الموظفين العام وتقدرين تقديمن للوظائف التعليمية للوظائف الإدارية فيها + تابعي الإعلانات للوظائف الحكومية المباشرة عن طريق نفس الدوائر والمؤسسات الحكومية وتلقينها معلنه هنا بموقع بطالة أو موقع (وظيفة كوم) تفضلي هذا رابط شرح طريقة التسجيل ببرنامج جدارة, منقول من موقع وزارة الخدمة المدنية.
https://eservices.mcs.gov.sa/Jadara3...tructions.aspx
وهذا رابط الخطة السنوية للإعلانات الوظيفية
https://www.mcs.gov.sa/Employment/Pages/AdsPlan.aspx
وفقنا الله واياك وجميع المسلمين لكل خير,,