يا اخوان انا عندي تخوف كبير من الدورة العسكرية وطبيعة تغير الحياة هناك مما سمعته عنها هل هو خوف طبيعي او انا موسوس والناس تبالغ؟
اتمنى من العساكر الإفادة وكيف الجدول بيكون في ال45 يوم؟واللي ماعندهم لياقة بدنية هل بيعانون منها؟اخاف اقدم وانسحب واتفشل!
اتمنى من الجميع المشاركة

لا يابعدي مافيها اي شي يخوف

تعلمك الصبر ع كل شي والحمدلله تتغير للافضل

روح لا تسمع كلام احد البعض يبالغ في الوصف والكلام

لا توقف مستقبلك ع كلام احد

الحين بالعكس يدلعونك.

اخوي الخوف طبيعي،

وهي فترة من حياتك العسكرية وتعدي وتكون ذكريات، شف اخذنها حنا 51 يوم استجداد ماهو 45 وبعدها كرف مو طبيعي وحفرنا خنادق وقت القايلة وتعب وشقى. لكن بعد ما تمسك شنطتك اخر يوم بالتخرج وانت لابس نفس لبس الرياضة مثل اول يوم دخلت فيها الدورة راح تكون ناسي كل التعب والشقى وكانك ما اخذتها، لكن تكون عندك مكتسبات مثل لياقتك وصبرك الخ، عشان كذا اعقلها وتوكل.

انا حاليا في الدورة خلصنا 45 الاولى بطلعة الروح والله راح تنفس وتجيك هواجيس ونوعا ما ندم لدحولك العسكرية بعدها تتعود اكثر شي بتفكر فيه مستقبلك اهلك بتعيش بعزلة انا اكلمك حاليا وانتظر التخرج مليت طفشت عموما العسكرية بيئة تتعب نفسيا وجسديا

اخوي شف بكل وظيفه مستقبليه لازم يكدونك ع وجهك لين تطق نفسيتك بس حط ببالك انها فتره وتعدي وبعدها ترتاح راتب ووظيفه حكومي عز وشرف وذا الزمن الي يحصل وظيفه يبوس يده وجه وقفا وبذات العسكريه حط ببالك اهم شي العطاله والايام السوداء الي مرت قبل الوظيفه وحط قدامك المستقبل والزوجه والبيت وثاني شي العسكر ياكثرهم وش ينقصك عنهم كلهم مرو بالي مريت فيه وشفهم رجال م يطيحون من صكات الدنيا لان العسكريه علمتهم الصبر والتحكم بالذات والصدمات المفاجئه انا قلك حط ببالك انها فتره وتعدي ومن ناحية الدوره بتمر عليك ايام حللللوه وبتمر عليك ايام قشره وبتمر عليك ايام تقول بفصل بس خلك ثابت وانك قدها وقدود ولا ترجع لشيبانك منكسن راسك وصدقني لو اخذت الدوره بضحك وفله بتمر عليك بغمضت عين والتعب منسي توكل ع الله وخشها وانت مرتاح .(محدثك في 45 الثانيه م بقى شي ع التخرج ولله الحمد