السلام عليكم اخواني
بتكلم بختصار وابغى شوركم معلومات عن وضعي او موقفي القانوني في مكتب العمل وراح اتحفظ على كلام كثير لان ماينقال ويمكن ماحد يصدقني المهم قبل فتره لقيت وظيفه وكنت بحاجه لها واحلى شي قريبه من بيتي لقيت اعلانها في موقع وحاطين رقم التواصل كلمت الرقم قال ارسلي السي في على الوتساب ارسلته بعد فتره يكلمني الموظف ويقول اذا تبغين الوظيفه تصرين ..... ماعطيته وجه وتوظفت وتهربت منه وهو على امل لين هو مل وبطل يضايقني وعرفت انه موظف عادي وارتحت منه تقريبا طلعت المصيبه في المديرنا المباشر اتصل بالقسم النسائي ورديت العلم احنا ثلاث بنات بس اشوف وحده من البنات تعامله معها غير واضح الواسطه و الله يستر عليها قال لي نا معجب فيك ومن هالكلام وخفت طبعا وبعدها قلت انا ابغى انجز ماتعطوني شغل قال ماراح تنجزي!!!قلت ليش قال تحتاجين احد يساندك للعم اتوقع يخاف اني اشتكي عليه ما يتكلم الا بتلفون المكتب واذا مافي بنات للعلم صاري 6 شهور ودي استقيل ماني مرتاحه نفسيا وبنفس الوقت محتاجه الوظيفه ابغى حل واذا استقلت بفتره 6 شهور ايش موقفي القانوني واخاف يماطلني بخروج اسمي من التامينات لاجتماعيه
واقول لاشباه الرجال مو كل وحده اتوظفت يعني ماعندها اخلاق وحسبي الله

بسم الله الرحمن الرحيم

أختي العزيزة .. سواء قررتي الإستقالة أو عدمها يجب عليك التقدم بشكوى لصاحب العمل أو المدير العام للشركة وفي حال عدم تجاوبهم تقدمي بشكوى لوزارة العمل ، لأن بسكوتك وخروجك من الوظيفة بصمت ستتكرر مضايقتهم لأي سيدة تعمل عندهم في المستقبل ، وكذلك ستتبع هذه الإستقالة منك إستقالات كثيرة من شركات أخرى لأن هذه العينات من البشر متواجدة في أكثر الشركات ، وما دمتي بحاجة ماسة للعمل أجعليهم هم من يقومون بدفع الثمن وليس أنتِ ، وأسأل الله أن يشرح صدرك وييسر أمرك ويوسع لك في رزقك ويكفيك شر الأشرار

__________________
كن بلسماً إن صار دهرك أرقما ....... وحلاوة إن صار غيرك علقما

اتمنى اشتكي وعطيهم درس لكن ماعندي دلليل ولا احد راح يصدقني واذا اشتكيت يعني فصل لانه مارح يسكتون طبعا

أختي العزيزة مباشره قدمي ورقه الاستقاله واخذي صوره منها

ومباشره روحي مكتب العمل وقدمي شكوى رسمي بخطاب
وبعدها شهر انذار نفس نظام مكتب العمل او دفع راتب
ويشيل من التامينات ويصفيلك مستحقات اذ لك مستحقات
وقدمي على وظيفه اخري افضل

اختي العزيزة ... اذ كان يوجد تحرش او ابتزاز عن طريق الواتساب تستطيعين استخدامة كادليل ... تقدمين شكوى عن طريق الشرطة ثم يتم استدعائه الى هيئة التحقيق و الادعاء ... لا تسكتين عن حقك هذي الاشكال لازم يتربو عشانك و عشان غيرك..

ليش يحتك المدير طالما ماهو معطيك اي مهام .. ؟؟
العلاقة لازم يكون فيها عمل يتصل ع تحويلتك ويطلب منك اداء مهام مكلفك فيها..
اما يناديك عشان يقول لك انا معجب بصراحة قمة الوقاحة ..
لو حاول يضايقك افتحي الاسبيكر تبع تحويلتك وسجلي عليه من الجوال ..
يكون اقلها معك دليل لما تشتكيه
الله يعينك ويعوضك خير يارب

توجهي للشرطة و هم بيتأكدون بأنفسهم
صدقيني بياكل على راسه حتى بدون دليل هم بيحصلون الدليل