اليلام عليكم
انا امي مسجله مهجورات وكان تحديثها قبل شهر المهم انه اخواني شهدو معها وجا الباحث وقال كل شي تمام خلاص
ونزل راتبها لكن الشهر ذا مانزل واسقطت رحنا الضمان وقالو المشكله بالشهود لازم تغيرونهم !!!
وحنا ويش يدرينا قالت موظفه انها اتصلت ع جوال امي ومقفل!! قلت طيب فيه ارقام اخواني ورقمي ماحد اتصل وانا متاكده اساسا لان جوالي مايطفي ابدا!! اخر شي خربتها وقالت انتم بس تنامون الله حسيبها تكذب وهي اساسا مااتصلت والمشكله الحين لازم تسجيل من جديد وشهود غير تاخذلها وقت اكثر من شهر والمساعده صار اربع سنين وراحت عليها 💔بالله ذا عدل كل يوم نظام وحنا مخلينا على وجهنا الحين ويش نسوي يعني ماعندنا شهود غير اختي ؟ وانا مسجله مع امي هل اذا اسقطت منها اقدر اشهد معها؟ وهل اقدر اشكي الموظفه ع المديره بينفعني ذا بشي؟ اتمنى احد يفيدني

والله ياقلبي كنك تحكين عن وضعي بالضبط انا اتصلوا علي وقالوا غيري الشهود وانا ماعندي الاالله ثم خواتي وولدي وهاذي السنه الثالثه استلم ضمان وشهودي كلهم شهدوا معي من وين اجيب شهود لهم رحت لهم طلبت ادخل ع المديره رفضت تقابلني وحولتني على موظفه بقسم المهجورات نفسهم يعني كنك يابو زيد ماغزيت وقالت حنا تواصلنا مع الوزاره يشوفون حل لانه مو عليك لحالك عندنا ملفات كثيره ماقدرنا نسجلهم بحكم انهم ماعندهم شهود راجعينا يعد اسبوعين ونشوف وش يصير معهم حتى صوتك مسموع ارسل لهم شكاوي ولافيه فايده ماارسلوا لي رقم طلب معناته فيه مشكله عندهم الله يحلها من عنده يارب بس انتي بأي منطقه واذا الرياض مكتب الشرق ولاالغرب

الرياض غرب حسبي الله بس وش حظرتها المديره ماتقابلك ع بالها انها شي مهم وشايفات حالهم كرسي من عير فايده الله يرزقنا من غير منت احد

ايه انا بغرب الرياض ومديرتهم اعوذبالله والموظفات ماينطاقون منافخ وقلة ادب انا قالت لي الموظفه تعالي بعد اسبوعين ولحد الان مارحت كل ماجيت اروح هونت شايله هم لقرفهم وقلة ادبهم بس طالما ان والدتك اسقطت ولما رحتوا قالوا غيروا الشهود معناته ان الموظفه تصرفني او مالقوا حل خلاص

ابروح بكره وابرد لك خبر ويش بيصير معي مافيه الا كذا مشاوير وخساير ع الفاضي وحسبي الله بس غريبه اتصلو عليك حنا مااتصلو علينا

الله يعطيك العافيه بانتظار ردك والله يجزاك كل خير تقصرين العنوه عني دامك رايحه رايحه والله ياربي ييسر امرنا وامركم وكل مسلم يارب
اي والله اتصلوا علي وقالوا لي شهودك لازم تغيرينهم

حسبي الله عليهم لا ويقولون لازم كل سنه تغييرين الشهود من وين اجبلكم كل سنه شهود الله ينتقم منهم بس اقويا ع الحريم المساكين لاهم الي حطوا قوانين زي الناس ولاهم الي فاكينا شرهم

لازم مانسكت ونشتكيهم لانهم اخذوا اوراقنا واعتمدوا طلبنا وعقب مازارنا الباحث اتصلوا وقالوا ماسجلناكم ليه وينكم من قبل ماتاخذون اوراقنا وتعشمونا

معليش تأخرت عليكم بس ماقدرت اروح لهم الا اليوم وابشركم عدلو شروط المهجورات وصار عادي يشهدون معك الي شهدو قبل هذا على حسب كلامهم لي اليوم والي اسقطو رفعو طلب تحديثهم من جديد