السلام عليكم ورحمة الله وبركاته
أتمنى من اللي يقراء الموضوع يساعدوني
ايش الوظائف اللي تقبل شهادة سادس وانا اكمل الحين
والعسكريه و الجيش والحرس ايش حد العمر المطلوب؟؟


الله يحرم وجهكم عن النار والديكم😻
وبيتفركش الزواج بسبب هالوظيفه اَهلها عطوني مهل محدده والا أطلقها

الله يوفقك ي خوي ويعينك / والله ياخوك ما ودي اقول هالكلام ولكن ربك كتب ، المفروض ما تستعجل بالزواج ونت لسى ما توظفت وهذا اكبر خطأ / ثاني شي ماهو من حقهم يسحبون زوجتك منك او يجبرونك عل الطلاق بسبب الوظيفه ونا ما ادري وش اللي بينكم / ثالث شي ما في وظيفه عسكريه تقبل بالابتدائي ومافي الا بالمتوسط وقريب بيلغونها ، بالنسبه للعمر اعتقد اكبر شي 28 او 29 وفيه بعض الوظائف تغض النظر عن العمر بشرط الشهاده المطلوبه ، هذا اللي اقدر افيدك فيه والله يكون ف عونك ويوفقك ويفتحها بوجهك ي رب

عفوا وين نقلت الموضوع!!

كلام طالب تقناوي صحيح لكن اذا معاك واسطه تقبل في الجيش او حرس الحدود لان طلبين كفائه السنه هاذي ( جندي ) لو معاك اول ابتدائي والعمر المحدود اقل من 30 تقبل اما الجيش تغض النظر عن العمر الي اكثر من 30 والحرس الوطني كذالك لكن الحرس الوطني بواسطه
ربي يكون بعونك ويوفقك اخوي ويفرج عنك كل هم ... بالتوفيق

الحل دور لك واحد متوضف في المضلات بالجيش مو شرط واسطة تعال أنت وهو بتبوك ورحوا عند قايد المضلات وأشرح له وضعك
مع أن الابتدائية شي صععب مرة بس القايد الكلمة كلمته إذا وافق وافق

وبيني وبينك المضلات التقديم مع الحرب مفتوح طوال السنة متوسط و30 سنه الناس قاعدة تموت بالحد ووهم ناقصين من قبل فيه أمل

إذا ما قبلوك طلع لك رخصة عمومي نقل ثقيل وروح في سلاح النقل بالخرج ورح للقايد وشف وش يقولك

إذا ما قبلوك رح سلاح المشاه في الخميس نفس الكلام فيها كبار شيبان بيقدرون وضعك بإذن الله وأنت لا تتشرط حتى لو حطوك في الشؤون الرياضية أهم شي رانب أخر الشهر وأسال االله أن يرزقك من واسع فضله

حصلت شي ب التويتر يسجلني ب الجيش لكن طلب مقدم ظ¤ظ*ظ*ظ* وظ¥ظ*ظ*ظ*مع ورقة إصدار التعيين لكن والله مامعي لحتى ادبر المبلغ ع شي مو مضمون ومادري اذا صادق والا لا