مشاكل وحلول في الحاسب الآلي

آه يالقهر · #1 (**permalink**) 07-02-2007, 05:36 PM

يمديكمـ على العنوان

بصراحه نظرا للحال الكسيفه لبعض العاطلين والعاطلات المطفرين والمطفرات امثالنا

واللي اذا خربت اجهزتهم جلسو يطرون ويجمعون لين يفرمتونها او يصلحونها

وطبعاً يروحون لها الهنود والعمال النصابين

ويلعبون عليهم ويلهفون منهم فلوس وفي الاخير تكون المشكله سهله جداً
والحل بيد الشخص نفسه ويقدر يسويه بدون ما يتعبث فيها .. جميل واشرف (وعبده اليماني تعرفونه )وعصمان التسذوبين

جتني هالفكره في كتابه هالمويضيع

وهو انه اي شخص عنده اي سؤال عن الأجهزه ومشاكلها او اي شخص واجهته مشكله مو لاقي لها حل يجي ويسدح سؤاله هنا وان شاء الله بنحاول نساعده ونفيد بعض

بيكون هذا الموضوع ورشه عمل للحاسب الآلي

وبعد اللي عنده تجارب وخدع وافكار يعتقد انها غريبه وجديده ولا احد يعرفها يكتبها هنا
وان شاء الله يتثبت الموضوع لما فيه من الفائده لخريجي الحاسب الآلي

في تطبيق ما تعلموه هنا

وه بس يا حبي لي وانا اكتب موضوع :o

ويا خوفي اتفشل ولا القى تجاوب ومشاركه من الاعضاء

\

/

\

مفلس · #2 (**permalink**) 07-02-2007, 06:03 PM

ياسلاااااااااااااااااااااااااام عليك .. انا معاك على الحلوه والمره فى الكمبيوتر
وابشر باللى مايطير لك موضوعك فوق .. اذا ماثبته لك اخونا / الوووووووووف
احسن مانروح لمنتديات ثانيه .. على الاقل نفتح لنا ورشه صيانه بالمنتدى ونطقطق فيها نسوي تجارب ..
بس اخاف نفتح بورتات وبعدين يخترق المنتدى ويجيك اخونا / البطاله .. يلوح بعقاله ومن وووووين يوجعك ..
عاد شلون نرد مره ثانيه ؟؟؟؟ ما تترقع .

صراااحه فكرتك حلوه واعجبتني .. واتمنى ان يستفيد منها الجميع ..
واللى عنده خبره يضيفها كذلك لان مثل هذى المواضيع تحتاج الى تبادل معلومات .

شوكرن لك ..

SLOoOM · #3 (**permalink**) 07-02-2007, 06:25 PM

انا معاك اختي آه يالقهر
وبدل من روح للمنتديات الثانية يكون عندنا قسم كمبيوتر
وكل مين يجيب جهازه هنا ونسدحه ونفحصه ونشوف علته
واكيد عندنا هنا اعضاء مبدعين في الكمبيوتر
وانا شاء الله راح افيدكم باللي اقدر عليه

تحياتي ودمتي بود

آه يالقهر · #4 (**permalink**) 07-02-2007, 08:31 PM

يا سلام عليكم والله

سنايدي

زين انا راح ابدأ اولاً في عرض بعض من تجاربي وحوساتي بالجهاز

مثلاً عندكم بعض المنتديات تحتاج للتسجيل لمشاهده الموضوع

علشان بس يكثرون عدد الأعضاء

عندي لكم طريقه حلوه تخليكم تشوفون الموضوع بدون ما تسجلون وهي التالي

مثلا عندكم هذا المنتدى

https://www.btalah.com/showthread.php?p=63584#post63584

لما تضغطون على الرابط وتدخلون عليه يقول لكم لا يمكنكم مشاهده الموضوع الا بعد التسجيل
فما عليكم الا انكم تعملون حركه بسيطه جدا وهي

انكم بدل كلمه showthread في العنوان تكتبون printthread

يعني بدل show حطو print وبس

ويصير بهالشكل

http://www.bnatyat.com/vb/printthread.php?t=16989

بس على فكره ترا هالحركه ما تضبط بكل المنتديات ما ادري ليه

بس ان شاء الله نلقى حل

وشي افضل من لا شي

آه يالقهر · #5 (**permalink**) 07-02-2007, 08:59 PM

عندي نصيحه للأعضاء وهي أنه المفروض لكل عضو يكون عنده نسخه للوندوز يعني ما راح يكلف عليهم قيمة النسخه اعتقد 10 او 15 ريال بالكثير
بالنسخه هذي راح تحلون الكثير من المشاكل اللي تحصل للجهاز
مثلا احيانا يفقد الويندوز بعض الملفات المهمه فيسبب مشكله للجهاز من تعليق وما الى ذلك
عندي طريقه بسيطه ولا تكلف تساعد الشخص انه يصلح جهاز بنفسه
الطريقه هذي لويندوز اكس بي لان تجربتي عليه ولا اعرف الانظمه الثانيه يضبط عليها او لا
اولا لازم يكون عندك نسخه لوندوز اكس بي
كل ما اسويه هو اني اضغط ابدأ ثم تشغيل واكتب هذا الامر sfc /scannow
ثم ندخل اسطوانه الاكس بي في السي دي روم وأترك الجهاز يعمل
اللي يحصل في هذا الامر حاجتين
اولا يحذف الملفات المعطوبه ويستبدلها بملفات جديده
ثانيا تعويض الملفات الناقصه في السيستم ويعمل نسخ لها
وراح يكون الوندوز شغال بدون اي مشاكل

^_^

وعلى ما اذكر شي جديد امر عليكم

\

/

\

متفائلة في زمن اليأس · #6 (**permalink**) 08-02-2007, 03:27 AM

تسلمين والله اه يالقهر لاعدمناك

متميزة دائما

من جد روعة وروعة شويا على موضوعك

انا راح اساعدك بالمواضيع الي عندي

تسلمين ودمتي متألقة

آه يالقهر · #7 (**permalink**) 08-02-2007, 06:24 PM

الله مير يسلمك ويخليك اختي متفائله

الروعه هو مرورك على الموضوع

في انتظار مشاركتك

زينة و نحول · #8 (**permalink**) 09-02-2007, 05:50 AM

تسلميييييييييييييييييييين عزيزتي
وانا راح اسال سؤال

الان لما اعمل فورمات للويندوز واحمله من جديد يقول لي وش نوع الملفات اللي بتحطيها علشان تقسيم الدرايفات على مااعتقد ويعطيني ملفات FAT or NTFS ?

زينة و نحول · #9 (**permalink**) 09-02-2007, 05:52 AM

سؤال اخر انا شاشة اللاب توب حقي مكسورة من نوع acer وحجمها 15" تعرفون مكان يبدلها بوحده بسعر كويس لانو اقل سعر الى الان لقيته 900 ريال وبصراحه مستكثرتها على شاشه لان الجهاز شريته ب 4400 والان سعره بحدود ال2000
مع العلم اني بالرياض