جزاك الله خير

معقولة هذا الاعلان المليون لكم ولا لقيتوا احد توظفونه؟

انا جيتكم قبل كم اسبوع وكان فيه اكثر من ظ،ظ¥ متقدم وبشهادات بكالريوس وخريجين امريكا ودول ثانية ..

بلاش ضحك ع الناس

جزاك الله خير

__________________
ومن يعمل من الصالحات وهو مؤمن فلا يخاف ظلما ولا هضما

وينكم يا ادارة المنتدى هذي الشركة على كثر اعلاناتها الوظيفية ما اتواصلوا ولا ظفوا احد وهذا تظليل وتحايل على وزارة العمل عشان يقولوا السعودي مو حق شغل لكن ما يضيع حق مظلوم عن الله

السلام عليكم ورحمة الله وبركاته
طبعا الكل ملاحظ أن شركة الشايع تسوي مقابلات كل أسبوع وأعلانتها في كل المنتدى
والى الأن مازالت تنزل أعلانات وتسوي المقابلات وفي ظل وفرة الخريجين والعاطلين مازالت لاتوظف أحد ماهو السبب ؟
أنا من الباحثين عن العمل وفي يوم صحيت الصباح بدري وضربت مشوار من النسيم الشرقي الى العليا تقريبا عشان أعلان قريته بالمنتدى
فجأة !!!! دخلت مقر التوظيف وأتفاجئ أن من يجري المقابلات سوري ومصري وبعض المتقدميين زائر سوري وأتوقع واضحة يعني !! المهم جلست أنتظر الى أن جاء دوري ودخلت للمقابلة طبعا في نهاية المقابلة سألت عن مدة الدوام وساعات العمل فجأة السوري بيقول دوامك تسع ساعات ! ويوم واحد أجازة بالأسبوع ! وأجازة أذا احتجتها تطلبها بعد أكثر من ستة شهور بعد التوظيف ! أنا تلقائيا بطلت شغل الرسميات لأني ماوافقت على نظام العمل هذا لأنه نظام مهين في نظري ويحرم الشخص من الراحة وقضاء حوائجه طبعا حصلت مشادة كلامية بسبب نظام العمل وخرجت من الشركة ولا عاد أبي أرجع لها وودي أشتكي عليهم بس عارف مارح يحصل لهم شيئ !
طبعا الشيء اللي أستفزني ان الشركة حرمت شباب كثير من العمل بالماركات والمحلات العالمية بسبب نظام العمل ومعروف ان الشركة وكيلة لماركات ومحلات كثيرة وكلهم بنفس النظام حسب ماذكر لي بالوظيفة ! وغالب الشركات الحالية صار نظام دوامها مثل الحكومي خمس أيام ثمانية ساعات والشايع مازالت على النظام القديم .
أخيرا أحببت أن انبه من نظام عملهم ولو تلاحظون في غالبية الاعلانات لاينزلو راتب وساعات عمل والمتقدم المسكين يتعب من الصباح ومشوار وزحمة في الأخير يصدم من نظامهم .
أسف على الأطالة والسلام عليكم ...