الله كريم
الله يكتب لنا الرزق و الوظايف

12 سنه عطاله والعمر 32 ..

الله يعين

..

ربك كريم .. انا متخرجة من 15 سنة بكالوريوس رياضيات
و لا توظفت الى الان ...

انا متخرجه من خمس سنوات وللحين ماتوظفت
بالرغم ماخليت ولاتقديم بالنت الاوقدمت فيه
الله يفرجها صار حلم لي اني اتوظف بشركه!

والله انا ودي اتوظف بس اخذت ثاني ثانوي وسحبت بسبب زواجي واحس الدنيا قفلت بوجهي الله يرزقني ويرزقكم لو سعوده انا راضيه بس الله كريم ان شاء الله

بالنسبه للشركات ماينفع التقديم من النت الا تذهب بنفسك للشركه

عكس الدواير الحكوميه الا اذا فيه واو

والله يرزقك الجميع

السلام

اي والله مهمومه مره و طفشانه حدي ولا ادري ويش اسوي

الله يشرح صدرك لانك فتحتي موضوع عالاقل اتكلم

انا معي ثانوي من خريجات 1422 وعندي خبرات عمل ماقبلتني الكليه عشان النسبه

توظفت 7 سنوات كان عملي على الوورد اسجل تقارير واطبع

تزوجت وانتقلت للخبر وبعد الزواج ب 8 سنين زوجي جاه تعسف بالشركه وخسر عمله

عمره الان 38 سنه اخر وظيفه له ممثل علاقات عامه او معقب له 8 شهور يدور له على عمل

والى الان يدور على عمل

وانا معي دورة انجليزي 3 مستويات وخبرة عمل ماهي نافعتني تدرون ليه عشان الدعوه واسطات

واتكلم انجليزي مع الاجنبيات اعرف اتفاهم معهم بس في كلمات كثيره ما اعرفها ما اقول اني بلبل لا

واحب مجال الترجمه اذا مافهمت الكلام لازم اروح اترجمه احب هذا الشي فيني

وخبراتي عاجبتني بس للأسف سالفة الواسطه هي المسيطره كلن يوظف قريبه

تعلمت بنفسي للفوتوشوب ومبدعه فيه وقلت استغل موهبتي تعاملت مع شركه بالانترنت اصمم لهم واجهات مواقع

مجرد ارسم الصفحه الرئيسية وارسلها لهم عبر الايميل ويعطوني المبلغ والباقي عليهم كان المبلغ مرضيني

بعدها اتقفلت شركتهم وطبعا ماعاد لي رزق من هذا المجال

قلت وش اسوي الحين رحت للانستجرام وغيرت صور حسابي القديمه بالانستجرام

حولته لمتجر صغير تصمبيم وطباعة ثيمات واطبع صور بمبلغ بسيط

اعدل صور واحط صور الاطفال وقت الحفلات على كيكتهم او شوكولاتات او اسوي ثيمات للمويه وكذا

واطبع صور نسائيه والمكسب مره قليل صراحه

المهم نجي لميولي واهتماماتي

احب احل مشاكل الحاسب بنفسي واتمنى اتعلم اسوي فورمات للحاسب والبرمجة اتمنى

اركب الويندوز بنفسي بس الدورات غاليه مره

وكل ماخذت رحت اقدم على اقرب شركات حولي بالخبر وللاسف باين انهم مكتظين من عدد الي يتقدمون

والله ساكنين بأجار ندفع شهريا والحين متراكم علينا الاجار و البقاله يطلبنا وربك يعين مره متضايقين

زوجي متضايق لان مؤهله مايسعفه والله يفرجها


المفروض المسؤولين من قبل الوزارات يتابعون اول باول التامينات وعدد الابناء وحال المواطن مش معقوله كذا والله

اذا حنا كذا ياترى كم عدد الي مثل حالنا !!!

عاطله لي 8 سنوات والديا قفلت في وجهي لكن متفائلة بالفرج القريب

السلام عليكم ورحمة الله وبركاتة

مابي اطول عليكم البعض منا عنده طموح والبعض عنده وظيفه يامظلوم فيها ياراتبه مايكفيه او ماهو حق تعبه اللي يتعبه
خلاصه الموضوع بخصوص طبيعتكم واغلبكم مايقدر يطلع من البيت . عندي لكم راي مايبي له لاراس مال ولا شي
فقط تكاتف وعزيمة.

ابي اشوف منكم تفاعل على شان نتناقش في الموضوع

والله كلنا محطمين شهادات وخبرات ولغه وجالسين من سنين وماخلينا طريقه بس الله ما اراد
ممكن يافاعل خير تطرح فكرتك احنا معاك