السلام عليكم ورحمة الله وبركاته

انا فحصت ابني نطق وطلعت تقرير خاص بالنطق وطلبت الدكتوره منا فحص لنسبة الذكاء لانها شكت ان عنده سمات من التوحد حصلت بعض الظروف وتعقدت امور الفحص واضطريت ارفق تقرير النطق لحاله وقلت اذا له رزق بياخذه وكانت ايام الفايروس ومشاكله بالمواقع ارفقت التقرير الساعه 2 بالليل وجاني رد بالرفض الساعه 8 الصباح امنت بالله وسلمت امري له سبحانه ولما دخلت المنتدى اليوم وجدت ان كثير من الاعضاء يقولون انه اسقطت اعاناتهم ودخلت اتاكد من حالة ابني وجدت ان الاعانه مستمره بالرغم من انهم ارسلوا لي تمت بالرفض فا وش تنصحوني فيه اكمل الفحص او ارجع ارفع التقرير مره ثانيه او وش اسوي واسفه للاطاله

الاصابه معه تستوجدب الكشف عليه من دكتور التاهايل

ما راح يقبول رفع التقرير عبر الموقع

اذا ظهر لك حجز موعد اختاريه او روح لمركز التاهيل معكم التقرير وقدموه لهم

وقولهم لهم حصل لكم ظروف في الموعد الاول ما قدرتو تجيبه لهم بالمركز

لااحنا راجعنا دكتورة النطق بمستشفى الحبيب وهي اللي قالت روحوا لطبيب نفسي عشان قياس الذكاء وبصراحه ماكان المبلغ المطلوب مني متوفر معي لان اسعارهم مبالغ فيها جدا ولاحصلت دكتور نفسي يسوي القياسات بالمستشفيات الحكوميه وارسلت التقرير الخاص بالنطق يعني الدكتور مو تبع التاهيل ولاطلبوا التاهيل مني حجز موعد طلبوا تقرير فقط

اخوي المنتصربالله الله يخليك سؤال اخر انا ولدي تابع لتاهيل الرجال اللي بالرياض وعمره 10 سنوات لو رحت لمركز التاهيل اللي بالدرعيه بحكم قربه للبيت يستقبلوني ولا لازم نقل ملف مثل الضمان الاجتماعي

كل شئ موجود بالحاسب الالي لديهم والمسافه 19 او 20 كيلو المسافه قليله

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره