هذه قصيده من قديم القصايد لكن طويله لكن كل ما بغيت احذف بيت اقول والله البيت ما ينحذف الزبده جبتها لكم كلها ارجو ان تنال استحسانكم


الدار

عمن ترحل سالي الدار ياعين=استعلميها وانشدي ياحزينه

قولي هلك يادار منك غدوا وين=من بك وقف ينشدك ماتخبرينه

هل نرتجيهم هم على الأرض حيين= لوهم مع من في المقابر دفينه

قالت حشى ماهم تحت الأرض فانين= أمس الضحى عني غدوا بالضعينه

مدوا على شبه القنا والعراجين= هجن جليلات المرافق متينه

يومك تراهم يا محمد مقفين = عنك ولا ما عشرتك زا هدينه

راحوا وهم ياولد قاسم معيفين= ما اظن هم لك بالوصل منتوينه

حيث انهم منك حماسى وزاعلين= نياتهم راحت وهي مستشينه

قلت اسكتي عن ذا الخبربس نكفين=يادارنقضتي جروح دفينه

هذا الخبر ياعين هلي النظيرين=بالك لدمعك عقبهم تذخرينه

أبكي على لاماه حتى تذوبين=يمكن تروف قلوبهم يافطينه

والاعساهم لي بكيتي محنين= أبكي عسى ببكاك تبكين عينه

فان هملوك احبابك اللي تودين= وين الذي من عقبهم ترتجينه

قلت أه يا نفس بجوفي تلوبين= ويلاه من قبلب تزايد حنينه

وايش بك على طول الليالي تونين =ماتهجعين الليل كنك طعينه

وبعلتك في كل يوما تزيدين = وايش قوم قلبك مايوني ونينه

قالت على فرقاى شوف المحبين= والوصل يوم انزاح واقفت سنينه

واللي تبدوا لي سواة المعادين= عقب المحبة واظهروا لي ضغينه

من هجرهم فوق الثرى طحت وانا طعين= بقيودهم رجلي تلوت سجينه

يالله عساهم لي ولوني معفين=عني وحال لي نحل راحمينه

ولا لعل قلوبهم لوبعد حين= تصخف ويذكر كل خلا خدينه

لين ادركوافرقا الفنا واقبل البين=يمكن تصير قلوبهم مستلينه

وبحق من نزل تبارك وياسين=رب ألوذ بعزته واستعينه

اللي حكم في خلقة أدم من الطين=مولاي واجرىبامر نوح السفينه

والحمد والفرقان والنور والتين=والعرش واللي دوب هم حاملينه

والحج والكعبة وسيد النبيين=المصطفى اللي حل بأرض المدينة

نذرا علي إن عودوا صوم ستين=لله وارجع للهدى والسكينة

واتوب عما ليس يرضيه واهين=نفسي على شانه وهي له رهينه

توبه لمن يغفر ذنوب المضلين=استغفرك يا عالم بالكنينه

لو كان ذنبي ما تشيله بعارين=عفوك عظيم ليس ذنبي وزينه

انت الضمين وكلنا فيك راضين=وين إيغدي من خان والله ضمينه

فان خنت مالي لا صلاة ولا دين=ومن الرسول ابريت والتابعينه

إلا ولا أسعد بجاه وتيمين=عساي في الدنيا طعوني مكينه

قولوا معي يوم ارفع الكف آمين=إما قضيت القول يا سامعينه

كله على شانه تعرضت للشين=لعل حسن الضن يدخل يقينه

بلواي عن كثر الملامات تكفين=أكبر بلاوي الرجل قصت يمينه

واليوم ماني ذاكرا في المخاوين=أحد يحن الحال والا يعينه

غير الذي في الضيق ينحى المعادين=راعي القناة الطايلة والسنينه

أحمد نخيتك يا شبب كل ناخين=يا القرم ياللي ما يخلي ***نه

يا ابا العوايد في الشدايد وفي اللين=أنخاك يا راعي العلوم الحسينه

يا سترغضات الصبايا ونعمين=بك يا ثقيل الروز عند المحينه

انظر بحالي يالاخو وابتصر لين=تشوف هم لاجي في البطينه

يا طول ما بانخاك وسط الدواوين=دوم على شده زماني ولينه

فان كان أخو مالكا تركني فانا وين=غادى وشوف الخير ويني ووينه


الشاعر محمد بن قاسم بن محمد بن عبدالوهاب الفيحاني
رحمه الله




راعي الجوف

صح الله لساااااانك ... وسلم الله قلبك
قصيده رائعه..
تشرفت بأن أكون من أول مصافحيها..

راااعـــــــــي الجوووووووفــ

سلمت وسلم احساااسكـ
يالقــــــــــــرم...

تسلم الجووفي ..

،، الله يعطيك العافيهـ ،، تشكرات ،،

الله يعطيكم العافيه على المرور العطر



راعي الجوف

يسلمووووو ايدينك على هالابيات