السلام عليكم
قبل شوي دقيت ع شركة الكهرباء وردت الموظفة قلت لهاليش الفاتوره كذا
قالت هذي حقت الشهرين الي فات وهذا !؟ قلت طيب سددوها من رصيدي انا عندي 400وشوي قالت مافيه رصيد😶
اتصلت ع صاحب العماره الي العداد ب اسمه قلت وصلك شيك ب اسمك بمبلغ الا400 ريال قال لاوالله
فعرفت ان المبلغ طاررررر وحسبي الله ونعم الوكيل
اقسم بالله ماكنت اتتوقع بيسحبونه منا لاني كنت اقتصد عشان اوفر ع نفسي ماكنت ادري انهم بياخذونه ليتني دريت كان ماعذبت نفسي واستخدمت كل اجهزتي برخاء وهنا لكن المشكى على الله
سامحوني ع فضفضتي بس متضايقه والله لان المكالمه مالها ولانص ساعه والحين بروح اسدد الفاتوره 😕
.....
عزالله ان الوقت هذا تغيّر
‏ياراحة الميت ويابلشة الحي 😪
‏،،،،
سؤال من صار له مثلي ؟

اقسم بالله مصدومه وانا اذكر قريت خبر ان الضمان يسحبونه ويحطونه بحساب المستفيد
مدري وين قريته هنا اوصحيفه اوتويتر بس ماني مصدقه انه بروح علينا لانه اصلا حقنا
مين قراء الخبر هذا يجي يرد ..

ابشرك انه راح يكون فيه آليه لاعادة ارصدة الكهرباء لأصحابها من المستفيدين . بس ما اعرف كيف راح تكون . بس اللي متأكد منه حسب كلام الحساب الرسمي للوزارة في تويتر انهم يدرسوا آلية اعادتها .

العوض من الله احنا زيكم راحت علينا -929 ريال

اخوي المسكين رصيد دائن 5900ريال كلها تبخرت

للاسف حتي امي رصيدها الدائن كان 3900
وسحبوه واتمني يكون الخبر صحيح
بخصوص اعادة الارصده للمستفيدين

ماشاء الله عليكم تتحملون الحر وتقتصدون بالكهرباء أقسم بالله مااقدر اجلس دقيقه وحده بدون مكيف بالصيف اموت حتى الآن اشغل مراوح والله يستر وش بنسوي بالصيف مع ارتفاع الفواتير والله هذا اللي افكر فيه خصوصا بالظهر بعز الحر والله شكلنا بننشوي شوي الله يكون بعونا بس والى هالحين مانزل دعم الكهرباء الله يستر منهم

الله يستر

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره