السلام عليكم..

عندي مشاكل واستفسارات أتمنى من أهل الخبرة يفيدوني ويعطوني حلول..

اشتغلت في شركة أخذو الدعم لي تقريباً سنة و4 شهور معاهم, المهم وظيفتي استقبال لكن المشكلة ماجاني تأمين صحي الا بعد سنة من العمل, والراتب كل شهر يتأخر الآن راتب ديسمبر ويناير مانزل للآن قربنا على الشهر الثالث بدون راتب والشركة يقولو مافي فلوس اش الحل؟ هل الشكاوي تفيد ويتحركو معاها نظام العمل ولا يماطلوني؟
سبق واشتكى موظف لكن ماشفت شيء تغير

الموضوع الأهم دايماً يكلفوني بمشاوير وايداعات بنكية للشركة وشراء مستلزمات للفرع وأعمال ادارية أخرى
تقريباً 60% من أعمال الفرع على راسي وكل مااعترضت قالو هذا عملك!
فهمتهم اني موظف استقبال قالو هذا ضمن مسؤولياتك ويحق للعمل يكلفك بمهام أخرى في وقت دوامك!!
هل فيه نص قانوني أستند عليه يحدد مهام وظيفتي؟

أخيراً أنا دوامي فترة واحدة واذا غاب الي في الفترة الثانية أو أخذ اجازة يقسمو دوامي على فترتين صباح ومساء وكل فترة 4 ساعات دون استشارتي هل يحق لهم؟

وفيه أمور كثير منها موظفين على غير كفالة والشركة استغلالية,لكن أبغ اعرف حقي في الامور الي تخصني تأخير الرواتب والاعمال الاخرى..كنت افكر اشتكي على الموظفين الي على غير كفالة الشركة لأنها شكوى سهلة وتجيب نتائج لكن ماحبيت اقطع رزق عوائل وموظفين مالهم ذنب لأن صاحب الشركة رفض ينقلهم أو يخلص معهم ومالهم ذنب.

وشكراً